लूका 6:30 - थुलुङ राई

³⁰ गानीनुङ बिपा मु़चु़मिम खोत्‍लेलाई ग्‍वाक्‍नी, मा मु़चु़लाई ग्‍वाक्‍निम खाप्‍ची चङडा मेरनी।

लूका 6:30 Referans Kwoze

२ कोरिन्‍थी 8:9

इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

थु़र्मा 20:35

खोत्‍ले ब्राम्‍दु़ल्‍वा बेउतोमा गानीलाई रेम्‍बेट्‌निनिम बु सो़। गानी वो आरेसाकाङा छो़निमा मेचापामिमलाई ख्‍लो़मुमि बासी। येशूका र्‍वाम्‍डिम ओराम सिजेम मिम्‍नी सो़ ‘ग्‍वामु ङा रमुडाम वो आलाकाम दु़म सो़’।”

मत्ती 6:12

आकी कोर्थो़लाम बक्‍पामिमकु छु़ल हेप्‍साक्‍तोकोम होङङा आकी छु़लमिम हेप्‍साक्‍किनी,

लूका 18:22

ओराम ल्‍वा थो़म्‍डिमा येशूका मेरामलाई र्‍वाम्‍डी, “गाना आथावो कोले ल्‍वा बोमुबासिक्‍पा बु। गानानुङ बाट्‌पा खोत्‍ले इ खाप्‍ची भ्रेडामा उनी हाम वो मेबाट्‌पा मु़चु़मिमलाई मेराम खउलुङ ग्‍वाकामी। मेम्‍मा पाह्रीला गाना खाप्‍ची ल्‍वाना, मा बिका मा आमा चङचङ लाम्‍दिया।”

लूका 12:33

इनी खाप्‍चीमिम भ्रेट्‌नीमा उनी हाम वो मेबाट्‌पामिमलाई ग्‍वाक्‍साका इनी त्‍वाकाम लागि हेल्‍लो वो मेभ्रो़ट्‌पा फाजी बनेबेनी। मेम्‍मा हेल्‍लो वो मेदाम्‍पा खाप्‍ची पाह्रीला फुट्‌नी। मेला ने खुचु़वा मेरो, मा तु़मका वो मेकोकु़।

लूका 11:41

गानी उनी हाम वो मेबाट्‌पामिमलाई इनी न-गो ग्‍वाक्‍नी। मेम्‍मा इनीमा लागि खोत्‍ले छेको-छेको दु़म।

लूका 6:38

मु़चु़मिमलाई ग्‍वाक्‍निमी, मा माम्‍चु़नीका गानीलाई वो ग्‍वानिमी। सोङसा-सोङसाका, हल्‍लेबेसा-बेसाका लहोम, सिड्‌डा रोगेमिमसम्‍म कोले थो़मसङका इनीमा फाजीडा हिसिमिमसम्‍म गानी ल्‍वानी। हेङालोने गानी वाङमिमलाई उहेम थो़मसङका ग्‍वानी, मेराम थो़मसङका ङा माम्‍चु़नीका गानीलाई ग्‍वानिमी।”

मत्ती 18:35

“गानी वो थो़रलु़पा इनी वा-ल्‍वाकमिमलाई इनी न-गोलामका पाचो ग्‍वामु मेबिन्‍सिट्‌निवा माला पाह्रीलाम आमा पापका वो गानीलाई मेमङा बोनिमी।”

एफिसी 4:28

खुपाका आथाडा आनो खुमु डिट्‌नु़ मा त्‍वाकाङा ब्राम्‍दु़ल्‍वा बु़नु़। मेम्‍मा खेरेला दु़म्‍पामिमलाई ग्‍वामु चाप्‍सु़नु़।

मत्ती 5:39

लावो गो गानीलाई र्‍वाङु, गानीलाई मेजो़पा बेपा मु़चु़डला छोक्‍चो मेहाट्‌नी। कोङनिमका इनी जो़पलाममिम फोसु़डा याल्‍नी माला कोङमीलाममिम फोसु़डा वो देन्‍साट्‌नी।

लूका 6:29

कोङनिमका गानीलाई कोलेलाममिम इनी फोसु़डा याल्‍नी माला कोङमी फोसु़ वो देन्‍साट्‌नी, मा इनी हुम-ये लमु माल्‍पामिमलाई माक्‍ते वो ग्‍वान्‍सोट्‌नी।

लूका 6:31

वाङमिम मु़चु़का इनीमा लागि हाम बोमिमिम गानी द्‌वानी, गानी वो मेर्मिमनुङ मेमङा बेनी।