लूका 6:47 - थुलुङ राई

⁴⁷ उहेम मु़चु़ आमाडा रो, मा आमा सिजेम थो़सु़, मेम्‍मा मेराम होम्‍साका खारी बु़, मेराम आरेप्‍माम मु़चु़ सो़,

लूका 6:47 Referans Kwoze

लूका 11:28

लावो येशूका र्‍वाम्‍डी, “उहेमका माम्‍चु़नीकु सिजेम जो़होमका थो़मी, मा मेराम होम्‍साका बोमी, मेर्मिम मु़चु़ डे आलाकाम सो़।”

यूहन्‍ना 14:15

“गानी गोलाई रिखाम बोङिनी माला गो र्‍वाङुमिम थो़नी।

याकूब 4:17

मेम्‍मिमका उहेमका जो़पा खारी बोमु बासी र्‍वाक्‍पा चक्‍साका वो मेबु़ माला गु छु़लचो़ सो़।

मत्ती 12:50

उहेमका पाह्रीलाम आमा पापकु न होङङा बु़, मेर्मिमङा आमा जाउमो-तारापा ल्‍वाक नुङ माम।”

यूहन्‍ना 13:17

गानी ओर्मिम ल्‍वा थेट्‌निमा मेराम होम्‍साका बेन्‍नी माला गानी आलाकाम सो़।

१ पत्रुस 2:4

ङाचो़ येशूडा रोक्‍नी, गुमी नु़बेट्‌पा लुङ सो़। गुमीलाई मु़चु़मिमका पार्मिडिम लुङ लावो माम्‍चु़नीका छेट्‌मिडिम मा छो़म डोक्‍पु मिम्‍मुका घ्रेट्‌पा बुमी।

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

रेम्‍बेट्‌मिडिम ल्‍वा 22:14

“त्‍वाकु ब्‍लाङमा सो़ल्‍पा मु़चु़मिम आलाकाम सो़। त्‍वारो़म ग्‍वाक्‍पा धक्‍साकु मा पोमु मुलु़ मेर्मिमका ल्‍वामी मा शहर गोनो हुमु ल्‍वामी।

लूका 14:26

“कोङनिम मु़चु़ आमा सीसिपा दु़म्‍मु न बु़ माला, मेराम मु़चु़का वो उ त्‍वाकु माम-पाप, उ नाइमे, उ चो़च्‍चो़मिम, उ वा-ल्‍वाकमिम, मा उ त्‍वापडाम वो हापा गोलाई रिखाम बोमु बासी। मेएँ माला मेराम मु़चु़ आमा सीसिपा मेदु़म।

१ यूहन्‍ना 3:7

द्‌वादीबुङ चो़च्‍चो़नी, सु़का वो गानीलाई ताङताहेरथो़ मेलनिमिनु़। उहेम मु़चु़का जो़पा जेसी-दोसी बु़ मेरामका माम्‍चु़नीकु न होप्‍माम जो़पा बेपा ख्रीष्‍ट होङङा जो़पा खारी बु़।

१ यूहन्‍ना 2:29

ख्रीष्‍ट माम्‍चु़नीकु न होप्‍माम जो़पा खारी बेपा र्‍वाक्‍पा गानी चनी माला हाम जो़पा बु मेराम खारी बेपा खोत्‍ले मु़चु़ माम्‍चु़नीलाम गम्‍डिम र्‍वाक्‍पा चक्‍नी।

यूहन्‍ना 10:27

“आमा भेन्‍दामिमका आमा लो़लाम थो़मी, मेर्मिमलाई गो छेपुमी। मेम्‍मा मेर्मिम आमा चङचङ लाम्‍दिमी।

२ पत्रुस 1:10

मेम्‍मिमका वा-ल्‍वाकनी, माम्‍चु़नीका गानीलाई येट्‌निम नुङ छेट्‌निम र्‍वाक्‍पा रेम्‍बोमु छो़म सो हन्‍पा दु़म्‍नी। गानी आरे बोनी माला इनी थो़रडाम हेल्‍लो वो ताङताहेरथो़ मेलनी।

यूहन्‍ना 6:37

पापका ग्‍वाङ्‌डिमिम खोत्‍ले मु़चु़ आमाडा रोमी, मा आमाडा रोक्‍पामिमलाई गो हेल्‍लो वो मेकोलुमी।

यूहन्‍ना 6:35

येशूका मेर्मिमनुङ र्‍वाम्‍डी, “मेसिपा त्‍वारो़म ग्‍वाक्‍पा सो़बेम गोङा सो़। उहेम मु़चु़ आमाडा रो मेराम मु़चु़ हेल्‍लो वो क्रु़म मेसि, मा गोडला थो़रलु़पा मु़चु़ हेल्‍लो वो कोरा मेसि।

यूहन्‍ना 5:40

मेम्‍मा वो ओराम त्‍वारो़म ल्‍वामु लागि आमाडा रोमु मेद्‌वानी।

लूका 8:13

लुङदुडा झुक्‍पा भ्रल ओर्मिम ङा सो़, उहेमका माम्‍चु़नीकु सिजेम थो़मिमा गेर्सिद्‌वाक्‍तो रमी। लावो धु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म्‍मी। लावो मेजो़पा ल्‍वालामका उनी न छाम्‍सिमिम थारीका माम्‍चु़नीडा थो़र लु़मु डिन्‍मी, मा गुमीडाम वाङ दु़म्‍मी।

लूका 8:8

लावो याङ भ्रल ने जो़पा क्‍वाडला झुस्‍ता, मा ल्‍यास्‍तामा को सङ (१००) डाम वो हापा मा सिड्‌डु़।” आकोति र्‍वाम्‍डिमा गुमीका डोक्‍पु लो़लामका र्‍वाम्‍डी, “सु़काम थो़पा नोफ्‍ला बु मेरामका थो़स्‍नु़मा थेसिथेट्‌नु़।”

मत्ती 17:5

गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

यूहन्‍ना 8:52

यहूदीमिमका गुमीलाई र्‍वाम्‍डी, “गानालाई मुनाङका हुप्‍नामङा बु र्‍वाक्‍साका गुकु चक्‍तोको। अब्राहाम सिडा, मा माम्‍चु़नीलाम-जेपामिम वो सिम्‍डी, लावो गाना र्‍वाना, कोङनिम मु़चु़ आमा सिजेम होम्‍साका दोस्‍ता माला मेराम हेल्‍लो वो मेसि।

लूका 6:48

उहेमका हापा धालीसम्‍म धायु़मा हेल्‍लो वो मेदोपा डोक्‍पु लुङ गड्‌डु़मा मेरामडला नेम बनेबु़डु़। मेराम नेमडला होङकोर्माका याक्‍तु़ लोवो मेराम नेम जो़होमका बनेबेम्‍मामिमका हेवो मेदु़म्‍सावा।