लूका 6:49 - थुलुङ राई

⁴⁹ लावो उहेमका आमा सिजेम थो़सु़मा वो मेराम होम्‍साका खारी मेबेपा मु़चु़ ने आरेप्‍माम सो़, उहेमका नेमकु फारगोयु़म डोक्‍पु लुङ मेगसाका क्‍वाडला नेम बनेबु़डु़। मेकोतिमा होङकोर्मा योक्‍तामा मेराम नेम याक्‍तु़। मेकोतिलो मेराम नेम झार्स्‍ल्‍याड्‌डा, मा खोत्‍लेङा स्‍याकारिस्‍ता।”

लूका 6:49 Referans Kwoze

मत्ती 23:3

मेम्‍मिमका मेर्मिमका र्‍वामिमिम थो़नी, मा बेनी। लावो मेर्मिमका बोमिमिम होप्‍माम ने मेबेनी, हेङालोने मेर्मिमका सीमिमिम होम्‍साका उनी त्‍वाका ने मेबोमी।

१ यूहन्‍ना 2:19

ख्रीष्‍टकु कोर्थो़लाम बक्‍पा ओ मु़चु़मिम गुइनुङ लाम्‍दिपा थो़र लु़पामिम मेएँ, मेम्‍मिमका गुइलाई डिसाड्‌डामी। मेर्मिम मु़चु़ गुइनुङ लाम्‍दिपा थो़रलु़पामिम माला ने गुइनुङ बामिवा। लावो मेर्मिम सु़ वो गुइनुङ लाम्‍दिपा थो़र लु़पा मेएँ रेछा र्‍वाक्‍पा मेर्मिमका डिसाड्‌डामिमलामका रेम्‍बेम्‍डी।

यूहन्‍ना 15:2

मा मेसिट्‌पा आमा खोत्‍ले ग्रेममिम गुमीका फल्‍मी। मा सिट्‌पा खोत्‍ले ग्रेममिमलाई आथावो हापा मा सिट्‌नु़ र्‍वाक्‍साका स्‍याङमी।

लूका 12:47

“उ नेमहपकु नड्‍डाम ल्‍वा थेसिथेसाका वो मेराम होम्‍साका खारी मेबेपा, मा मेझो़म्‍जोल्‍सिट्‌पा डु़ल्‍चो़ ने छो़म याल्‍ला सो़सी।

लूका 6:46

“गो र्‍वाङुमिम होम्‍साका मेबोनी माला, गानी हेङा गोलाई ङाचो़, ङाचो़, र्‍वानी?

मर्कूस 4:17

लावो मेर्मिमकु सक्‍फार मिबुमिमका मेर्मिम कति दु़पा थारीसम्‍म कोङङा दु़म्‍मी। सिजेमकु दुथाम मु़चु़मिमका मेजो़पा बोमी मा उनीमा थो़मतेर्सामिलो मेर्मिमका मेराम डिन्‍ल्‍यामी।

२ पत्रुस 2:20

मेर्मिमका इकी ङाचो़ नुङ गुइलाई सेल्‍पा येशू ख्रीष्‍टलाई छेसाका वो सु़म्‍दिसेरडाम मेजो़पालाम स्‍वामी। मेम्‍मा आथावो मेरामथो़ङा दु़म्‍मिमा मेरामकु डु़ल्‍चो़ दु़म्‍मी माला ङादो बाम्‍डिमडाम वो छो़म मेजो़पा दु़म्‍मी।

१ थेसलोनिकी 3:5

मेम्‍मिमका गो इम्‍मुम बुमु मेचापुवालो इनीमा थो़रकु दुथाम चमु लागि तिमोथीलाई गो इनीमाडा थु़र्तो। याङलो शैतानका इनीमा न छाम्‍मु चाप्‍सु़, मा गुकु बेत्तोकोम खारी ब्‍लाम-ब्‍लाम बु़ र्‍वाक्‍पा आमा ङिम लु़डाम बाइडा।

थु़र्मा 26:11

मेकोतिमा खोत्‍ले घ्रो़म्‍दीनेमडा मेर्मिमलाई याल्‍तो ख्रीष्‍टलाई डक्‍साका जेबेत्तोमी। मेर्मिमडाम आमा छो़म छोक्‍चो बक्‍तामका मिक्‍सीका ङा मेल्‍वाउमिवा, मा वाङमिम नेब्‍दीकु शहर-शहरबाडे वो लङडोमा मेर्मिमकु छो़म उनीमा थो़मतेर्साक्‍तोमी।

थु़र्मा 20:29

हेङालोने गो डिन्‍जो़ल्‍निनिमा लङुमिम चङडा ङिमलु़पा बडि होप्‍माम मु़चु़मिम गानीगोडा रोमी, मा मेर्मिमका खोत्‍ले थो़रलु़पामिमलाई पुयु़लुमु माल्‍मी होङ्‍ङा गो लु़ङडोम बु।

लूका 19:27

गो मेर्मिमडला साखाम थो़पुमिम मेद्‌वाक्‍पा मे आमा स्‍वाक्‍चिमो मु़चु़मिमलाई आसिन्‍डा रेट्‌नी, मा मेर्मिमलाई आ ङादोडा सेट्‌नी’।”

लूका 19:14

“लावो उ नेब्‍दीडाम मु़चु़मिमका गुलाई मेद्‌वाम्‍थाल्‍मिवा। मेम्‍मा होनोवाम नेब्‍दीडा आरे र्‍वाप्‍डा सेलाचो़मिमलाई थु़र्मिडी, ‘ओराम मु़चु़ आकी हप दु़म्‍मु मेबासी सो़।’

मत्ती 24:10

मेराम थारीका हापा मु़चु़मिमका थो़रलु़मु डिन्‍मी। मेम्‍मा उनीमा स्‍वाक्‍चिमो मु़चु़मिमकु ल्‍वाड्‌डा ग्‍वाबोमिमा मेद्‌वाबोमी।

लूका 6:48

उहेमका हापा धालीसम्‍म धायु़मा हेल्‍लो वो मेदोपा डोक्‍पु लुङ गड्‌डु़मा मेरामडला नेम बनेबु़डु़। मेराम नेमडला होङकोर्माका याक्‍तु़ लोवो मेराम नेम जो़होमका बनेबेम्‍मामिमका हेवो मेदु़म्‍सावा।

लूका 7:1

येशूका मु़चु़मिमलाई खोत्‍ले ल्‍वा र्‍वामु दु़म्‍मिडिमा कफर्नहुम शहरथो़ लम्‍डी।