लूका 7:8 - थुलुङ राई

⁸ हेङालोने आ त्‍वाप ङा वो साखामचो़कु ल्‍वाडा बुङु, मा आमा ल्‍वाडा सिपाहीमिम बुमी। गो कोलेलाई ‘लक्‍सा’ र्‍वाङु, मा मेराम ल मा कोङमीलाई ‘रोका’ र्‍वाङु, मा मेराम रो। गो आमा डु़ल्‍चो़लाई ‘आरे बे’ र्‍वाङुलो मेरामका बु़।”

लूका 7:8 Referans Kwoze

कलस्‍सी 3:22

डु़ल्‍चो़नी, खोत्‍ले ल्‍वाडा गानी इनीमा नेमहपमिमका र्‍वामिमिम होङङा बेनी। न-थो़म ल्‍वामु लागि मेर्मिमकु मिक्‍सीलामडा कोङङा र्‍वामिमिम होङङा बेपा मेएँ, लावो ङाचो़ येशूकु ङिम जु़ल्‍साका आच्‍छाङाकाम न-गोका बेनी।

थु़र्मा 23:17

मेकोतिमा पावलका कप्‍तानमिमगोडाम कोलेलाई येड्‌डु़मा र्‍वाक्‍ता, “ओराम स्‍वालालाई इनीमा कमाण्‍डरकाडा सोन्‍थिट्‌नी, हेङालोने ओरामका गुमीनुङ कोसि-नक्‍सि जेमु बासिक्‍पा बु।”

थु़र्मा 25:26

ओरामकु दुथाम गो डोक्‍पु हपलाई र्‍यामु बासिक्‍पा ल्‍वा हाम वो मिबु। मेम्‍मिमका गो ओराम मु़चु़लाई हप अग्रिपास नुङ गानी खोत्‍लेकु ङादोडा रेत्तोम बु, मा गानी ओरामलाई हिलाहिसी बेनी। मेम्‍मा कोङनिम ल्‍वा लुक्‍ता माला गो हाम-हुम र्‍यामु चापु।

थु़र्मा 24:23

मेकोतिमा फेलिक्‍सका कप्‍तानलाई बु़डु़, पावललाई इमा फारफार बे, मेकोति मेबथाडा, उमा ङोप्‍सो़मिमका गुलाई चाहेदु़म्‍पा हाम-हुम कोर्मिलो मेभोप्‍डामी।

थु़र्मा 23:26

“किब्‍दी साखामचो़ फेलिक्‍स, गो क्‍लौडियस लुसियसकाम सेव!

थु़र्मा 23:23

मेकोतिमा मे कमाण्‍डरका कप्‍तानमिमगोडाम नलेलाई येड्‌डु़ची मा आरे बु़डु़ची, “आनेप सिन्‍था गु (९) जेमिम थारीका न सङ (२००) सिपाहीमिम, येत धु़म (७०) घोडाडला हुपा सिपाहीमिम मा नक सङ जाते जेट्‌पा सिपाहीमिमलाई कैसरियाथो़ लमु रेट्‌जो़ल्‍ची।

लूका 7:7

गो आ त्‍वाप वो इनीमाडा रोमु घ्रेट्‌पा मेबुङु र्‍वाक्‍पा मिम्‍सिङडो। लावो गानी र्‍वाक्‍नी, मा आमा डु़ल्‍चो़ स।

लूका 7:9

ओराम ल्‍वा थो़म्‍डिमा येशू ङाङाया दु़म्‍मिडी। मेकोतिमा उनी चङचङ बिक्‍तोङा बेपा सेर्पा मु़चु़मिमथो़ ख्‍लोसिम्‍डिमा र्‍वाम्‍डी, “गो गानीलाई र्‍वाङु, इस्राएलीमिमगोडा आरेप्‍माम छो़म थो़रलु़पा सु़ वो गो मेडारुवा।”

थु़र्मा 23:31

मे कमाण्‍डरका र्‍वाक्‍ताम होम्‍साका ङा सिपाहीमिमका पावललाई सिन्‍थाङा एन्‍टिपाट्रिस शहरडा रेन्‍थिम्‍डी।