लूका 6:27 - थुलुङ राई

²⁷ “लावो गानी सिजेम थो़पा खोत्‍लेलाई र्‍वाङु, इनी स्‍वाक्‍चिमो मु़चु़लाई रिखाम बेनी, मा सु़का गानीलाई मेद्‌वानी मेर्मिमलाई जो़पा बेनी।

लूका 6:27 Referans Kwoze

१ थेसलोनिकी 5:15

रेप्‍नी, सु़का वो मेजो़पा बेपालाई मेजो़पा मेबु़नु़, लावो त्‍वाप-त्‍वापडा नुङ खोत्‍ले मु़चु़लाई हेल्‍लो लोवो जो़पा बोमु माल्‍पा दु़म्‍नी र्‍वाक्‍साका ओराम ल्‍वा इनीमा नडा जु़ल्‍नी।

लूका 6:35

लोवो इनी स्‍वाक्‍चिमो मु़चु़मिमलाई रिखाम बेनी, मेर्मिमलाई जो़पा बेनी। चङडा मेर्मिमलाम मेख्‍लोक्‍पा नका मेर्मिमलाई लोखा ग्‍वाक्‍नी। मेम्‍मा गानी डोक्‍पु पुरस्‍कार ल्‍वानी, मा गानी खोत्‍लेडाम घ्‍ल्‍वापा माम्‍चु़नीकु चो़-चु़सु़ दु़म्‍नी, हेङालोने माम्‍चु़नीका आला-तोमा मान्‍थिम मु़चु़ नुङ मेजो़पा मु़चु़डला वो न-थो़म रेम्‍बोमी।

गलाती 6:10

मेम्‍मिमका जो़पा खारी बोमु ल्‍वासी मेडे गुइ खोत्‍लेकाम लागि जो़पा बेत्तो लक्‍सी, खोत्‍लेडाम ङादो येशू ख्रीष्‍टडा थो़रलु़पा वा-ल्‍वाकमिमलाई जो़पा बिइ।

मर्कूस 4:24

गुमीका आथावो मेर्मिम नुङ र्‍वाम्‍डी, “गानी थो़निमिम ल्‍वाडा न सोक्‍नी, हेप्‍माम थो़म्‍खोपका गानी वाङमिलाई ग्‍वानिमी, मेरामका ङा गानी वो रनी, मा मेरामडाम हापा गानी डार्नी।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

थु़र्मा 7:60

मेकोतिलो ङा गुका क्रचु़खुम बु़ल्‍याड्‌डु़मा डोक्‍पु लो़लामका येस्‍ता, “येशू, ओर्मिमका हाम बेम्‍डी, मेरामकु देन्‍दे मेग्‍वाक्‍निमी।” आकोति र्‍वाक्‍तामा उ साम लस्‍ता।

लूका 23:34

येशूका र्‍वाम्‍डी, “माम्‍चु़नी, ओर्मिम मु़चु़लाई पाचो ग्‍वाक्‍निमी, हेङालोने मेर्मिमका हाम बेत्तोङा लेन्‍मी मेराम मेचमी।” मेम्‍मा सिपाहीमिमका चिठ्ठा ओप्‍साका येशूकु ये-सेम दो़म्‍डी।

लूका 8:18

सु़का थेसिथेडु़, मेरामका आथावो थेसिथेन्‍मु चाप्‍सु़। लावो सु़का थेसिमेथेडु़, मेरामका थेसिथेट्‌पु र्‍वाक्‍पा मिम्‍सिमिम वो रोन्‍ला सो़सी। मेम्‍मिमका गानी थो़निमिम ल्‍वाडा चङचङया बानी वो!”

लूका 8:15

लावो जो़पा क्‍वाडला झुक्‍पा भ्रल ने मेर्मिम ङा सो़, उहेमका सिजेम थो़मिमा नड्‍डा जु़ल्‍थामी, मा मेराम होम्‍साका दोमी। मेम्‍मा इम्‍साका लन्‍थामिमा हापा मा सिन्‍बेन्‍मी।

लूका 8:8

लावो याङ भ्रल ने जो़पा क्‍वाडला झुस्‍ता, मा ल्‍यास्‍तामा को सङ (१००) डाम वो हापा मा सिड्‌डु़।” आकोति र्‍वाम्‍डिमा गुमीका डोक्‍पु लो़लामका र्‍वाम्‍डी, “सु़काम थो़पा नोफ्‍ला बु मेरामका थो़स्‍नु़मा थेसिथेट्‌नु़।”

लूका 6:22

मिनीचो़डला थो़र लु़न्‍निमका मु़चु़मिमका मेद्‌वानिमी, सामालामका ख्‍लुनिमी, मा रिन्‍सानिमी, मेम्‍मा मेजो़पा मिम्‍मिमा गानीलाई डक्‍साका जेमी माला गानी आलाकाम सो़।

३ यूहन्‍ना 1:11

द्‌वादीबुङ ङोप्‍सो़नी, हाम मेजो़पा बु मेरामकु बेसी मेबेनी। उहेम मु़चु़का जो़पा बु़ मेराम मु़चु़ माम्‍चु़नीलाममिम सो़। उहेम मु़चु़का मेजो़पा बु़ मेरामका माम्‍चु़नी ल्‍वास्‍तु़म मिबु।

थु़र्मा 16:28

लावो पावलका डोक्‍पु लो़लामका र्‍वाक्‍ता, “इनी त्‍वापलाई हाम वो मेबेनी, गुकु खोत्‍ले आसिङा बुकु।”