लूका 8:21 - थुलुङ राई

²¹ येशूका मेर्मिमनुङ र्‍वाम्‍डी, “उहेमका माम्‍चु़नीकु सिजेम जो़होमका थो़मिमा मेरामका र्‍वामिम होम्‍साका खारी बोमी मेर्मिम ङा सो़ आमा माम नुङ ल्‍वाकमिम।”

लूका 8:21 Referans Kwoze

याकूब 1:22

ओरामका र्‍वामिम होम्‍साका बेनी। सिजेम थो़पा कोङङा दु़म्‍साका नड्‍डा मेजो़पा मिम्‍निमा मेख्‍लो़ट्‌नी।

यूहन्‍ना 13:17

गानी ओर्मिम ल्‍वा थेट्‌निमा मेराम होम्‍साका बेन्‍नी माला गानी आलाकाम सो़।

३ यूहन्‍ना 1:11

द्‌वादीबुङ ङोप्‍सो़नी, हाम मेजो़पा बु मेरामकु बेसी मेबेनी। उहेम मु़चु़का जो़पा बु़ मेराम मु़चु़ माम्‍चु़नीलाममिम सो़। उहेम मु़चु़का मेजो़पा बु़ मेरामका माम्‍चु़नी ल्‍वास्‍तु़म मिबु।

१ यूहन्‍ना 2:29

ख्रीष्‍ट माम्‍चु़नीकु न होप्‍माम जो़पा खारी बेपा र्‍वाक्‍पा गानी चनी माला हाम जो़पा बु मेराम खारी बेपा खोत्‍ले मु़चु़ माम्‍चु़नीलाम गम्‍डिम र्‍वाक्‍पा चक्‍नी।

२ कोरिन्‍थी 6:18

गो इनीमा पाप दु़म्‍ङु, मा गानी आमा जाउमो-तारापाचो़मिम दु़म्‍नी, खोत्‍लेडाम घ्‍ल्‍वापा मिप्रङमाका र्‍वामी।”

लूका 8:15

लावो जो़पा क्‍वाडला झुक्‍पा भ्रल ने मेर्मिम ङा सो़, उहेमका सिजेम थो़मिमा नड्‍डा जु़ल्‍थामी, मा मेराम होम्‍साका दोमी। मेम्‍मा इम्‍साका लन्‍थामिमा हापा मा सिन्‍बेन्‍मी।

२ कोरिन्‍थी 5:16

मेम्‍मिमका सु़म्‍दिसेरडाम मु़चु़मिमकु रेप्‍सी होम्‍साका आथाडा आनो गुकु सु़लाई वो मेरेम्‍कु। कोबिलि ख्रीष्‍टलाई आरेसाकाङा रेप्‍तोको लावो आथाडा आनो गुमीलाई मेम्‍साका मेरेम्‍कु।

यूहन्‍ना 20:17

येशूका गुलाई र्‍वाम्‍डी, “गोलाई मेजेट्‌ङी, हेङालोने गो पापकाडा ख्‍लोङसिङ्‌डोम मिबु। लावो आमा ल्‍वाकमिमकाडा लक्‍सामा र्‍वाका, ‘गो आमा पाप नुङ इनीमा पापकाडा मा आमा माम्‍चु़नी नुङ इनीमा माम्‍चु़नीकाडा लक्‍तोङा लेट्‌पु’।”

मत्ती 25:40

“मेकोतिमा हपका मेर्मिमलाई र्‍वा, ‘आच्‍छाङा गो गानीलाई र्‍वाङु, गानी ओ आमा जाउमो, तारापा वा-ल्‍वाकमिमगोडाम खोत्‍लेडाम याक्‍के कोलेलाई ओराम बेन्‍निमङा गानी गोलाई बेङ्‌डिनिम सो़।’

मत्ती 17:5

गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

मत्ती 28:10

मेकोतिमा येशूका मेर्चिपलाई र्‍वाम्‍डी, “मेङिची, लक्‍चिमा आमा ल्‍वाकमिमलाई गालील क्षेत्रनो लक्‍नी बेचिमी, मा मेसिन्‍डा मेर्मिमका गोलाई ल्‍वाङिमी।”

मत्ती 25:45

“मेकोतिलो हपका र्‍वा, ‘आच्‍छाङा गो गानीलाई र्‍वाङु, गानी ओ आमा जाउमो, तारापा वा-ल्‍वाकमिमगोडाम खोत्‍लेडाम याक्‍के कोलेलाई ख्‍लो़मु मेबिन्‍सिट्‌निवामङा गोलाई ख्‍लो़मु मेबिन्‍सिट्‌निवाम सो़।’

लूका 8:20

कोङनिम मु़चु़का गुमीलाई र्‍वाम्‍डी, “इनीमा माम नुङ ल्‍वाकमिम गानीलाई क्रो़म्‍मु र्‍वाक्‍साका पाखानो येम्‍तासिक्‍पा बुमी।”