लूका 7:6 - थुलुङ राई

⁶ ओराम थो़म्‍डिमा येशू मेर्मिमनुङ लम्‍डी। कप्‍तानकु नेम फार्डा येशू रोम्‍फाम्‍डिलो गुका उ ङोप्‍सो़मिमलाई येशूनुङ आरे र्‍वाबेड्‌डा थु़र्सोड्‌डु़, “ङाचो़, आमा नेमडा रोमु लागि दु़खा मेल्‍वानी, हेङालोने गानीलाई आमा नेमडा येन्‍मुका घ्रेट्‌पा गो मेबुङु।

लूका 7:6 Referans Kwoze

याकूब 4:6

लावो आरेप्‍माम मेजो़पा नमिमकु कोर्थो़लाम बमु गुमीका गुइलाई छो़म दिदामका सासामी, मेराम माम्‍चु़नीकु सिजेमका आरे र्‍वा: “माम्‍चु़नी डोक्‍पु लिसिक्‍पामिमकु कोर्थो़लाम बमी, लावो याक्‍के दु़म्‍पामिमलाई दिदामका सान्‍मी।”

मर्कूस 5:24

मेम्‍मिमका येशू मेनुङ लम्‍डी। मेकोतिलो छो़म सेर्पा मु़चु़मिम वो उनी होनोलाम आथो़लाम क्‍र्‍वाङ-क्‍र्‍वाङ उन्‍बेत्तो गुमीनुङ लम्‍डी।

लूका 8:49

येशू मेराम मेसेमनुङ जेत्तोङा बेम्‍डिलो मे घ्रो़म्‍दीनेमगोडाम ङाउ याइरसकु नेमलामका कोले सेलाचो़ रोक्‍फाड्‌डा, मा याइरसनुङ र्‍वाक्‍ता, “इनी जाउमोचो़ ने सिमु दु़म्‍स्‍तु़। हेङा ङाचो़लाई दु़खा ग्‍वानी मा?”

याकूब 4:10

माम्‍चु़नीकु ङादोडा इनी त्‍वापङा याक्‍के दु़म्‍नी, मेम्‍मा गुमीका गानीलाई डोक्‍पु मिम्‍निमी।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

लूका 5:8

ओराम ल्‍वास्‍तु़मा सिमोन पत्रुसका येशूकु खेल चु़म्‍डु़मा र्‍वाक्‍ता, “ए ङाचो़, गो ने छु़लचो़ सो़। मेम्‍मिमका आमा फार्डा मेबानी।”

मत्ती 20:28

मिनीचो़ चापे-डुपे बेला सो़सिप्‍डा मेएँ, चापे-डुपे बेप्‍डा नुङ उमा त्‍वाकु साम फ्‍यामुमा हापा मु़चु़मिमकु थि सोक्‍साका सेल्मु लागि योक्‍ताम सो़।”

मत्ती 3:11

“गो ने गानीलाई इनी छु़लमिमलाम माम्‍चु़नीडा ख्‍लोसिबेट्‌पा कु-रु़दु़म ग्‍वानिनी, लावो गोडाम चङडा रोक्‍पा मु़चु़ ने गोडाम वो डोक्‍पु यु़मनुङमा बुमी। गो ने उनीमा डु़ल्‍चो़ दु़म्‍साका उनीमा सो़लो़प कुर्मु वो मेघ्रेटपा बुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

लूका 7:4

मेर्मिम येशूकाडा रोम्‍डिमा गुमीलाई मेम बेबेसाका आरे र्‍वाम्‍डिम-र्‍वाम्‍डिम ङा बेम्‍डी, “मे कप्‍तान इनीमा न-थो़म ल्‍वामुका घ्रेट्‌पा बु,

लूका 7:5

हेङालोने इकीमा मु़चु़मिमलाई गुका रिखाम बु़, मा आकीमा घ्रो़म्‍दीनेम वो गुका ङा बनेबेसाक्‍तिकिम सो़।”

लूका 7:7

गो आ त्‍वाप वो इनीमाडा रोमु घ्रेट्‌पा मेबुङु र्‍वाक्‍पा मिम्‍सिङडो। लावो गानी र्‍वाक्‍नी, मा आमा डु़ल्‍चो़ स।