लूका 6:22 - थुलुङ राई

²² मिनीचो़डला थो़र लु़न्‍निमका मु़चु़मिमका मेद्‌वानिमी, सामालामका ख्‍लुनिमी, मा रिन्‍सानिमी, मेम्‍मा मेजो़पा मिम्‍मिमा गानीलाई डक्‍साका जेमी माला गानी आलाकाम सो़।

लूका 6:22 Referans Kwoze

मत्ती 10:22

गानी आमा चङचङ लाम्‍दिपा दु़म्‍निमका खोत्‍ले मु़चु़मिमका गानीलाई मेद्‌वानी। लावो उहेम मु़चु़ दिफुसम्‍म थो़रलु़होम बु, मेराम मु़चु़ सेल्‍सी।

१ पत्रुस 3:14

लावो माम्‍चु़नीकु न-गो होम्‍साका खारी बोनिलो वो दु़खा ल्‍वानी माला ने गानी आलाकाम सो़। मेर्मिमकु ङिमसासीडाम मेङिनी, मा इनी लो़ मेदाम्‍नु़।

यूहन्‍ना 16:2

मेर्मिमका गानीलाई घ्रो़म्‍दीनेममिमलामका पाखा कोल्‍निमी। लावो आरेप्‍माम थारी रोक्‍तोङा लेडु़, कोङनिम उहेमका गानीलाई सेनी मेर्मिमका माम्‍चु़नीकु लाले-पाङके बेत्तोङा लेट्‌पु र्‍वाक्‍पा मिम्‍मी।

यूहन्‍ना 7:7

गानीलाई मेद्‌वाक्‍पा मु़चु़ सु़म्‍दिसेरडा सु़वो मेबुमी। लावो सु़म्‍दिसेरडाम मु़चु़मिमका गोलाई ने मेद्‌वाङिमी, हेङालोने मेर्मिमकु खारी बेसी मेजो़पा बु र्‍वाक्‍साका गो सो़उ।

यूहन्‍ना 12:42

यहूदी ङाउमिम हापाका वो मेराम थारीका येशूडा थो़रबेम्‍डी। लावो घ्रो़म्‍दीनेमलामका कोल्‍सामी र्‍वाक्‍साका फरिसीमिमडाम ङिमुका थो़रबेम्‍डिम मेसो़मिवा।

थु़र्मा 24:5

ओराम मु़चु़ बान्‍तेमेनो थो़मतेर्बाल्‍पा, सु़म्‍दिसेरडा खोत्‍लेथो़म खोत्‍ले यहूदीमिमगोडा रिबुसी किट्‌पा, मा नासरी दलगोडाम उनीमा डोक्‍पु मु़चु़ गुकु डार्तोकोम बु।

थु़र्मा 9:16

आमा नङकाम लागि मेरामका हाङको दु़खा इम्मु बासी, मे गो मेरामलाई रेम्‍बेट्‌पु।”

यूहन्‍ना 17:14

गो मेर्मिमलाई इनीमा सिजेम ग्‍वाक्‍तोमी, मा सु़म्‍दिसेरडाम मु़चु़मिमका मेर्मिमलाई मेद्‌वाक्‍मिवा, हेङालोने गो सु़म्‍दिसेरकाम मेएँ, मेप्‍माङा मेर्मिम वो सु़म्‍दिसेरकाम मेएँ।

लूका 21:17

गानी आमा सीसिपामिम दु़म्‍निमका खोत्‍ले मु़चु़मिमका गानीलाई मेद्‌वानी।

मत्ती 10:39

उहेमका उ त्वाकु साम जु़ल्‍मु माल्‍लु़, मेरामका त्‍वारो़म मेल्‍वासु़। उहेमका गु गोनुङ लाम्‍दिडामका उ साम फ्‍याक्‍सु़, मेरामका त्‍वारो़म ल्‍वासु़।

थु़र्मा 22:22

मेर्मिमका पावलकु ल्‍वा आकोतिङा थो़म्‍डी, मा आरेसाका येत्तो प्रोमु चो़म्‍मिडी, “ओराम मु़चु़लाई सेट्‌नी! हेङालोने ओराम मु़चु़ सुबुडा बुमुका घ्रेट्‌पा मिबु!”

यूहन्‍ना 9:34

मेर्मिमका मेराम मु़चु़लाई र्‍वाम्‍डी, “गाना ने गक्‍नालोङा छु़लका देम्‍पा बान्‍ना! हाम गुकुलाई सीमु माल्‍की?” मेम्‍मा मेर्मिमका गुलाई घ्रो़म्‍दीनेमलामका पाखा कोल्‍सोम्‍डी।

लूका 20:15

मेम्‍मिमका मेर्मिमका गुलाई अङ्‍गूर येलामका थु़त्तो पाखा ख्‍लुम्‍डिमा सेट्‌मिडी। ये-दकु मु़चु़का मेर्मिमलाई हे बु़मी?

मत्ती 10:18

आमा दुथाम गानीलाई साखामचो़ नुङ हपमिमकाडा लनी। मेम्‍मा मेर्मिम मु़चु़ नुङ वाङसामा मु़चु़मिमलाई आमा दुथाम सो़पा गानी दु़म्‍नी।

लूका 6:21

ओम्‍लो क्रु़मसिपा मु़चु़नी, गानी आलाकाम सो़, हेङालोने गानी इनी गोतिम्‍सिनी। ओम्‍लो ख्रापा मु़चु़नी, गानी आलाकाम सो़, हेङालोने गानी रिमु ल्‍वानी।

याकूब 1:12

उ न-छाम्‍सिमिम थारीका इम्‍साका बाट्‌पा मु़चु़ङा जिनुङमा दु़म सो़। हेङालोने उ न-छाम्‍सिमु थारी हेप्‍डु़मिम चङडा माम्‍चु़नीका रिखाम बेपामिमलाई गुमीका ङादो ग्‍वानिनी र्‍वाम्‍डिम मुकुट मेरामका ल्‍वासु़, मेराम मुकुट र्‍वाक्‍मा हेल्‍लो वो मेसिपा त्‍वारो़म सो़।