लूका 7:39 - थुलुङ राई

³⁹ येशूलाई येट्‌पा फरिसीका ओराम ल्‍वास्‍तु़मा उ नड्‍डा आरे र्‍वाक्‍ता, “ओराम माम्‍चु़नीलाम-जेपा मु़चु़ माला ने हेप्‍माम मेसेमका गुलाई लु़प्‍तोङा लेडु़ र्‍वाक्‍साका चवा, हेङालोने मेराम ने छु़लचो़ मेसेम डे।”

लूका 7:39 Referans Kwoze

लूका 7:16

मेकोतिमा मेर्मिम खोत्‍ले मु़चु़मिम ङिम्‍डी, मा माम्‍चु़नीकु नङ कोम्‍डी। मेम्‍मा र्‍वाम्‍डी, “माम्‍चु़नीलाम-जेपा कोले छो़म डोक्‍पु मु़चु़ इकीमाडा योम्‍डिम बु,” मा “माम्‍चु़नीका उनी त्‍वाकु मु़चु़मिमडला न-थो़म रेम्‍बेम्‍डिम बु।”

लूका 15:2

मेम्‍मिमका यहूदीमिमकु डु़म्‍ला सीपा पातु़म्‍रीमिम नुङ फरिसीमिमका आरे र्‍वाक्‍तो सु़म्‍बुर्मा किन्‍मु चो़म्‍मिडी, “ओराम मु़चु़ ने छु़लचो़मिमनुङ बु, मा मेर्मिमनुङङा पु़-डुङु़ वो।”

मर्कूस 7:21

हेङालोने मेजो़पा न, नाम्‍सु़रु़, खुमु, सेन्‍मु, वाङमिम मेसेमनुङ अम्‍पा न बोमु,

यूहन्‍ना 9:24

यहूदीमिमका मेरामलाई नकखेप्‍मिमडा येट्‌मिडिमा हिलाबेम्‍डी, “गाना आच्‍छाङा ल्‍वा सो़साका माम्‍चु़नीलाई डोक्‍पु बे। मेराम मु़चु़ छु़लचो़ र्‍वाक्‍पा गुकु चकु।”

यूहन्‍ना 7:12

सेर्पा मु़चु़का सु़पील्‍वाका उनी दुथाम छो़म जेत्तोङा लेट्‌मिडी। कोङनिमका र्‍वाम्‍डी, “मेराम मु़चु़ जो़पा बु।” वाङमिमका र्‍वाम्‍डी, “मेएँ, गुका ने मु़चु़मिमलाई लु-फेले बु़मिम बु।”

यूहन्‍ना 4:19

मे सामरी मेसेमका र्‍वाक्‍ता, “ङाचो़, गानी ने माम्‍चु़नीलाम-जेपा कोले मु़चु़ र्‍वाक्‍पा गो लु़ङु।

लूका 18:4

“कोलेम-नलेम ने गुका मेराम मेसेमकु ल्‍वाङा मेथो़सु़वा। लावो चङडा उ नड्‍डा मिम्‍स्‍ता, ‘गो माम्‍चु़नीडाम वो मेङिङु, मा मु़चु़मिमथो़ वो न मेसोक्‍पु।

लूका 16:3

“मे खाप्‍ची रेप्‍साक्‍पा मु़चु़का उ नडा मिम्‍स्‍ता, ‘गोलाई आमा नेमहपका खाप्‍ची रेपा खारीलामका ख्‍लुमु खाम्‍ङी, गो हाम बोमु? ये-दडा खारी बेसाका पोमु आ सो मिबु, बिमुमा पोमु ने क्रो़म लु़।

लूका 7:37

मेराम शहरडा कोले छु़लचो़ मेसेम बाइडा। फरिसीकु नेमडा येशू ग्रुला पेप्‍डा रोम्‍डिम बु र्‍वाक्‍पा ल्‍वा मेराम मेसेमका थो़स्‍तु़। मेकोतिमा मेराम मेसेमका कोले सिङ्‍गमरमरकु सोजामडा भ्रपा मुर्नेम्‍पा तेल रेड्‌डु़मा मेसिन्‍डा रोक्‍ता,

लूका 3:8

मेम्‍मिमका गानी इनी छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌निम रेम्‍बोमु मेराम होम्‍साका दोनी। ‘गुकु ने अब्राहामकु चो़-चु़सु़ सो़, मेम्‍मिमका देन्‍दे मेल्‍वाकु’ र्‍वाक्‍पा मेमिम्‍सिट्‌नी। हेङालोने गो गानीनुङ र्‍वाङु, माम्‍चु़नीका ओर्मिम लुङकाम वो अब्राहामकु चो़-चु़सु़ प्रङमु चाम्‍मी।

लूका 12:17

मेराम मु़चु़का उ नड्‍डा मिम्‍मु चो़म्‍डु़, ‘आमा मा-के जु़ल्‍खोप डोक्‍पु छेदेनेम गोनुङ मिबु, मेम्‍मिमका गो हाम बोमु?’

मत्ती 20:16

“आरेसाका याक्‍के मु़चु़मिम दिफु डोक्‍पु दु़म्‍मी, मा डोक्‍पु मु़चु़मिम दिफु याक्‍के दु़म्‍मी।”

मत्ती 21:11

सेर्पा मु़चु़का र्‍वाम्‍डी, “गुमी गालीलडाम नासरत देललामका बिम्‍डिम माम्‍चु़नीलाम-जेपा येशू।”

लूका 7:38

मा गु येशूकु चङलामका रोक्‍तामा उनी खेल फार्डा येम्‍स्‍तामा, उ प्‍ल येशूकु खेलडला डस्‍तु़, मा उ बुइडलाम सेमका बक्‍साक्‍तो उनी खेलडा चुप बु़डु़, मा भ्रपा मुर्नेम्‍पा तेलका क्‍लमु चो़म्‍डु़।

लूका 7:40

येशूका मे फरिसीनुङ र्‍वाम्‍डी, “ए सिमोन, गानानुङ हाम-हुम र्‍वामु आमा न बु।” गुका र्‍वाक्‍ता, “र्‍वाक्‍नीका ङाचो़।”