लूका 6:45 - थुलुङ राई

⁴⁵ जो़पा मु़चु़का उ न-गोडा जु़ल्‍थाडु़मिमलाम जो़पा ल्‍वा जे। मेजो़पा मु़चु़का उ न-गोडा जु़ल्‍थाडु़मिम मेजो़पा ल्‍वा जे। हेङालोने हेप्‍माम ल्‍वा उ न-गोडा कुर्थाडु़मिम बु, मेराम मु़चु़का मे ङा जे।

लूका 6:45 Referans Kwoze

एफिसी 4:29

वाङमिमलाई मेजो़पा दु़म्‍पा ल्‍वा मेजेनी, लावो थारी घ्रेट्‍पा नुङ नडा लक्‍पा ल्‍वा जेनी। मेराम ल्‍वाका मेर्मिमलाई जो़होमका ख्‍लो़पा दु़म्‍नु़।

यूहन्‍ना 7:38

उहेम मु़चु़का गोडला थो़र बु़, माम्‍चु़नीकु सिजेमका र्‍वामिम होङङा मेसिपा त्‍वारो़म ग्‍वाक्‍पा कोर्कु मेरामकु गोलामका पु़डु़।”

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

कलस्‍सी 4:6

गानी मेर्मिमनुङ जेनिलो हेल्‍लो लोवो गेर्सीबेट्‌पा, नडा लक्‍पा इनीमा जेसी दु़म्‍नु़, मेम्‍साका खोत्‍ले मु़चु़मिमलाई हेसाका तुमु बासिक्‍पा मेराम गानी चक्‍नी।

हिब्रू 8:10

मिप्रङमाका आथावो र्‍वामी, रोक्‍पा थारीका इस्राएलडाम मु़चु़मिमनुङ गो ओराम सो़रख्रेपु, मेर्मिमकु नगोडा आमा डु़म्‍ला जु़लु मा उनीमा नगोनो र्‍याक्‍साक्‍पुमी, गो मेर्मिमकु माम्‍चु़नी दु़म्‍ङु मा मेर्मिम आमा मु़चु़ दु़म्‍मी।

एफिसी 5:19

मेम्‍मा इनी त्‍वाप त्‍वापगोडा माम्‍चु़नीकु सिजेमगोडाम काम्‍सो, उनीमा नङ कोमु काम्‍सो, उनीमा दुथाममिम वाङमी काम्‍सोमिम बेत्तो न-गोलामका उनीमा नङ कोक्‍नी।

थु़र्मा 5:3

लावो पत्रुसका र्‍वाक्‍ता, “हननिया, हेङा इमा न-गो शैतानलाई ग्‍वाक्‍साका माम्‍चु़नी-पेलनुङ लिमा थेट्‌ना, मा इमा ये-द भ्रेट्‌नाम खउलुङ किचो़ जु़ल्‍सिट्‌ना?

यहूदा 1:15

गुमीका खोत्‍ले मु़चु़मिमकु निया बोमी। माम्‍चु़नीलाई डोक्‍पु मेबेपा बेसाका खोत्‍ले खारी बेपा माम्‍चु़नीकु लाम्‍दी लाममेदिपा खोत्‍ले मु़चु़लाई नुङ माम्‍चु़नीकु लाम्‍दीडा लाममेदिपा छु़लचो़मिमका उनी कोर्थो़लाम जेम्‍डिम उनी न-गो जक्‍पाकु दुथाम मुमा बेन्‍मी।”

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।