लूका 6:38 - थुलुङ राई

³⁸ मु़चु़मिमलाई ग्‍वाक्‍निमी, मा माम्‍चु़नीका गानीलाई वो ग्‍वानिमी। सोङसा-सोङसाका, हल्‍लेबेसा-बेसाका लहोम, सिड्‌डा रोगेमिमसम्‍म कोले थो़मसङका इनीमा फाजीडा हिसिमिमसम्‍म गानी ल्‍वानी। हेङालोने गानी वाङमिमलाई उहेम थो़मसङका ग्‍वानी, मेराम थो़मसङका ङा माम्‍चु़नीका गानीलाई ग्‍वानिमी।”

लूका 6:38 Referans Kwoze

मर्कूस 4:24

गुमीका आथावो मेर्मिम नुङ र्‍वाम्‍डी, “गानी थो़निमिम ल्‍वाडा न सोक्‍नी, हेप्‍माम थो़म्‍खोपका गानी वाङमिलाई ग्‍वानिमी, मेरामका ङा गानी वो रनी, मा मेरामडाम हापा गानी डार्नी।

मत्ती 7:2

हेङालोने वाङमिमलाई गानी हे बोनी, गानी वो मेमङा बेला सो़न्‍सिनी। वाङमिमकु निया बोनिलो बाम थो़मसङ मोनी, मेराम थो़मसङकाङा इनीमा वो निया दु़म।

मत्ती 10:42

मेम्‍मा कोङनिमका ओ याक्‍के मु़चु़मिमगोडाम कोलेलाई आमा सीसिपा मिम्‍साका को कान्‍चु़रे छक्‍पा कु कोङङा लोवो डुमु ग्‍वाकु़ माला, आच्‍छाङा गो गानीनुङ र्‍वाङु, मेरामका पुरस्‍कार ल्‍वासु़ङा।”

लूका 6:30

गानीनुङ बिपा मु़चु़मिम खोत्‍लेलाई ग्‍वाक्‍नी, मा मु़चु़लाई ग्‍वाक्‍निम खाप्‍ची चङडा मेरनी।

याकूब 2:13

हेङालोने वाङमिमडला गानी न-थो़म मेबेनिवा माला गानी वो न-थो़म मेल्‍वानी। लावो गानी न-थो़मनुङमा मु़चु़ दु़म्‍निम बु माला इनीमा निया दु़म्‍मु थारीका माम्‍चु़नीका गानीडला न-थो़म रेम्‍बोमी।