लूका 7:28 - थुलुङ राई

²⁸ “गो गानीनुङ र्‍वाङु, ओम्‍लोसम्‍म ओराम सुबुडा गक्‍पा मु़चु़मिमगोडा कु-रु़दु़म ग्‍वाक्‍पा यूहन्‍नाडाम घ्‍ल्‍वापा मु़चु़ सु़ वो मेबुमी। लावो माम्‍चु़नीकु किब्‍दीगोडा उहेम खोत्‍लेडाम याक्‍के बु, मेराम मु़चु़ यूहन्‍नाडाम वो घ्‍ल्‍वापा दु़म।”

लूका 7:28 Referans Kwoze

मत्ती 11:11

“आच्‍छाङा गो गानीनुङ र्‍वाङु, कु-रु़दु़म ग्‍वाक्‍पा यूहन्‍नाडाम डोक्‍पु मु़चु़ सु़ वो मिबु। मेमङा लोवो पाह्री-किब्‍दीगोडा खोत्‍लेडाम याक्‍के उहेम बु, मेराम मु़चु़ यूहन्‍नाडाम वो डोक्‍पु दु़म।

लूका 9:48

मेम्‍मा मे सीसिपामिमलाई र्‍वाम्‍डी, “उहेमका गोडला थो़रलु़डामका ओराम चो़च्‍चो़लाई हुनाखाना बु़, मेरामका गोलाई हुनाखाना बोङि, मा मेराम मु़चु़का गोलाई थु़र्पा माम्‍चु़नीलाई वो हुनाखाना बु़। गानीगोडाम खोत्‍लेडाम याक्‍के सु़ बु, मेराम मु़चु़ङा खोत्‍लेडाम डोक्‍पु दु़म।”

लूका 3:16

मेकोतिमा यूहन्‍नाका मेर्मिमलाई सि ख्‍लोक्‍साक्‍तो आरे बु़डु़मी, “गो गानीलाई कु-रु़दु़म ग्‍वानिनी। लावो गोडाम घ्‍ल्‍वापा कोले रोक्‍तोङा बोमी। उनीमा सो़लो़पकु साले फ्रोमु घ्रेट्‌पा वो गो ने मेबुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

मत्ती 3:1

चक्‍थो़वा यहूदियाडाम र्‍याङगो-र्‍याङगोडा कु-रु़दु़म ग्‍वाक्‍पा यूहन्‍नाका आरे र्‍वाक्‍तो जो़पा-सेला थो़बेन्‍मु चो़म्‍डु़,

लूका 7:27

मेराम यूहन्‍ना ङा सो़, मेरामकु दुथाम माम्‍चु़नीकु र्‍याक्‍मा सिजेमडा आरेसाका र्‍याक्‍मा बु, ‘रेप्‍डा, गो आमा सेलाचो़लाई इमा ङादो-ङादो थु़रु, मा मेरामका इमा लाम्‍दी ङादो-ङादो बनेबु़जो़लु़।’

लूका 7:29

खोत्ले मु़चु़मिम नुङ कर फक्‍पामिम वो येशूकु ओराम ल्‍वा थो़म्‍डिमा माम्‍चु़नीकु लाम्‍दी जो़पा र्‍वाक्‍साका रम्‍डी। हेङालोने मेर्मिमका यूहन्‍नालामका कु-रु़दु़म रम्‍डिम बाइडा।