लूका 7:13 - थुलुङ राई

¹³ येशूका अर्दोमेलाई ल्‍वाम्‍डिमा छो़म उनी थो़म भ्रो़स्‍ता, मा गुमीका मे मेसेमलाई र्‍वाम्‍डी, “मेख्राप्‍डा।”

लूका 7:13 Referans Kwoze

हिब्रू 4:15

इकीमा खोत्‍लेडाम डोक्‍पु ङाउ डु़म्‍लाचो़ इकी मेचाप्‍सीडा रेम्‍मु मेचाम्‍निनी र्‍वाक्‍पा मेबुमी। गुइ होम्‍साकाङा गुमी वो खोत्‍ले ल्‍वाडा न-छाम्‍ला सो़म्‍सिम्‍डिम बाइडा। लावो गुमीका ने छु़ल मेबेमिवा।

लूका 8:52

मेसिन्‍डा खोम्‍सिक्‍पा खोत्‍ले मु़चु़मिम मे चो़च्‍चो़ सिडामका येम्‍डी-दुम्‍डी, मा ख्राप्‍मिडिम बाम्‍डी। लावो येशूका मेर्मिमलाई र्‍वाम्‍डी, “मेख्राप्‍नी, मे चो़च्‍चो़ ने सिडाम मिबु, अम्‍स्‍ताम कोङङा बु।”

हिब्रू 2:17

मेम्‍मिमका खोत्‍ले ल्‍वाडा गुमी उनी त्‍वाकु मु़चु़मिम होप्‍मामङा दु़म्‍मु बास्‍ता। मेम्‍मा मु़चु़मिमका बेम्‍डिम छु़लकु दुथाम पाचो बिमु लागि माम्‍चु़नीकु ङादोडा गुमी न-थो़मनुङमा नुङ थो़रलु़इमिम डोक्‍पु डु़म्‍लाचो़ दु़म्‍मिडी।

यूहन्‍ना 20:15

येशूका गुलाई र्‍वाम्‍डी, “ए वा छापा, गाना हेङा ख्राप्‍तोङा लेना? मा सु़लाई माल्‍तोङा लेनामिम?” गुका गुमीलाई बगैंचा रेपा मु़चु़ र्‍वाक्‍पा मिम्‍डु़मा र्‍वाक्‍ता, “वाआ, गानी गुमीलाई ओलामका लक्‍निम माला बान्‍ते जु़ल्‍निम बु सो़नीका मा गो गुमीलाई लक्‍पुमी।”

मर्कूस 8:2

“ओर्मिम मु़चु़मिम रेपुमिलो छो़म आ थो़म भ्‍र्यो, हेङालोने ओर्मिम गोनुङ बुमिमिम आनेप सुलेम दु़स्‍ता, मा ओर्मिमनुङ पोमुथोक हाम वो मिबु।

यूहन्‍ना 11:2

ओराम मरियमकाङा चङडा येशूकु खेलडा हापा थिकाम भ्रपा मुर्नेम्‍पा तेलका क्‍लक्‍तु़मा उमा सेमका बक्‍साड्‌डु़म बाइडा। उमा रिपाप लाजरस नो़पा बाइडा।

लूका 24:34

मा मेर्चिपका मेर्मिमनुङ सो़च्‍ची, “ङाचो़ येशू आच्‍छाङा सिमुलाम बक्‍साका सिमोनकाडा रेम्‍बेसिम्‍डिम रेछा।”

लूका 17:5

उनी थु़र्मामिमका ङाचो़नुङ र्‍वाम्‍डी, “आकीमा थो़र बर्बेसाट्‌की।”

१ कोरिन्थी 7:30

ख्रापामिम मेख्रापा होप्‍माम, मा गेर्सिद्‌वाक्‍पामिम गेर्सिमेद्‌वाक्‍पामिम होप्‍माम दु़म्‍मिनु़मा बुमिनु़। भ्रेपामिमका उ त्‍वाप नुङ हाम वो मेबाट्‍पा होङङा लु़नु़।

यूहन्‍ना 20:13

मेर्चिपका र्‍वाक्‍ची, “ए वा छापा, हेङा ख्राम्‍नामिम?” गुका र्‍वाक्‍ता, “मेर्मिमका आमा ङाचो़लाई लम्‍डी रेछा, मा गुमीलाई बान्‍ते जु़ल्‍मिडिम बु मेराम गो मेचक्‍पु।”

लूका 13:15

लावो ङाचो़ येशूका र्‍वाम्‍डी, “माम्‍चु़नीकु मिक्‍सीलामडा जो़पा लिसिक्‍पा मु़चु़नी, ङेम्‍सिमुनेम गानीगोडाम सु़का उ बेनो लोवो गधा लोवो गोठालामका डिरु़मा कु थो़ड्‌डा मेल?

लूका 10:1

मेकोतिमा ङाचो़ येशूका वाङमिम येत धु़म (७०) मु़चु़मिमलाई थुट्‌मिडी। मेम्‍मा गुमी लमु खाप्‍मिडिम खोत्‍ले शहर नुङ देलडा उनी त्‍वाप लमु ङादो मेर्मिमलाई न-नले बेसाका थु़र्मिडी।

लूका 7:19

मा ङाचो़ येशूकाडा ओराम ल्‍वा हिलाबेप्‍डा थु़र्स्‍तु़ची, “गुकु लन्‍थान्‍कुमिम मसीह गानी ङा डे, गुकु वाङमिमलाई ङा लन्‍थान्‍कुमिम?”

१ थेसलोनिकी 4:13

वा-ल्‍वाकनी, ङादोङा अम्‍पामिमकु दुथाम चन्‍जो़ल्‍नी र्‍वाक्‍पा आकीमा न बु। मेम्‍मा सिइमिम चङडा आथावो नु़इ र्‍वाक्‍पा गानी मिम्‍निमिम ल्‍वा मेचक्‍पा मु़चु़मिम होङङा मेयेनि-मेख्राप्‍नी।

लूका 22:61

मेकोतिलोङा ङाचो़ येशू ख्‍लोसिम्‍डिमा पत्रुसलाई रेप्‍मिडी। “थामा नेमसोसोका स्‍वारेपो ओमु ङादो गाना गोलाई सु खेप मेछेपु र्‍वाना” र्‍वाक्‍साका येशूका गुलाई र्‍वाम्‍डिम ल्‍वा पत्रुसका मिम्‍डु़।

लूका 7:12

येशू शहरकु लाम्‍चोकोडा रोम्‍थिम्‍डिलो कोले सिपा मु़चु़लाई कुर्साका पाखा ख्‍लुक्‍तोङा बेम्‍डी। मे सिपा मु़चु़ ने अर्दोमेकु कोलेङा तारापाचो़ बाइडा। मेकोतिलो मे अर्दोमेनुङ सेर्पा मु़चु़मिम लम्‍डिम बाइडा।

लूका 7:14

मेकोतिमा येशूका मे सिपा मु़चु़ जु़ल्‍मा बाकस फार्डा लम्‍डिमा लु़प्‍मिडी, मा मे सिपा मु़चु़ कुर्पामिम येम्‍सिम्‍डी। गुमीका मेरामलाई र्‍वाम्‍डी, “ए छारी, गो गानालाई र्‍वाङु, बका!”

लूका 11:1

कोलेम येशूका कोले खोमडा सो़म्‍दी बेत्तोङा लेट्‌मिडी। गुमीका सो़म्‍दी बोमु दु़म्‍मिडी, मा उनी सीसिपामिमगोडाम कोलेका गुमीनुङ र्‍वाक्‍ता, “ङाचो़, यूहन्‍नाका उ सीसिपामिमलाई सीड्‌डु़मिम होम्‍साकाङा गुकुलाई वो सो़म्‍दी बोमु सीकिनी।”

लूका 11:39

मेकोतिमा ङाचो़ येशूका मेरामलाई र्‍वाम्‍डी, “गानी फरिसीमिमका कान्‍चु़रे नुङ थाल उडलामका क्‍लो़नी। लावो गानी इनी गोगोनो रारी बोनी, मा मेजो़पा न-गोनुङमा बुनी।

लूका 12:42

ङाचो़ येशूका गुलाई र्‍वाम्‍डी, “मेम माला मेरामकु नेमहपका उ नेमडाममिमलाई जो़पा थारीका पोमु-डुमु ग्‍वाबेडु़मिम नेप्‍चीनुङमा नुङ थो़रलु़इमिम डु़ल्‍चो़ सु़?

लूका 17:6

ङाचो़ येशूका मेर्मिमलाई र्‍वाम्‍डी, “गानीनुङ रायोकु कोले मा कोतिम याक्‍के थो़र बु माला ने गानी ओ नापातु़मकु धक्‍सालाई ‘बुल्‍सामा दिरिदिनयु़ क्रोसा’ र्‍वानी माला मेरामका गानी र्‍वानिमिम होङङा बु़।

लूका 18:6

मेकोतिमा येशूका र्‍वाम्‍डी, “मेजो़पा न-गोनुङमा निया बेपा मे मु़चु़लामका हाम-हुम ल्‍वा सीन्‍सिट्‌नी।

लूका 19:8

मेकोतिमा जखायस येस्‍तामा ङाचो़ येशूलाई र्‍वाक्‍ता, “रेप्‍नी, ङाचो़, गो आमा को फ्‍वा खाप्‍ची उनी हाम वो मेबाट्‌पा मु़चु़मिमलाई ग्‍वाक्‍पुमी, मा कोङनिम मु़चु़लामका कर फमु थारीका लु-फेले बेसाका रउतोम बु माला गो मेरामकाम ब्‍ल गुणा ख्‍लोक्‍साक्‍पु।”

लूका 24:3

लावो सु़लु़मगोनो हुम्‍डिलो मेर्मिमका ङाचो़ येशूकु मिरो़म मेडार्मिवा।

यूहन्‍ना 4:1

यूहन्‍नाडाम वो येशूका हापा सीसिपामिम बनेबेम्‍डी, मा कु-रु़दु़म ग्‍वाक्‍तोङा लेन्‍मी र्‍वाक्‍पा ल्‍वा फरिसीमिमका थो़म्‍डी।

यूहन्‍ना 6:23

मेम्‍मा ङाचो़ येशूका आलासो़ ग्‍वाक्‍साका मु़चु़मिमका सो़बेम पेम्‍डिम बाय फार्डा तिबेरियस शहरलामका वाङमिम कुबी-बोक्‍सा वो रोम्‍डी।

यूहन्‍ना 11:3

मेम्‍मा मे रिचो़चिपका येशूकाडा आरे र्‍वाक्‍पा सेला थु़र्ची, “ङाचो़, इनीमा द्‌वादीबुङ मु़चु़ नो़पा बु।”