लूका 7:16 - थुलुङ राई

¹⁶ मेकोतिमा मेर्मिम खोत्‍ले मु़चु़मिम ङिम्‍डी, मा माम्‍चु़नीकु नङ कोम्‍डी। मेम्‍मा र्‍वाम्‍डी, “माम्‍चु़नीलाम-जेपा कोले छो़म डोक्‍पु मु़चु़ इकीमाडा योम्‍डिम बु,” मा “माम्‍चु़नीका उनी त्‍वाकु मु़चु़मिमडला न-थो़म रेम्‍बेम्‍डिम बु।”

लूका 7:16 Referans Kwoze

लूका 7:39

येशूलाई येट्‌पा फरिसीका ओराम ल्‍वास्‍तु़मा उ नड्‍डा आरे र्‍वाक्‍ता, “ओराम माम्‍चु़नीलाम-जेपा मु़चु़ माला ने हेप्‍माम मेसेमका गुलाई लु़प्‍तोङा लेडु़ र्‍वाक्‍साका चवा, हेङालोने मेराम ने छु़लचो़ मेसेम डे।”

मत्ती 9:8

सेर्पा मु़चु़का ओराम ल्‍वाम्‍डिमा छो़म ङिम्‍डी। मु़चु़मिमलाई आरेप्‍माम यु़म माम्‍चु़नीका ग्‍वाम्‍डिमका मेर्मिमका माम्‍चु़नीकु नङ कोम्‍डी।

लूका 1:68

“इस्राएलडाम मिप्रङमा माम्‍चु़नीकु नङ कोसिनु़, हेङालोने गुमी योम्‍डिमा उनी त्‍वाकु मु़चु़मिमलाई सेल्‍मिडिम बु!

लूका 5:26

मेम्‍मा खोत्‍ले मु़चु़मिम छो़म ङाङाया दु़म्‍मिडिमा माम्‍चु़नीकु नङ कोम्‍डी। मेकोतिमा ङित्तो आरे र्‍वाम्‍डी, हेल्‍लो वो मेल्‍वाम्‍मा ल्‍वा गुइ आनेप ल्‍वास्‍ती।

लूका 2:20

पाह्रीचो़का मेर्मिमनुङ र्‍वाक्‍ताम होम्‍साका मेर्मिमका ल्‍वाम्‍डी, थो़म्‍डी। मेम्‍मिमका मेर्मिमका माम्‍चु़नीलाई डोक्‍पु मिम्‍तो नुङ उनीमा नङ कोक्‍तो उनी भेन्‍दामिम बाट्‌पाथो़ ख्‍लोम्‍सिम्‍डी।

लूका 1:65

उ साउखोरेमिम खोत्‍ले ङिम्‍डी, मा यहूदियाडाम पोप्‍चङथो़म खोत्‍ले देलबाडे ओराम ल्‍वा थो़म्‍डी।

मत्ती 21:11

सेर्पा मु़चु़का र्‍वाम्‍डी, “गुमी गालीलडाम नासरत देललामका बिम्‍डिम माम्‍चु़नीलाम-जेपा येशू।”

मत्ती 15:31

सि मेजेपामिम जेम्‍डिम, मेचापामिम नु़म्‍डिम, खेल सोक्‍पामिम लाम्‍दिम्‍डिम, मिक्‍सीका मेल्‍वापामिमका मिक्‍सीका ल्‍वापा दु़म्‍मिडिम ल्‍वाम्‍डिमा मु़चु़मिम ङाङाया दु़म्‍मिडी। मेम्‍मा मेर्मिमका इस्राएलकु माम्‍चु़नीकाम नङ कोम्‍डी।

गलाती 1:24

आरेसाका माम्‍चु़नीका आमा न ख्‍लोङसाङ्‌डिमिमका मेर्मिमका माम्‍चु़नीकु नङ कोम्‍डी।

थु़र्मा 5:5

ओराम ल्‍वा थो़स्‍तु़मा हननिया क्‍वायु़ पुलु़ झार्स्‍ता, मा सिडा। मेकोतिमा ओराम ल्‍वा थो़पा खोत्‍लेङा छो़म ङिम्‍डी।

यूहन्‍ना 9:17

मेर्मिमका मे मिक्‍सीका मेल्‍वापा बाइडाम मु़चु़लाई आथावो हिलाबेम्‍डी, “गुका इमा मिक्‍सी होर्साट्‌ना। गाना उमा दुथाम हाम र्‍वाना?” मेरामका र्‍वाक्‍ता, “गुमी माम्‍चु़नीलाम-जेपा कोङ मु़चु़।”

यूहन्‍ना 6:14

येशूका बेम्‍डिम यु़मखारी ल्‍वाम्‍डिमा मे मु़चु़मिमका र्‍वाम्‍डी, “सु़म्‍दिसेरडा रोक्‍पा माम्‍चु़नीलाम-जेपा मु़चु़ आच्‍छाङा गुमीङा रेछा।”

यूहन्‍ना 4:19

मे सामरी मेसेमका र्‍वाक्‍ता, “ङाचो़, गानी ने माम्‍चु़नीलाम-जेपा कोले मु़चु़ र्‍वाक्‍पा गो लु़ङु।

यूहन्‍ना 1:25

यूहन्‍नालाई हिलाबेम्‍डी, “गाना ख्रीष्‍ट वो मेएँ, एलिया वो मेएँ, माम्‍चु़नीलाम-जेपा मु़चु़ वो मेएँ माला हेङा मु़चु़मिमलाई कु-रु़दु़म ग्‍वानामिमिम?”

यूहन्‍ना 1:21

मेर्मिमका गुलाई हिलाबेम्‍डी, “मेएँ माला सु़ गाना? गाना माम्‍चु़नीलाम-जेपा एलिया?” यूहन्‍नाका मेएँ र्‍वाक्‍ता। मेर्मिमका हिलाबेम्‍डी, “हाम गाना गुकु लथान्‍कुमिम माम्‍चु़नीलाम-जेपा मु़चु़?” गुका मेएँ र्‍वाक्‍ता।

लूका 24:19

गुमीका मेर्चिपनुङ हिलाबेम्‍डी, “हेप्‍माम ल्‍वा?” मेर्चिपका र्‍वाक्‍ची, “नासरतडाम येशूकु दुथाममिम ल्‍वा। गुमी यु़मनुङमा खारीमिम बेपा माम्‍चु़नीलाम-जेपा मु़चु़ मा माम्‍चु़नीकु ङादोडा नुङ खोत्‍ले मु़चु़मिमकु ङादोडा यु़मनुङमा सीपा मु़चु़ बाम्‍डी।

लूका 9:19

मेकोतिमा सीसिपामिमका र्‍वाम्‍डी, “याङका कु-रु़दु़म ग्‍वाक्‍पा यूहन्‍ना र्‍वामी, याङका एलिया, मा वाङमिमका माके-माकेम माम्‍चु़नीलाम-जेपामिमगोडाम कोले बग्‍गेड्‌डाम रेछा र्‍वामी।”

लूका 8:37

गेरासेनस इलाकाडाम खोत्‍ले मु़चु़मिमका येशूलाई मेर्मिमकु इलाका डिट्‌निमा लक्‍ल्‍याट्‌नी र्‍वाम्‍डिम-र्‍वाम्‍डिम ङा बेम्‍डी, हेङालोने मेर्मिम छो़म ङिम्‍डिम बाइडा। मेम्‍मिमका येशू कुबी-बोक्‍साडला हुम्‍डिमा ख्‍लोम्‍सिम्‍डी।

लूका 5:8

ओराम ल्‍वास्‍तु़मा सिमोन पत्रुसका येशूकु खेल चु़म्‍डु़मा र्‍वाक्‍ता, “ए ङाचो़, गो ने छु़लचो़ सो़। मेम्‍मिमका आमा फार्डा मेबानी।”

मत्ती 28:8

मेसेमचिप मे सु़लु़मलामका लक्‍ल्‍याट्‌ची। मेर्चिप ङिपा नुङ भ्रसिद्‌वाक्‍पा बाच्‍ची। येशूकु सीसिपामिमलाई सेला थो़बेड्‌डा मेर्चिप ओन्‍ची।

थु़र्मा 7:37

“मेराम मोशाका ङा, इस्राएलीमिमनुङ र्‍वाक्‍ताम बाइडा, ‘माम्‍चु़नीका गोलाई थुट्‌ङिडिमिम होम्‍साका ङा इनीमा वा-ल्‍वाकगोलामका इनीमा लागि माम्‍चु़नीलाम-जेपा कोङ मु़चु़ थुमी।’

लूका 19:44

मेकोतिमा मेर्मिम मु़चु़का इनी शहर फाल्‍मी, मा मेगोडा बाट्‌पा गानी खोत्‍लेलाई सेनिमी। मेगोडा चिर्मा कोले लुङ वो मेर्मिमका मेजु़ल्‍मी। हेङालोने माम्‍चु़नीका गानीलाई सेल्‍ला योम्‍डिम जो़पा थारीडा थो़रलु़मु गानी मेद्‌वानिवा।”

लूका 7:15

मेकोतिलोङा सिपा मु़चु़ बक्‍तामा गन्‍डा, मा जेमु चो़म्‍डु़। येशूका मेराम स्‍वालालाई उ मामकु ल्‍वाडा ग्‍वाम्‍डी।