लूका 7:29 - थुलुङ राई

²⁹ खोत्ले मु़चु़मिम नुङ कर फक्‍पामिम वो येशूकु ओराम ल्‍वा थो़म्‍डिमा माम्‍चु़नीकु लाम्‍दी जो़पा र्‍वाक्‍साका रम्‍डी। हेङालोने मेर्मिमका यूहन्‍नालामका कु-रु़दु़म रम्‍डिम बाइडा।

लूका 7:29 Referans Kwoze

लूका 3:12

कर फक्‍पामिम वो यूहन्‍नाकाडा कु-रु़दु़म रप्‍डा रोम्‍डिमा गुनुङ हिलाबेम्‍डी, ङाचो़ गुकु हाम बोमु बासी?

लूका 7:35

लावो माम्‍चु़नीलाम नेप्‍ची ल्‍वापा मु़चु़मिमका ङा माम्‍चु़नीकु नेप्‍ची जो़पा र्‍वाक्‍पा रेम्‍बोमी।”

रेम्‍बेट्‌मिडिम ल्‍वा 16:5

मेम्‍मा कु रेपा खारी ल्‍वापा पाह्रीचो़का आरे र्‍वाक्‍ताम गो थो़उतो, “गानी सेपा माम्‍चु़नी, गानी ओम्‍लो वो बुनी, ङादो वो बान्‍नी, गानी जो़पा निया बेन्‍नी,

रेम्‍बेट्‌मिडिम ल्‍वा 15:3

मेम्‍मा मेर्मिमका माम्‍चु़नीकु खारी बेपा मोशाकु काम्‍सो नुङ भेन्‍दाचो़कु काम्‍सो आरे र्‍वाक्‍तो बेत्तोङा बेम्‍डी: “मिप्रङमा माम्‍चु़नी खोत्‍लेडलाम यु़मनुङमा, इनीमा खारीमिम डोक्‍पु नुङ ङाङायाम बुमी। सु़म्‍दिसेरडाम खोत्‍ले मु़चु़मिमकु हप, इनीमा खारीमिम जो़पा नुङ आच्‍छाङाकाम बुमी।

रोमी 10:3

हेङालोने माम्‍चु़नीलाम रोक्‍पा जो़पा नकु दुथाम मेथेसाका मेर्मिमका त्‍वाकु न-गो होम्‍साका जो़पा दु़म्‍मु माल्‍मी। मेम्‍साका मेर्मिम माम्‍चु़नीकु जो़पा न-गोडाम साखामगोडा मेदु़म्‍मिवा।

थु़र्मा 19:3

मेकोतिमा पावलका मेर्मिमनुङ र्‍वाक्‍ता, “मा हेप्‍माम रु़दु़म रन्‍नी?” मेर्मिमका र्‍वाम्‍डी, “यूहन्‍नाकु कु-रु़दु़म रत्तोको।”

थु़र्मा 18:25

गुका ङाचो़काम लाम्‍दीकु दुथाम जो़होमका थेड्‌डु़म बाइडा, मा गुका थेड्‌डु़म येशूकु दुथाममिम ल्‍वा वाङमिमलाई वो उ सो हन्‍तो जो़होमका सीथाल्‍लु़मी। लावो यूहन्‍नाका सीड्‌डु़मिम कु-रु़दु़मकु दुथाम कोङङा गुका चडु़म बाइडा।

मत्ती 5:46

गानीलाई रिखाम बेपालाई कोङङा रिखाम बोनी माला गानी हाम पुरस्‍कार ल्‍वानी मा? कर फक्‍पा मेजो़पा मु़चु़मिमका वो मेमङा बोमी।

लूका 7:28

“गो गानीनुङ र्‍वाङु, ओम्‍लोसम्‍म ओराम सुबुडा गक्‍पा मु़चु़मिमगोडा कु-रु़दु़म ग्‍वाक्‍पा यूहन्‍नाडाम घ्‍ल्‍वापा मु़चु़ सु़ वो मेबुमी। लावो माम्‍चु़नीकु किब्‍दीगोडा उहेम खोत्‍लेडाम याक्‍के बु, मेराम मु़चु़ यूहन्‍नाडाम वो घ्‍ल्‍वापा दु़म।”

लूका 20:6

मु़चु़लाम र्‍वाकी माला खोत्‍ले मु़चु़मिमका गुइलाई लुङका ओप्‍सामी हेङालोने यूहन्‍ना आच्‍छाङा माम्‍चु़नीलाम-जेपा मु़चु़ र्‍वाक्‍साका मेर्मिमका थो़र लु़म्‍डिम बु।”