लूका 8:23 - थुलुङ राई

²³ मेर्मिम कुबी-बोक्‍साडला हुम्‍डिमा लक्‍तोङा बेम्‍डिलो येशू अम्‍चेट्‌मिडी। मेकोतिलोङा मे दिरिदिनडा छो़म डोक्‍पु ब्‍लोजु़ फुड्‌डु़। मेम्‍मिमका कुबी-बोक्‍सा र्‍वाप्‍डा कुगोयु़ प्‍लु़म्‍सिमु खाप्‍डु़म बाइडा, मा मेर्मिम सिमुङा खाप्‍मिडिम बाइडा।

लूका 8:23 Referans Kwoze

लूका 8:22

कोलेम येशू उनी सीसिपामिमनुङ कुबी-बोक्‍साडला हुम्‍डी, मा उनी सीसिपामिमलाई र्‍वाम्‍डी, “दो, गुइ दिरिदिनकु होनोहोम्‍बुनो लक्‍सी।” मेकोतिमा मेर्मिम लाम्‍दिमु चो़म्‍मिडी।

हिब्रू 4:15

इकीमा खोत्‍लेडाम डोक्‍पु ङाउ डु़म्‍लाचो़ इकी मेचाप्‍सीडा रेम्‍मु मेचाम्‍निनी र्‍वाक्‍पा मेबुमी। गुइ होम्‍साकाङा गुमी वो खोत्‍ले ल्‍वाडा न-छाम्‍ला सो़म्‍सिम्‍डिम बाइडा। लावो गुमीका ने छु़ल मेबेमिवा।

लूका 5:1

कोलेम येशू गनेसरेत दिरिदिनकु सो़पडा येम्‍तासिट्‌मिडिम बाइडा। मेकोतिलो छो़म सेर्पा मु़चु़मिम माम्‍चु़नीकु सिजेम थो़मु लागि उनीमा होनोलाम आथो़लाम क्‍र्‍वाङ-क्‍र्‍वाङ उन्‍बेत्तो लेट्‌मिडिम बाइडा।

थु़र्मा 27:2

मेकोतिमा गुकु एड्रामिटेनोस शहरलामका एशियाडाम बन्‍दरगाह मिमलाम दु़म्‍तो लक्‍पा कोले डोक्‍पु कुबी-बोक्‍साडला हुत्तोकोमा लाम्‍दित्तोको। माकेडोनियाडाम थेसलोनिके शहरडा बाट्‌पा अरिस्‍तार्खस वो गुकुनुङ बाइडा।

१ कोरिन्थी 15:30

गुकु हेङा आकी त्‍वाप थारी-थारीकाङा ङिम्‍लु़सीडा दु़म्कुम बुकु?