लूका 7:24 - थुलुङ राई

²⁴ यूहन्‍नाका थु़र्स्‍तु़चिम उ सीसिपाचिप ख्‍लोसिक्‍चिम चङडा यूहन्‍नाकु दुथाम येशूका मे सेर्पा मु़चु़मिमनुङ र्‍वाम्‍डी, “हाम गानी हेप्‍माम मु़चु़लाई रेप्‍डा र्‍याङगो-र्‍याङगोडा लक्‍नी? हाम मेराम मु़चु़ जुक्‍का थो़पा नारकु जु़जु़ होप्‍माम बाइडा?

लूका 7:24 Referans Kwoze

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

लूका 3:2

हन्‍नास नुङ कैयाफा डोक्‍पु ङाउ डु़म्‍लाचो़ दु़म्‍चिम थारीका माम्‍चु़नीका उनीमा सिजेम जकरियाकु तारापाचो़ यूहन्‍नालाई ग्‍वाम्‍डी। गु र्‍याङगो-र्‍याङगोडा बाइडा।

लूका 1:80

मे चो़च्‍चो़ यूहन्‍ना बर्तो लस्‍ता, मा माम्‍चु़नी-पेलका गुलाई यु़मचो़ दु़म्‍बेट्‌मिडी। मेकोतिमा इस्राएलीमिमनुङ रेम्‍मेबेसिथु़मसम्‍म गु र्‍याङगो-र्‍याङगोडाङा बाइडा।

२ पत्रुस 3:17

मेम्‍मिमका द्‌वादीबुङ ङोप्‍सो़नी, ङादोङा ओराम ल्‍वा चक्‍निम लोवो चङचङया बानी। मेम्‍साका गानी डु़म्‍ला होम्‍साका मेदोपा मु़चु़मिमकु उनी ख्‍लो़सीका ताङताहेरथो़ मेलनिमा इनी येम्‍सिखोपलाम मेवाम्‍नी।

२ पत्रुस 2:17

लिमा ल्‍वा सीपा ओर्मिम मु़चु़ कु मेपुट्‌पा कुकु नो़मिम नुङ ब्‍लोजु़का हुट्‌पा सिखाप होप्‍माम सो़। माम्‍चु़नीका मेर्मिमकाम लागि छो़म तुकुम्‍चिमका हुपा खोम बनेबेम्‍डिम बु।

यूहन्‍ना 1:23

यूहन्‍नाका र्‍वाक्‍ता, “माम्‍चु़नीलाम-जेपा यशैयाका ‘मिप्रङमाकु लाम्‍दी बनेबे’ र्‍वाक्‍ताम होङङा गो र्‍याङगो-र्‍याङगोडा येपाकु लो़लाम सो़।”

लूका 7:23

आमा दुथाम सु़का उ नड्‍डा मेमुर्सी, मेराम मु़चु़ आलाकाम सो़।”

लूका 7:25

मेएँ माला गानी हाम रेप्‍डा लक्‍नी? हापा थिकाम ये-सेम फसिक्‍पा मु़चु़मिमलाई रेप्‍डा लक्‍निम? हापा थिकाम ये-सेम फसिक्‍पा मु़चु़मिम ने उनी नसीहोम बेत्तो हप बाखोप ओगानेमडा बुमी।