लूका 8:15 - थुलुङ राई

¹⁵ लावो जो़पा क्‍वाडला झुक्‍पा भ्रल ने मेर्मिम ङा सो़, उहेमका सिजेम थो़मिमा नड्‍डा जु़ल्‍थामी, मा मेराम होम्‍साका दोमी। मेम्‍मा इम्‍साका लन्‍थामिमा हापा मा सिन्‍बेन्‍मी।

लूका 8:15 Referans Kwoze

हिब्रू 10:36

गानी हाम वो मेर्‍वाक्‍साका इम्‍मु बासी, मेम्‍साका माम्‍चु़नीकु न होङङा गानी बोनी मा गुमीका हाम ग्‍वानिनी र्‍वाक्‍साका याचे जेम्‍डिम बाइडा मेराम ल्‍वा ल्‍वानी।

लूका 6:45

जो़पा मु़चु़का उ न-गोडा जु़ल्‍थाडु़मिमलाम जो़पा ल्‍वा जे। मेजो़पा मु़चु़का उ न-गोडा जु़ल्‍थाडु़मिम मेजो़पा ल्‍वा जे। हेङालोने हेप्‍माम ल्‍वा उ न-गोडा कुर्थाडु़मिम बु, मेराम मु़चु़का मे ङा जे।

१ यूहन्‍ना 2:3

गुमीका बेबेसाड्‌डामिम होङङा बिइ माला ख्रीष्‍टलाई गुइ छेडिमी रेछा र्‍वाक्‍पा च।

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

कलस्‍सी 1:6

मेराम जो़पा-सेला इनीमाडा रोक्‍ताम बु। सु़म्‍दिसेर खोत्‍लेथो़म हापा छो़म मु़चु़मिमका मेराम सेलाडा थो़र लु़मिम बुमी, मा मेराम जो़पा-सेलाका उनीमा बासी-दोसीडा जो़पा बु़डु़म बु। माम्‍चु़नीकु दिदाम गानी थो़न्‍नी मा आच्‍छाङा थेसिथेट्‌निलो आथाम मेराम सेलाका गानीगोडा वो मेमकाङा खारी बु़होम बु।

यूहन्‍ना 14:15

“गानी गोलाई रिखाम बोङिनी माला गो र्‍वाङुमिम थो़नी।

लूका 11:28

लावो येशूका र्‍वाम्‍डी, “उहेमका माम्‍चु़नीकु सिजेम जो़होमका थो़मी, मा मेराम होम्‍साका बोमी, मेर्मिम मु़चु़ डे आलाकाम सो़।”

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

रोमी 7:4

आमा वा-ल्‍वाकनी, गानी वो ख्रीष्‍टकु मिरो़मनुङ डु़म्‍लाकाम लागि सिन्‍निम बु। मेम्‍मिमका जो़पा मा-के सिन्‍बेडिमिम होम्‍साकाङा माम्‍चु़नीकु जो़पा खारी बोमु चापा दु़म्‍मु लागि गुइ ने सिमुलाम बग्‍गेसाका त्‍वारो़म ल्‍वापानुङ कोले दु़म्‍सी।

रोमी 6:22

आथा ने गानी छु़लडाम वाङ दु़म्‍निम बु मा माम्‍चु़नीकु डु़ल्‍चो़ दु़म्‍निम बु। ओरामका गानीलाई सेपा दु़म्‍बेनी मेम्‍मा हेल्‍लो वो मेसिपा त्‍वारो़म ल्‍वानी।

यूहन्‍ना 15:10

गानी गो र्‍वाङ्‌डोम थो़नी माला आमा रिखामडा गानी बुनी, हेसाका गो वो आमा पापका र्‍वाम्‍डिम थो़उतो, मा उनीमा रिखामडा बुङु।

मत्ती 24:13

लावो चङडासम्‍म थो़रलु़पाम बाट्‌पा मु़चु़ सेल्‍सी।

हिब्रू 2:1

मेम्‍मिमका गुइ हाम थो़स्‍तिम बु मेरामडला गुइ छो़म न सोमु बासी। मेएँ माला ने गुइ लाम्‍दी प्‍ल्‍वासिमा कोर्थो़ लक्‍सी।

एफिसी 2:8

माम्‍चु़नीकु दिदामकाङा गानी थो़र बेन्‍नी मा सेल्‍सिट्‌नी। इनी त्‍वापङा सेल्‍सिट्‌निम ने मेएँ, लावो ओराम सेल्‍सी ने माम्‍चु़नीका न बेम्‍डिमा मेडेङा ग्‍वाक्‍निमिम बु।

१ कोरिन्थी 7:19

हेङालोने खिरिरि क्रिप्‍सी बोमु नुङ मेबोमु हाम वो मेएँ, लावो माम्‍चु़नीका र्‍वामिमिम होम्‍साका बोमुङा डोक्‍पु सो़।

रोमी 7:18

आमा न-गोडा जो़पा ल्‍वा मिबु र्‍वाक्‍साका गो चक्‍पु, हेङालोने जो़पा खारी बोमु न बेउ लोवो गो बोमु मेचापु।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

याकूब 1:4

गानी खोत्‍लेडा इम्‍मु सीसिट्‌नी, मा गानी हामकाम वो खेरेला मेदु़म्‍साका थेट्‌पा नुङ बोमु चापा दु़म्‍नी।

लूका 8:14

मे चु़दुडा झुक्‍पा भ्रल ने मेर्मिमङा सो़, उहेमका माम्‍चु़नीकु सिजेम थो़मु ने थो़मी लावो मिरो़मकु दुथाम मिम्‍ताम-सो़र्ताम बेपा, मा खाप्‍चीचो़ दु़म्‍मु न बेपा नुङ नसीहोम बोमु माल्‍पा नकाम दु़म्‍मी। मेम्‍मिमका मेर्मिमकु थो़र बर्मुमा मा सिन्‍बेन्‍मु मेचाम्‍मी।

लूका 8:16

“सु़का वो धिप्‍री चायु़मा खचाका मेचु़प्‍डु़, मा खाटकु गोयु़ वो मेजु़लु़। लावो नेमडा रोक्‍पामिम खोत्‍लेका ल्‍वामिनु़ र्‍वाक्‍साका बोर्सोडला जु़लु़।

रोमी 8:25

लावो गुइ मेल्‍वासिवाम ल्‍वा डार्पा न बिइ माला गुइ मेराम ल्‍वामु लागि इम्‍सिक्‍साका नगोडा लथाडी।