लूका 8:12 - थुलुङ राई

¹² लाम्‍दीडा झुक्‍पा भ्रल मेर्मिमङा सो़, उहेमका सिजेम थो़मी, लावो नगोडा थो़मिमिम सिजेमलामका थो़र मेलु़मिनु़मा मेसेल्‍सिमिनु़ र्‍वाक्‍साका शैतान रोमा मेर्मिमकु नगोडाम सिजेम रोडु़मा लल्‍याडु़।

लूका 8:12 Referans Kwoze

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।

मर्कूस 4:15

याङ मु़चु़मिम लाम्‍दीबाडे फोट्‌मा भ्रल होप्‍मामङा बुमी। मेर्मिमका सिजेम थो़मी मेडे, शैतान रोमा मेर्मिमका थो़मिमिम सिजेम लल्‍याडु़।

मत्ती 13:19

लाम्‍दीडा झुक्‍पा भ्रल मेरामङा सो़, उहेमका माम्‍चु़नीकु किब्‍दीकु दुथाम सिजेम थो़सु़, लावो थेसिमेथेडु़। मेम्‍मा शैतान रोमा भ्रल फोट्‌मा होङङा जु़ल्‍मा मेरामकु नड्‌डाम सिजेम रोडु़मा ल।

लूका 8:5

“कोले खारीचो़ भ्रल फोड्‌डा लस्‍ता। भ्रल फोड्‌डु़लो याङ भ्रल लाम्‍दीबाडे झुस्‍ता, मा मु़चु़मिमका देम्‍मिडी। मेकोतिमा चक्‍पुका डो़म्‍पेम्‍डी।

मत्ती 13:4

भ्रल फोड्‌डु़लो याङ भ्रल लाम्‍दीडा झुस्‍ता, मा चक्‍पुमिम रोम्‍डिमा डो़म्‍पेम्‍डी।

लूका 8:11

“ओराम सीसि-सो़म्‍दीका र्‍वाक्‍ताम भ्रल ने माम्‍चु़नीकु सिजेम सो़।

लूका 8:13

लुङदुडा झुक्‍पा भ्रल ओर्मिम ङा सो़, उहेमका माम्‍चु़नीकु सिजेम थो़मिमा गेर्सिद्‌वाक्‍तो रमी। लावो धु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म्‍मी। लावो मेजो़पा ल्‍वालामका उनी न छाम्‍सिमिम थारीका माम्‍चु़नीडा थो़र लु़मु डिन्‍मी, मा गुमीडाम वाङ दु़म्‍मी।