लूका 8:22 - थुलुङ राई

²² कोलेम येशू उनी सीसिपामिमनुङ कुबी-बोक्‍साडला हुम्‍डी, मा उनी सीसिपामिमलाई र्‍वाम्‍डी, “दो, गुइ दिरिदिनकु होनोहोम्‍बुनो लक्‍सी।” मेकोतिमा मेर्मिम लाम्‍दिमु चो़म्‍मिडी।

लूका 8:22 Referans Kwoze

मर्कूस 6:45

मे मु़चु़मिम मेलामका थु़र्तो बेम्‍डिलो ङा येशूका उनी सीसिपामिमलाई कुबी-बोक्‍साडला हुबेट्‌मिडी, मा गुमीडाम ङादोङा होनो होम्‍बुनोम बेथसेदाथो़ थु़र्ल्‍याम्‍डी।

लूका 8:23

मेर्मिम कुबी-बोक्‍साडला हुम्‍डिमा लक्‍तोङा बेम्‍डिलो येशू अम्‍चेट्‌मिडी। मेकोतिलोङा मे दिरिदिनडा छो़म डोक्‍पु ब्‍लोजु़ फुड्‌डु़। मेम्‍मिमका कुबी-बोक्‍सा र्‍वाप्‍डा कुगोयु़ प्‍लु़म्‍सिमु खाप्‍डु़म बाइडा, मा मेर्मिम सिमुङा खाप्‍मिडिम बाइडा।

लूका 5:1

कोलेम येशू गनेसरेत दिरिदिनकु सो़पडा येम्‍तासिट्‌मिडिम बाइडा। मेकोतिलो छो़म सेर्पा मु़चु़मिम माम्‍चु़नीकु सिजेम थो़मु लागि उनीमा होनोलाम आथो़लाम क्‍र्‍वाङ-क्‍र्‍वाङ उन्‍बेत्तो लेट्‌मिडिम बाइडा।

मर्कूस 8:13

मेकोतिमा मेर्मिमलाई मेसि पार्जो़ल्‍मिडिमा गुमी कुबी-बोक्‍साडला हुम्‍डी, मा होनो होम्बुथो़ लम्‍डी।

मत्ती 14:22

मेकोतिमा येशूका उनी सीसिपामिमलाई कुबी-बोक्‍साडला हुबेसाका गुमीडाम ङादो दिरिदिन होम्‍बुथो़ थु़र्थाम्‍डी। मु़चु़मिमलाई नेम थु़र्सोमु लागि गुमी ने मेसिन्‍डाङा बाम्‍डी।

यूहन्‍ना 6:1

मेरामकु किचो़ चङडा, येशू गालील दिरिदिनकु होम्‍बुनो (मेरामलाई तिबेरियास दिरिदिन वो र्‍वामी) लम्‍डी।

मर्कूस 5:21

आथावो येशू कुबी-बोक्‍साडलामका दिरिदिन होनोहोम्‍बु लम्‍डिलो उनी होनो-आथो़ छो़म सेर्पा मु़चु़मिम खोम्‍सिम्‍डी, मा येशू ने मे दिरिदिन फारबाडेङा बाम्‍डी।

मत्ती 8:18

येशूका सेर्पा मु़चु़लाई उनी होनोलाम-आथो़लाम ल्‍वाम्‍डी। मेम्‍मा उनी सीसिपामिमलाई दिरिदिनकु होम्‍बुनो लक्‍सी बेम्‍डी।

लूका 8:33

मुनाङपेलमिम मेराम मु़चु़लामका लुम्‍डिमा ब्‍वामिमगोनो हुम्‍डी। मेकोतिमा मे सेर्पा ब्‍वामिम भ्‍र्‍वालाम सिसिरका झार्मिडिमा दिरिदिनगोयु़ झुम्‍डी, मा सिम्‍डी।

थु़र्मा 27:2

मेकोतिमा गुकु एड्रामिटेनोस शहरलामका एशियाडाम बन्‍दरगाह मिमलाम दु़म्‍तो लक्‍पा कोले डोक्‍पु कुबी-बोक्‍साडला हुत्तोकोमा लाम्‍दित्तोको। माकेडोनियाडाम थेसलोनिके शहरडा बाट्‌पा अरिस्‍तार्खस वो गुकुनुङ बाइडा।