लूका 7:41 - थुलुङ राई

⁴¹ “कोले खाप्‍चीचो़काम नले मु़चु़का जेर मोक्‍चिम बाइडा। कोलेका ङो सङ (५००) सिक्‍का, मा कोङमीका ङो धु़म (५०) जेर मोक्‍चिम बाइडा।

लूका 7:41 Referans Kwoze

लूका 7:47

मेम्‍मिमका गो गानालाई र्‍वाङु, ओराम मेसेमकाम हापा छु़लमिम हेम्‍सिड्‌डाम बु, मा ओराम मेसेमका गोलाई हापा रिखाम बोङी। लावो उहेमकु छु़ल कि-कि कोङङा हेम्‍सी, मेरामका कि-कि कोङङा रिखाम बु़।”

रोमी 5:20

डु़म्‍ला रोक्‍ताम चङडा छु़ल बर्डा। छु़ल बर्तो लस्‍ता लोवो मेरामडाम हापा माम्‍चु़नीकु दिदाम बर्तो लस्‍ता।

मत्ती 18:28

“लावो मेराम मु़चु़ मेलामका लस्‍तामा गुनुङ खारी बेपामिमगोडाम कोलेकाडा लस्‍ता। मेरामका उमा को सङ मतोको सिक्‍का मोक्‍तु़म बाइडा। मेरामलाई उ लक्‍चाडा झेड्‌डु़मा र्‍वाक्‍ता, ‘गाना मोनाम जेर सोक्‍थाडा।’

मत्ती 6:12

आकी कोर्थो़लाम बक्‍पामिमकु छु़ल हेप्‍साक्‍तोकोम होङङा आकी छु़लमिम हेप्‍साक्‍किनी,

रोमी 3:23

खोत्‍ले मु़चु़मिमका छु़ल बेम्‍डिमका माम्‍चु़नीकु यु़म-झ्‍वाक्‍सीलामका होनोवा दु़म्‍मिडिम बु।

लूका 11:4

आकी कोर्थो़लाम बक्‍पामिमकु छु़ल हेप्‍साक्‍तोकोम होङङा आकी छु़लमिम हेप्‍साक्‍किनी। मेजो़पा ल्‍वालाम न-छाम्‍सिमु मेग्‍वाक्‍किनी’।”

लूका 13:4

मे को-लेतले (१८) मु़चु़मिमलाई सिलोआमडाम धरहरा झार्स्‍तामा चिप्‍डु़मिमा सिम्‍डिम बाइडा। यरूशलेमडा बाट्‌पा मु़चु़मिमगोडाम हाम हापा छु़लचो़ मेर्मिम बाम्‍डी र्‍वाक्‍पा गानी मिम्‍निमिम?

लूका 12:48

लावो उ नेमहपकु नड्‌डाम ल्‍वा थेसिमेथेसाका देन्‍दे ल्‍वापा खारी बेपा डु़ल्‍चो़ ने कि-कि याल्‍ला सो़सी। उहेमलाई हापा ग्‍वाम्‍डिम बु, मेरामलामका हापा ङा बिमी, मा उहेमलाई डोक्‍पु खुन्‍चु़म ग्‍वाम्‍डिम बु, मेरामकामलाम छो़म हापा ङा रपा न बोमी।

मर्कूस 6:37

लावो गुमीका मेर्मिमलाई र्‍वाम्‍डी, “गानी ङा ओर्मिमलाई हाम-हुम पोमु ग्‍वाक्‍निमी।” मेर्मिमका गुमीनुङ र्‍वाम्‍डी, “हाम गुकु ङा लमुमा न सङ दिनारकु थिकाम सो़बेम भ्रेमुमा ओर्मिमलाई पोमु ग्‍वामुमि मा?”

लूका 7:40

येशूका मे फरिसीनुङ र्‍वाम्‍डी, “ए सिमोन, गानानुङ हाम-हुम र्‍वामु आमा न बु।” गुका र्‍वाक्‍ता, “र्‍वाक्‍नीका ङाचो़।”