लूका 6:37 - थुलुङ राई

³⁷ “सु़काम वो निया मेबेनी, मा माम्‍चु़नीका इनीमा निया मेबोमी। सु़लाई वो मुमा मेबेट्‌नी, मा माम्‍चु़नीका गानीलाई मुमा मेबेनिमी। मु़चु़मिमलाई पाचो ग्‍वाक्‍निमी, मा माम्‍चु़नीका गानीलाई वो पाचो ग्‍वानिमी।

लूका 6:37 Referans Kwoze

एफिसी 4:32

लावो न-थो़मनुङमा दु़म्‍नी मा कोलेका कोङमीलाई रिखाम बेबेनी। माम्‍चु़नीका गानीलाई ख्रीष्‍टलामका पाचो ग्‍वानिमिम होम्‍साका इनी त्‍वापगोडा पाचो ग्‍वाबेनी।

याकूब 5:9

वा-ल्‍वाकनी, कोलेका वाङमिमकु दुथाम सु़म्‍बुर्मा किट्‌नी माला गानी मुमा बेन्‍ला सो़न्‍सिनी। रेप्‍नी, निया बेपा ङाचो़ येशू ख्रीष्‍ट लाम्‍चोकोडा रोम्‍फाम्‍डिम होङङा गुमी ने योमुङा खाप्‍मिमिम बु सो़।

मर्कूस 11:25

गानी सो़म्‍दी बोनिलो गानीगोडा गोफ दु़स्‍ताम बु माला खोत्‍ले इनी छु़ल हेम्‍बेबेनी, मा मेम्‍साका ङा पाह्रीला बाट्‌पा इनी पापका वो इनी छु़ल हेम्‍सानिमी।

कलस्‍सी 3:13

इम्‍सी बेबेनी मा कोङनिमका कोङनिमडला सु़म्‍बुर्मा किसु़लो छु़ल हेम्‍बेबेनी। ङाचो़का इनीमा छु़ल हेम्‍साट्‌निम होङङा छु़ल हेम्‍बेबेनी।

मत्ती 5:7

न-थो़मनुङमामिम जिनुङमा सो़, हेङालोने मेर्मिमडला माम्‍चु़नीका न-थो़म रेम्‍बोमी।

मत्ती 18:30

“लावो गु मेबिसावा। मेम्‍मा गुनुङ खारी बेपा मेराम ङोप्‍सो़का खोत्‍ले जेर मेसोक्‍सोक्‍थु़मसम्‍म झ्‍यालखानडा गुलाई चक्‍तु़।

लूका 6:36

इकीमा माम्‍चु़नी छो़म न-थो़मनुङमा बुमी, मा गानी वो मेप्‍माम न-थो़मनुङमा ङा दु़म्‍नी।

लूका 23:16

मेम्‍मिमका गो ओरामलाई कोक्‍तेकु रिवाका यालुमा डिसोक्‍पु।”

थु़र्मा 3:13

अब्राहाम, इसहाक नुङ याकूबकु माम्‍चु़नी, इकी बेब-पापकु माम्‍चु़नीका उनी त्‍वाकु डु़ल्‍चो़ येशूलाई उनी यु़म-झ्‍वाक्‍सीडा कोम्‍डी, गुमीलाई गानी चु़म्‍बेट्‌निमी। मेकोतिमा पिलातसका गुमीलाई डिन्‍मु न बु़डु़, लावो गानी गुमीलाई उ ङादोडा ङा रमु मेबिन्‍सिट्‌निवा।

याकूब 2:13

हेङालोने वाङमिमडला गानी न-थो़म मेबेनिवा माला गानी वो न-थो़म मेल्‍वानी। लावो गानी न-थो़मनुङमा मु़चु़ दु़म्‍निम बु माला इनीमा निया दु़म्‍मु थारीका माम्‍चु़नीका गानीडला न-थो़म रेम्‍बोमी।