लूका 6:7 - थुलुङ राई

⁷ येशूका मेराम मु़चु़लाई सबेट्‌मिडी माला ङेम्‍सिमुनेम खारी बेसी मेनु़पाकु दुथाम उनी बुइडला उन्‍मु लागि यहूदीमिमकु डु़म्‍ला सीपा पातु़म्‍रीमिम नुङ फरिसीमिमका चो़पा बेम्‍थाम्‍डिम बाइडा।

लूका 6:7 Referans Kwoze

लूका 20:20

मेर्मिमका खाप रेम्‍बाल्‍मिडी, मा मेर्मिमका थो़रलु़इमिम लिसिक्‍पा चो़पाचो़मिमलाई येशूकाडा ल्‍वा खुप्‍डा थु़र्मिडी। येशूका जेमिमिम कोङनिम ल्‍वाडा लु-फेले बेसाका चु़म्‍मुमा रोमी सरकारकु ल्‍वाडा ग्‍वामुकाम बाम्‍डी।

लूका 13:14

लावो मेराम मेसेमलाई येशूका ङेम्‍सिमुनेम सबेट्‌मिडिमका घ्रो़म्‍दी नेमडाम ङाउकु छोक्‍चो बक्‍ता। मेम्‍मा गुका मे मु़चु़मिमलाई र्‍वाक्‍ता, “हप्‍ताका खारी बेपा रुलेम बु। ओ रुलेमगोडा रोक्‍नीमा सनी। ङेम्‍सिमु नेम ने मेएँ सो़।”

मर्कूस 3:2

येशूकु बुइडला उन्‍मु लागि कोङ-कोङ मु़चु़का मेजो़पा ल्‍वा माल्‍बाल्‍मिडी। मेम्‍मिमका मे ल्‍वा सोक्‍पा मु़चु़लाई ङेम्‍सिमुनेम गुमीका सबेन्‍मी डे मेएँ र्‍वाक्‍साका सु़र्बाल्‍मिडी।

यूहन्‍ना 9:16

फरिसीमिमगोडाम कोङ-कोङका र्‍वाम्‍डी, “मेराम मु़चु़ माम्‍चु़नीलाम योक्‍ताम मेएँ, हेङालोने मेरामका ङेम्‍सिमुनेम खारी बु़।” लावो वाङमिमका र्‍वाम्‍डी, “कोङ छु़लचो़का हेसाका आरेप्‍माम हेल्‍लो वो मेल्‍वाम्‍मा खारीमिम बोमु चाप्‍सु़?” मा मेर्मिमगोडा गो-फ दु़स्‍ता।

मत्ती 5:39

लावो गो गानीलाई र्‍वाङु, गानीलाई मेजो़पा बेपा मु़चु़डला छोक्‍चो मेहाट्‌नी। कोङनिमका इनी जो़पलाममिम फोसु़डा याल्‍नी माला कोङमीलाममिम फोसु़डा वो देन्‍साट्‌नी।