लूका 8:13 - थुलुङ राई

¹³ लुङदुडा झुक्‍पा भ्रल ओर्मिम ङा सो़, उहेमका माम्‍चु़नीकु सिजेम थो़मिमा गेर्सिद्‌वाक्‍तो रमी। लावो धु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म्‍मी। लावो मेजो़पा ल्‍वालामका उनी न छाम्‍सिमिम थारीका माम्‍चु़नीडा थो़र लु़मु डिन्‍मी, मा गुमीडाम वाङ दु़म्‍मी।

लूका 8:13 Referans Kwoze

यूहन्‍ना 5:35

यूहन्‍नाका सो़यु़डु़म ल्‍वा वाक्‍पा नुङ झ्‍वाक्‍पा धिप्‍री होप्‍माम बाइडा। मेम्‍मा गानी घरिकोङ उमा ल्‍वाडा गेर्सिमु न बेन्‍नी।

यहूदा 1:12

ङाचो़कु रिखाम मिम्‍साका पोनिमिम इनी सामाघ्रो़म्‍सीकु ग्रुला मेर्मिम मु़चु़नुङ पोनिलो मेर्मिम ने कुबी-बोक्‍सा फ्रु़प्‍सेसी बोमु चापा इनीमा लागि ङिमलु़पा दिपलुङ होप्‍माम सो़। मेर्मिम ने त्‍वापथो़ कोङङा नसोक्‍पा क्रो़म मान्‍थिम रेपा-क्रिपा होप्‍माम सो़। मेर्मिम बाय ड-ड हुट्‌पा व मेयोक्‍पा खासे होप्‍माम सो़। मेर्मिम नखेप सिपा छेस्ता-काक्‍ता बिलिम धक्‍सा होप्‍माम सो़, मेर्मिम धक्‍साका मा सिन्‍मेबेन्‍मी, मा उ सक्‍फारयु़मङा बुल्‍मा दु़म।

२ पत्रुस 2:22

ओराम उखान होम्‍साका मेर्मिमलाई आच्‍छाङा दु़स्‍ता: “ख्‍लेबा उ फोङकुथो़ङा ख्‍लोसिमा ल” मा “सो़ल्‍मा ब्वाकु खोमी ख्‍लोसिमा हिलोडाङा लमा पुलिएली बु़।”

२ पत्रुस 2:20

मेर्मिमका इकी ङाचो़ नुङ गुइलाई सेल्‍पा येशू ख्रीष्‍टलाई छेसाका वो सु़म्‍दिसेरडाम मेजो़पालाम स्‍वामी। मेम्‍मा आथावो मेरामथो़ङा दु़म्‍मिमा मेरामकु डु़ल्‍चो़ दु़म्‍मी माला ङादो बाम्‍डिमडाम वो छो़म मेजो़पा दु़म्‍मी।

हिब्रू 10:39

गुइ ने चङथो़ स्‍वापा मा सिपामिम मेएँ, लावो थो़र लु़पा मा सेल्‍सिक्‍पामिम सो़।

एफिसी 3:17

गानी थो़र बेनिम बानी मा ख्रीष्‍ट इनीमा नगोडा बुमिनु़म बुमिनु़, रिखामडा फ्रु़प क्रोसिसाका गानी होनो आथो़ मेदु़म्‍पा डोक्‍पु थो़रनुङमा दु़म्‍नी,

याकूब 2:26

मिरो़म पेल मान्‍थिम दु़म्‍लो सिमिम दु़म। मेप्‍मामङा थो़र वो खारी मान्‍थिम दु़म्‍लो सिमिम दु़म।

१ तिमोथी 1:19

हेल्‍लो लोवो थो़रनुङमा दु़म्‍सामा जो़पा हाम थेट्‌नाम मेराम बे। कोङ-कोङका आरे मेबेमिवामा मेर्मिमकु थो़र पुयु़लुस्‍ताम बु।

१ थेसलोनिकी 3:5

मेम्‍मिमका गो इम्‍मुम बुमु मेचापुवालो इनीमा थो़रकु दुथाम चमु लागि तिमोथीलाई गो इनीमाडा थु़र्तो। याङलो शैतानका इनीमा न छाम्‍मु चाप्‍सु़, मा गुकु बेत्तोकोम खारी ब्‍लाम-ब्‍लाम बु़ र्‍वाक्‍पा आमा ङिम लु़डाम बाइडा।

कलस्‍सी 2:7

धु़प्‍पा फ्रु़प क्रोक्‍पा धक्‍सा होप्‍माम नुङ गुमीडला बनेबेम्‍मा नेम होप्‍माम गुमीडलाम इनीमा थो़र आनो मेनो मेदु़म्साका सीपा मु़चु़मिमका गानीलाई सीट्‌निमिम होङङा छो़म आच्‍छाङा लु़त्तो लमु बासी। मेम्‍मा आला-तोमानुङमा दु़म्‍मुम बुमु बासी।

गलाती 3:4

हाम गानी येशू ख्रीष्‍टडा थो़र लु़न्‍निलो आकोति छो़म दु़खा इम्‍निम ल्‍वा हाम ना हामकाम दु़स्‍ता मा? गो मेप्‍माम मिम्‍तोम मिबु।

गलाती 3:1

ए नेप्‍ची मान्‍थिम गलातियाडाम मु़चु़नी, मेजो़पा लाम्‍दीथो़ लाम्‍दिमु लागि गानीलाई सु़का कोक्‍नी? इनीमा मिक्‍सीलामडाङा येशू ख्रीष्‍ट क्रूसडा चेसिम्‍डिम ल्‍वाकु दुथाम जो़होमका र्‍वाक्‍मा बाइडा।

१ कोरिन्थी 15:2

गो थो़बेट्‌निनिम ओराम जो़पा-सेलाडा थो़र बोनिमा मेडिसाका मेरामडा दु़म्निम बुनी माला ओरामका गानीलाई सेल्‍नी, मेएँ माला ने गानी थो़र बेन्‍निम ने हाम ना हामकाम दु़म।

यूहन्‍ना 15:6

गोगोडा मेदु़म्‍पा मु़चु़ घ्रोला सो़सिक्‍पामा साट्‌पा ग्रेममिम होप्‍माम दु़म। आरेप्‍माम ग्रेममिम मु़चु़मिमका खोम्‍मिमा मुगोडा घ्रोम्‍सोमी, मा मेराम घ्रु़।

यूहन्‍ना 15:2

मा मेसिट्‌पा आमा खोत्‍ले ग्रेममिम गुमीका फल्‍मी। मा सिट्‌पा खोत्‍ले ग्रेममिमलाई आथावो हापा मा सिट्‌नु़ र्‍वाक्‍साका स्‍याङमी।

कलस्‍सी 1:23

लावो गानी इनीमा नडा मेमुर्सिक्‍साका नुङ आनो-मेनो मेबासिक्‍साका थो़र बोमुम बुमु बासी, मा गानी जो़पा-सेला थो़न्‍निलो हाम-हुम ल्‍वापा न ल्‍वान्‍निम डिसिमेनु़। ओराम सेला माम्‍चु़नीकु खारीचो़मिमका सु़म्‍दिसेर खोत्‍लेथो़म मु़चु़मिमलाई थो़बेट्‌मिडी, मा गो पावल आ त्‍वाप वो ओराम सेला थो़बेट्‌पा सेलाचो़ दु़म्‍ङोडोम बु।

१ कोरिन्थी 13:2

गोनुङ माम्‍चु़नीलाम जेपा राप्‍लावा बु, खोत्‍ले थक्‍मा ल्‍वा नुङ नेप्‍ची थेसिथेन्‍मु चापु, मा पोप्‍चङ हेम्मु चापा थो़र बु लावो आगोनो रिखाम मिबु माला गो हाम वो मेएँ।

मर्कूस 6:20

हेङालोने यूहन्‍ना जो़पा-नगोनुङमा नुङ सेपा मु़चु़ र्‍वाक्‍साका हेरोद गुनुङ ङिस्‍थाल्‍लाम बाइडा। मेम्‍मिमका गुका जो़होमका जु़ल्‍लु़म बाइडा। यूहन्‍नाकु सिजेम थो़स्‍थाल्‍लु़लो उ नडा हाम बोमु हाम बोमु दु़स्‍थाल्‍ला, लावो गेर्सिसाका ङा थो़स्‍थाल्‍लु़।

१ यूहन्‍ना 2:19

ख्रीष्‍टकु कोर्थो़लाम बक्‍पा ओ मु़चु़मिम गुइनुङ लाम्‍दिपा थो़र लु़पामिम मेएँ, मेम्‍मिमका गुइलाई डिसाड्‌डामी। मेर्मिम मु़चु़ गुइनुङ लाम्‍दिपा थो़रलु़पामिम माला ने गुइनुङ बामिवा। लावो मेर्मिम सु़ वो गुइनुङ लाम्‍दिपा थो़र लु़पा मेएँ रेछा र्‍वाक्‍पा मेर्मिमका डिसाड्‌डामिमलामका रेम्‍बेम्‍डी।

लूका 8:12

लाम्‍दीडा झुक्‍पा भ्रल मेर्मिमङा सो़, उहेमका सिजेम थो़मी, लावो नगोडा थो़मिमिम सिजेमलामका थो़र मेलु़मिनु़मा मेसेल्‍सिमिनु़ र्‍वाक्‍साका शैतान रोमा मेर्मिमकु नगोडाम सिजेम रोडु़मा लल्‍याडु़।

लूका 8:14

मे चु़दुडा झुक्‍पा भ्रल ने मेर्मिमङा सो़, उहेमका माम्‍चु़नीकु सिजेम थो़मु ने थो़मी लावो मिरो़मकु दुथाम मिम्‍ताम-सो़र्ताम बेपा, मा खाप्‍चीचो़ दु़म्‍मु न बेपा नुङ नसीहोम बोमु माल्‍पा नकाम दु़म्‍मी। मेम्‍मिमका मेर्मिमकु थो़र बर्मुमा मा सिन्‍बेन्‍मु मेचाम्‍मी।