लूका 6:26 - थुलुङ राई

²⁶ इनीमा ने हेल्‍लो लोवो खोत्‍ले मु़चु़का नङ कोमी, गानी ने हाउरेमा! हेङालोने मेर्मिमकु ङाउ-खुउमिमका माम्‍चु़नीलाम-जेपा लिसिक्‍पामिमलाई वो मेमङा बेम्‍थाल्‍मिडी।

लूका 6:26 Referans Kwoze

यूहन्‍ना 15:19

गानी सु़म्‍दिसेरकु मु़चु़ दु़म्‍निवाम माला मेर्मिमका गानीलाई त्‍वाकु मु़चु़ मिम्‍निवामा रिखाम बेनिवा। लावो गानी ने सु़म्‍दिसेरकु मु़चु़ मेएँ। गानीलाई सु़म्‍दिसेरलामका गो छेट्‌निनी मेम्‍मिमका गानीलाई सु़म्‍दिसेरडाम मु़चु़मिमका मेद्‌वानिमी।

याकूब 4:4

नाम्‍सु़रु़ बेपानी, सु़म्‍दिसेरनुङ ङोप्‍सो़बुङ दु़म्‍मु माम्‍चु़नीलाई नाप्‍छु़न्‍मु सो़ र्‍वाक्‍पा ल्‍वा गानी मेचनी? उहेमका सु़म्‍दिसेरनुङ ङोप्‍सो़बुङ दु़म्‍मु न बु़, मेराम माम्‍चु़नीकु स्वाक्‍चिमो मु़चु़ दु़म।

मत्ती 7:15

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो!

यूहन्‍ना 7:7

गानीलाई मेद्‌वाक्‍पा मु़चु़ सु़म्‍दिसेरडा सु़वो मेबुमी। लावो सु़म्‍दिसेरडाम मु़चु़मिमका गोलाई ने मेद्‌वाङिमी, हेङालोने मेर्मिमकु खारी बेसी मेजो़पा बु र्‍वाक्‍साका गो सो़उ।

रोमी 16:18

हेङालोने मेर्मिमका ने ङाचो़कु खारी बेपा मेएँ लावो त्‍वाकु ख्‍वाचेपकाम लागि कोङङा बोमी सो़। मेर्मिम ने ड-ड जो़पा लिसीमिमा भ्रपा जेमी मा जो़पा न-गोकाम मु़चु़मिमलाई गोलामका वायम डमी।

लूका 6:25

ओम्‍लो गानी खोहोम पोमु ल्‍वापामिमलाई हाउरेमा! हेङालोने गानी दिफु क्रु़मसिपा दु़म्‍नी। ओम्‍लो रिपामिम ने हाउरेमा! दिफु गानी इनी नडा मेभ्रन्‍सिनिमा ख्राम्‍नी।