लूका 7:42 - थुलुङ राई

⁴² लावो मेर्चिपका जेर सोमु मेचाप्‍चिवा, मा जेर ग्‍वाक्‍पा मु़चु़का निफिलाई ङा जेर सोमु मेबासी बु़डु़ची। मेर्चिपगोडा सु़का गुलाई हापा रिखाम बु़?”

लूका 7:42 Referans Kwoze

कलस्‍सी 3:13

इम्‍सी बेबेनी मा कोङनिमका कोङनिमडला सु़म्‍बुर्मा किसु़लो छु़ल हेम्‍बेबेनी। ङाचो़का इनीमा छु़ल हेम्‍साट्‌निम होङङा छु़ल हेम्‍बेबेनी।

एफिसी 4:32

लावो न-थो़मनुङमा दु़म्‍नी मा कोलेका कोङमीलाई रिखाम बेबेनी। माम्‍चु़नीका गानीलाई ख्रीष्‍टलामका पाचो ग्‍वानिमिम होम्‍साका इनी त्‍वापगोडा पाचो ग्‍वाबेनी।

एफिसी 1:7

माम्‍चु़नीकु छो़म डोक्‍पु दिदामका ख्रीष्‍टकु सिसिलामका गुमीडाङा गुइलाई सेल्‍साड्‍डामी, मा इकीमा छु़ल हेप्‍साड्‌डामिम बु।

गलाती 3:10

माम्‍चु़नीकु ङादोडा मुमा मान्‍थिम दु़म्‍मु लागि डु़म्‍लागोडाम खारी बेसीडा थो़र बेपा खोत्‍ले मु़चु़मिम वाइतो बेन्‍ला सो़सिमी। हेङालोने माम्‍चु़नीकु सिजेमडा र्‍याक्‍मा बु, “मोशाकु डु़म्‍लागोडा बाट्‍पा खोत्‍ले ल्‍वा जो़होमका मेबेसाका बाट्‍पा खोत्‍ले मु़चु़मिम वाइतो बेन्‍ला सो़सिमी।”

रोमी 5:6

सेल्‍सिमुकाम लागि गुइ इकी त्वाकाङा हाम वो बोमु मेचाप्‍सी। मेम्‍मिमका येशू ख्रीष्‍ट उनी त्‍वापङा गुइ छु़लचो़काम लागि माम्‍चु़नीका र्‍वाम्‍डिम थारीकाङा सिम्‍डी।

रोमी 3:24

लावो माम्‍चु़नी न-थो़मनुङमा बुमी मा उनीमा दिदामलामका मु़चु़मिमलाई ख्रीष्‍ट येशूडा मुमा मान्‍थिम नुङ जो़पा न-गोकाम दु़म्‍बेट्‌मिडी। हेङालोने खोत्‍ले मु़चु़का ल्‍वामु बासिक्‍पा देन्‍दे येशू ख्रीष्‍ट उनी त्‍वाका ल्‍वाम्‍डिमा छु़ललाम वाङ बेसाड्‍डामिम बु।

मत्ती 18:34

हपकु छोक्‍चो बक्‍तामा खोत्‍ले जेर मेराम मु़चु़का मेसोक्‍सोक्‍थु़मसम्‍म झ्‍यालखानडा चक्‍साका छो़म देन्‍दे ग्‍वाबेड्‌डु़मी।

मत्ती 6:12

आकी कोर्थो़लाम बक्‍पामिमकु छु़ल हेप्‍साक्‍तोकोम होङङा आकी छु़लमिम हेप्‍साक्‍किनी,

मत्ती 18:27

मेकोतिमा मे हपकु थो़म भ्रो़स्‍ता, मा गुका मेराम मु़चु़लाई जेर सोमेबेसाकाङा थु़र्सोड्‌डु़।

लूका 7:43

सिमोनका र्‍वाक्‍ता, “हापा जेर उहेमका मोक्‍तु़म बाइडा, मा सोमु मेबासावा मेरामका हापा रिखाम बु़।” येशूका गुलाई र्‍वाम्‍डी, “गाना र्‍वाक्‍नाम जो़पा ङा।”