Biblia Todo Logo
Bib sou entènèt

- Piblisite -




लूका 6:42 - थुलुङ राई

42 गानी इनी त्‍वाकु मिक्‍सीडा कार्तासिट्‌पा डोक्‍पु सङ ने मेल्‍वानी माला हेसाका इनी त्‍वाकु वा-ल्‍वाकलाई, ‘ए छारी, इमा मिक्‍सीडाम कति कल्‍पा सप्‍लेप्‍ता गो थान्‍सानिनी’ र्‍वामु चाम्‍नी? गानी मु़चु़कु ङादोडा जो़पा लिसिक्‍पा मु़चु़नी, ङादो इनी मिक्‍सीडा कार्तासिट्‌पा डोक्‍पु सङ ख्‍लुक्‍निमा पार्नी, मेम्‍मा इनी वा-ल्‍वाककु मिक्‍सीडा बाट्‌पा कति कल्‍पा सप्‍लेप्‍ता जो़होमका ल्‍वानिमा पार्सामु चाम्‍नी।

Gade chapit la Kopi




लूका 6:42
24 Referans Kwoze  

लावो कोङनिमनुङ ओर्मिम ल्‍वा मिबु माला ने मेराम मु़चु़का जो़होमका ल्‍वामु मेचाप्‍सु़। मेराम मिक्‍सीका मेल्‍वापा सो़। ङादोम उ छु़लमिमडाम गुलाई छेको-छेको बेम्‍मा गुका प्‍ल्‍वास्‍तु़म बु।


मे याक्‍के खारीडा मोमु जु़ल्‍मा कोङनिमका उ त्‍वापलाई सेपा बु़डु़ माला मेराम डोक्‍पु खारीडा मोमु घ्रेट्‌पा सोजाम दु़म, मा नेमहपका मोमु घ्रेट्‌पा नुङ कोङनिम डोक्‍पु खारी बोमु घ्रेट्‌पा दु़म।


ओर्मिम खोत्‍ले माम्‍चु़नीका बेम्‍डिम सो़। गुमीका ख्रीष्‍टलामका उनीमा नुङ इकीमा न-थो़म घ्रो़म्‍बेसाड्‌डामी मा वाङमिम मु़चु़काम न-थो़म गुमीनुङ घ्रो़म्‍बेट्‌पा खारी वो गुइलाई ग्‍वाक्‍साड्‌डामी।


मेम्‍मिमका वाङमिमकु निया बेपा मु़चु़नी, गो मुमा मान्‍थिम बुङु र्‍वामु मेल्‍वानी, हेङालोने उहेम ल्‍वाडा गानी वाङमिमलाई मुमा बेनिमी मेराम खारी इनी त्‍वाका वो बोनी मा मुमाचो़ दु़म्‍नी।


मेम्‍मा र्‍वाक्‍ता, “गाना मुनाङकु चो़, जो़पा ल्‍वामिम खोत्‍लेकु स्‍वाक्‍चिमो, खोत्‍ले मेजो़पा खारी बेपा नुङ छो़म लिमाचो़ बुना। हाम गाना माम्‍चु़नीकु जो़पा लाम्‍दी फाल्‍मु हेल्‍लो वो मेडिना?


ओराम खारीलामका गाना गुकुलाम हाम वो मेल्‍वाना, हेङालोने माम्‍चु़नीकु ङादोडा इमा न-गो जो़पा मिबु।


पत्रुसका मेर्मिमनुङ र्‍वाक्‍ता, “इनी छु़लमिम इनी नगोलामका ङा मिम्‍सिट्‌निमा ख्‍लोन्‍सिट्‌नी, मा इनी छु़ल हेम्‍मु येशू ख्रीष्‍टकु नङडा गानी खोत्‍लेका कु-रु़दु़म रनी। मेकोतिमा गानी राप्लावा ल्‍वानी, मेराम ने माम्‍चु़नी-पेल सो़।


लावो गाना गोडला थो़रलु़मुम बुमु मेडिडा र्‍वाक्‍साका गो इमा लागि सो़म्‍दी बेउतोम बु। गाना आमाडा रोकामा गानानुङ लाम्‍दिपा सीसिपामिमका गोडला थो़रलु़मु लागि उनी सो हन्‍बेसाडामी।”


लावो ङाचो़ येशूका र्‍वाम्‍डी, “माम्‍चु़नीकु मिक्‍सीलामडा जो़पा लिसिक्‍पा मु़चु़नी, ङेम्‍सिमुनेम गानीगोडाम सु़का उ बेनो लोवो गधा लोवो गोठालामका डिरु़मा कु थो़ड्‌डा मेल?


मेकोतिमा येशूका आरे र्‍वाम्‍डिम ल्‍वा पत्रुसका मिम्‍डु़, “स्‍वारेपो ओमु ङादो गाना गोलाई सुकखेप मेछेपु र्‍वाना।” मेम्‍मा गु पाखानो लस्‍तामा हुलाख्राम बु़डु़।


“गानी इनी वा-ल्‍वाककु मिक्‍सीडा गन्‍पा कति कल्‍पा फुर्कु ल्‍वानी, लावो इनी त्‍वाकु मिक्‍सीडा कार्तासिट्‌पा डोक्‍पु सङ ने हेङा मेल्‍वानी?


गानी इनी मिक्‍सीडा कार्तासिट्‌पा डोक्‍पु सङ ने मेल्‍वानी माला हेसाका इनी त्‍वाकु वा-ल्‍वाकलाई, ‘छारी, इमा मिक्‍सीडा गन्‍पा फुर्कु गो पार्सानी’ र्‍वानी मा?


“गानी हेङा इनीमा वा-ल्‍वाककु मिक्‍सीडाम कति कल्‍पा सप्‍लेप्‍ता हुपा ल्‍वानी, इनीमा त्‍वाकु मिक्‍सीडा कार्तासिट्‌पा डोक्‍पु सङ ने हेङा मेल्‍वानी?


“जो़पा धक्‍साडा मेजो़पा मा मेसिडु़, मा मेजो़पा धक्‍साडा जो़पा मा मेसिडु़।


Swiv nou:

Piblisite


Piblisite