लूका 8:18 - थुलुङ राई

¹⁸ सु़का थेसिथेडु़, मेरामका आथावो थेसिथेन्‍मु चाप्‍सु़। लावो सु़का थेसिमेथेडु़, मेरामका थेसिथेट्‌पु र्‍वाक्‍पा मिम्‍सिमिम वो रोन्‍ला सो़सी। मेम्‍मिमका गानी थो़निमिम ल्‍वाडा चङचङया बानी वो!”

लूका 8:18 Referans Kwoze

मत्ती 13:12

हेङालोने उहेमका माम्‍चु़नीकु किब्‍दीकु दुथाम थेसिथेन्‍मु न बु़, माम्‍चु़नीका गुलाई थेसिथेन्‍बेन्‍मी, मा उमा नेप्‍ची बर्बेन्‍सामी। लावो उहेमका थेसिथेन्‍मु न मेबु़, मेरामका कि-कि थेसिथेडु़मिम वो थेसिङा मेथेट्‌पा माम्‍चु़नीका दु़म्‍बेन्‍मी।

लूका 19:26

“हपका र्‍वाक्‍ता, ‘गो गानीलाई र्‍वाङु, उहेम मु़चु़का मेर्मिमलाई ग्‍वाक्‍मा खारी जो़होमका बोमी, मेर्मिमका आथावो हापा डार्मी, लावो उहेम मु़चु़का हाम वो मेबोमी मेर्मिमकाडा बाट्‌पा याक्‍के वो रोन्‍ला सो़म्‍सिमी।

मत्ती 25:29

उहेमनुङ बु, मेरामका आथावो ल्‍वासु़, मा मेराम लिट्‌पा दु़म। लावो उहेमनुङ मिबु, मेरामनुङ बाट्‌पा वो रोन्‍ला सो़सी।

यूहन्‍ना 15:2

मा मेसिट्‌पा आमा खोत्‍ले ग्रेममिम गुमीका फल्‍मी। मा सिट्‌पा खोत्‍ले ग्रेममिमलाई आथावो हापा मा सिट्‌नु़ र्‍वाक्‍साका स्‍याङमी।

हिब्रू 2:1

मेम्‍मिमका गुइ हाम थो़स्‍तिम बु मेरामडला गुइ छो़म न सोमु बासी। मेएँ माला ने गुइ लाम्‍दी प्‍ल्‍वासिमा कोर्थो़ लक्‍सी।

१ कोरिन्थी 14:37

कोङनिम मु़चु़का उ त्‍वापलाई माम्‍चु़नीलाम जेपा लोवो माम्‍चु़नी पेललाममिम राप्‍लावा ल्‍वापा मु़चु़ मिम्‍सी माला गो र्‍याक्‍तोम ल्‍वा ङाचो़ येशूका र्‍वाम्‍डिम र्‍वाक्‍साका रङु़नु़।

१ कोरिन्थी 8:2

उहेम मु़चु़का “गो कोङनिम ल्‍वा थेट्‌पु” र्‍वाक्‍पा मिम्‍सी, गुका थेन्‍मु बासिक्‍पा ल्‍वा आथावो मेथेथिङा बुमिम दु़म।

१ कोरिन्थी 3:18

सु़का वो उ त्‍वापलाई ताङताहेरथो़ मेलनु़। गानीगोडाम कोङनिमका उ त्‍वापलाई ओराम सु़म्‍दिसेरडाम नेप्‍चीनुङमा मिम्‍सी माला गु नेप्‍ची मान्‍थिम दु़म्‍नु़, मेम्‍साका कोङङा आच्‍छाङाकाम नेप्‍चीनुङमा दु़म।

रोमी 12:3

माम्‍चु़नीका ग्‍वाङ्‌डिमिम दिदामलामका गो गानीलाई र्‍वाक्‍तोङा बेउ, त्‍वापलाई डोक्‍पु मेमिम्सिट्‍नी लावो माम्‍चु़नीका गानी खोत्‍लेलाई ग्‍वाक्‍निमिम थो़र होम्‍साका इनी त्‍वाप हेप्‍माम बुनी मेराम होम्‍साका कोङङा मिम्‍सिट्‍नी।

थु़र्मा 17:11

मेर्मिमका माम्‍चु़नीकु सिजेम छो़म गेर्सी द्‌वाक्‍तो थो़म्‍डिमा पावलका र्‍वाक्‍ताम ल्‍वा आछाङा डे मेएँ र्‍वाक्‍साका हेल्‍लो लोवो माम्‍चु़नीकु सिजेम डासाका थेन्‍मु माल्‍थाल्‍मिडी।

थु़र्मा 10:33

मेकोतिमा दालाङा गो गानी येड्‌डा मु़चु़मिम थु़र्तोमी, मा आसिन्‍डा रोनिम छो़म ङा जो़पा दु़स्‍ताम बु। आथा माम्‍चु़नीका गानीनुङ र्‍वाम्‍डिम खोत्‍ले सिजेम थो़मु गुकु खोत्‍लेङा माम्‍चु़नीकु ङादोडा खोम्‍सिक्‍तोकोम बु।”

लूका 9:44

“गो र्‍वाङुमिम ल्‍वा किङकिङया थो़नी वो, मिनीचो़ उ स्‍वाक्‍चिमो मु़चु़मिमकाडा भ्रेन्‍सिमु खाप्‍डु़म बु।”

फिलिप्‍पी 3:4

मेम्‍मा वो गोनुङ ने आरेप्‍माम नो़ डोक्‍पु बेपा ल्‍वामिम बु। कोङनिमका त्‍वाकु बेसी-दोसीडा नो़ डोक्‍पु बेपा ल्‍वामिम बु र्‍वाक्‍पा मिम्‍सी माला मेरामकामडाम वो हापा गोनुङ बुमी:

मर्कूस 13:14

“हाङकोलो गानी दु़म्‍सीङा मेनु़पाडा मे घ्राम्‍लु़पा दालिद्र ल्‍वानी (डाट्‍पा मु़चु़का ङा थेसिथेट्‌नु़), मेकोतिलो यहूदियाडा बाट्‌पामिम पोप्‍चङथो़ स्‍वामिनु़।