Biblia Todo Logo
Bib sou entènèt

- Piblisite -




लूका 6:41 - थुलुङ राई

41 “गानी हेङा इनीमा वा-ल्‍वाककु मिक्‍सीडाम कति कल्‍पा सप्‍लेप्‍ता हुपा ल्‍वानी, इनीमा त्‍वाकु मिक्‍सीडा कार्तासिट्‌पा डोक्‍पु सङ ने हेङा मेल्‍वानी?

Gade chapit la Kopi




लूका 6:41
18 Referans Kwoze  

मेर्मिमका गुमीलाई कुदु़मार हिला बेम्‍डिम बाम्‍डी, मा येशू येम्‍सिम्‍डिमा मेर्मिमलाई र्‍वाम्‍डी, “गानीगोडा छु़ल मेबेपा कोङनिम बु माला मेरामका ङादो मेराम मेसेमलाई लुङका ओप्‍नु़।”


गुका उ त्‍वापलाई रेम्‍सीमा लल्‍या, मेकोतिमा गु हेप्‍माम बाइडा र्‍वाक्‍पा ल्‍वा दालाङा प्‍ल्‍वास्‍चेडु़।


मेम्‍मिमका वाङमिमकु निया बेपा मु़चु़नी, गो मुमा मान्‍थिम बुङु र्‍वामु मेल्‍वानी, हेङालोने उहेम ल्‍वाडा गानी वाङमिमलाई मुमा बेनिमी मेराम खारी इनी त्‍वाका वो बोनी मा मुमाचो़ दु़म्‍नी।


“वाङमिमकु निया मेबेनी, मा माम्‍चु़नीका इनीमा वो निया मेबोमी।


सीपा मु़चु़ हापा नेप्‍चीनुङमा दु़म, मे सीसिपा मु़चु़ मेप्‍माम मेदु़म, लावो खोत्‍ले ल्‍वा सीम्‍सिमु दु़म्‍सु़मिम चङडा गुलाई सीपा मु़चु़ होप्‍मामङा दु़म।


गानी इनी त्‍वाकु मिक्‍सीडा कार्तासिट्‌पा डोक्‍पु सङ ने मेल्‍वानी माला हेसाका इनी त्‍वाकु वा-ल्‍वाकलाई, ‘ए छारी, इमा मिक्‍सीडाम कति कल्‍पा सप्‍लेप्‍ता गो थान्‍सानिनी’ र्‍वामु चाम्‍नी? गानी मु़चु़कु ङादोडा जो़पा लिसिक्‍पा मु़चु़नी, ङादो इनी मिक्‍सीडा कार्तासिट्‌पा डोक्‍पु सङ ख्‍लुक्‍निमा पार्नी, मेम्‍मा इनी वा-ल्‍वाककु मिक्‍सीडा बाट्‌पा कति कल्‍पा सप्‍लेप्‍ता जो़होमका ल्‍वानिमा पार्सामु चाम्‍नी।


मेर्मिमनुङ किचो़ कोलोङ याक्‍केतो ङोमिम वो बाइडा। मेरामलाई वो गुमीका जि ग्‍वाम्‍डिमा मे सेर्पा मु़चु़मिमलाई दो़साट्‌नी बेम्‍डिमा उनीमा सीसिपामिमलाई ग्‍वाम्‍डी।


Swiv nou:

Piblisite


Piblisite