लूका 6:48 - थुलुङ राई

⁴⁸ उहेमका हापा धालीसम्‍म धायु़मा हेल्‍लो वो मेदोपा डोक्‍पु लुङ गड्‌डु़मा मेरामडला नेम बनेबु़डु़। मेराम नेमडला होङकोर्माका याक्‍तु़ लोवो मेराम नेम जो़होमका बनेबेम्‍मामिमका हेवो मेदु़म्‍सावा।

लूका 6:48 Referans Kwoze

यहूदा 1:24

माम्‍चु़नी यु़मनुङमा बुमी मा गानीलाई छु़लडा वाम्‍मुडाम सेल्‍मु चापा बुमी। गानीलाई हाम वो मेख्‍लो़ट्‌पा दु़म्‍बेसाका नुङ छो़म भ्रसिबेसाका उनी यु़म-झ्‍वाक्‍सी ङादोडा रेन्‍मु चापा गुमी बुमी।

एफिसी 2:20

गानी ने नेम होप्‍माम सो़ मा मेराम नेमकु जग ने थु़र्मामिमनुङ माम्‍चु़नीलाम जेपामिम ङा सो़, ख्रीष्‍ट येशू उनी त्‍वाप ने मेराम नेमकु जगडाम डोक्‍पु लुङ सो़।

१ यूहन्‍ना 2:28

आमा चो़च्‍चो़ होप्‍माम मु़चु़नी, ख्रीष्‍टडा बानिम बानी, मेम्‍साका गुमी रेम्‍बेम्‍सिप्‍मिलो मेङिसिनु़ मा गुमी योमिलो उनी ङादोडा इकीमा क्रो़म मेलु़नु़।

२ तिमोथी 2:19

लावो माम्‍चु़नीकु सिजेम हेल्‍लो वो मेदोपा लुङडला गट्‌मा जग होप्‍माम बु, मा मेसिन्‍डा ओराम मिक्‍छे बु, “ङाचो़का त्‍वाकु मु़चु़मिमलाई छेमी, मा माम्‍चु़नीकु नङ रपामिम खोत्‍ले मेजो़पा खारी बोमुडाम वाङ बुमिनु़।”

२ पत्रुस 1:10

मेम्‍मिमका वा-ल्‍वाकनी, माम्‍चु़नीका गानीलाई येट्‌निम नुङ छेट्‌निम र्‍वाक्‍पा रेम्‍बोमु छो़म सो हन्‍पा दु़म्‍नी। गानी आरे बोनी माला इनी थो़रडाम हेल्‍लो वो ताङताहेरथो़ मेलनी।

थु़र्मा 14:22

मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

लूका 6:47

उहेम मु़चु़ आमाडा रो, मा आमा सिजेम थो़सु़, मेम्‍मा मेराम होम्‍साका खारी बु़, मेराम आरेप्‍माम मु़चु़ सो़,

लूका 6:49

लावो उहेमका आमा सिजेम थो़सु़मा वो मेराम होम्‍साका खारी मेबेपा मु़चु़ ने आरेप्‍माम सो़, उहेमका नेमकु फारगोयु़म डोक्‍पु लुङ मेगसाका क्‍वाडला नेम बनेबु़डु़। मेकोतिमा होङकोर्मा योक्‍तामा मेराम नेम याक्‍तु़। मेकोतिलो मेराम नेम झार्स्‍ल्‍याड्‌डा, मा खोत्‍लेङा स्‍याकारिस्‍ता।”