लूका 6:21 - थुलुङ राई

²¹ ओम्‍लो क्रु़मसिपा मु़चु़नी, गानी आलाकाम सो़, हेङालोने गानी इनी गोतिम्‍सिनी। ओम्‍लो ख्रापा मु़चु़नी, गानी आलाकाम सो़, हेङालोने गानी रिमु ल्‍वानी।

लूका 6:21 Referans Kwoze

यूहन्‍ना 6:35

येशूका मेर्मिमनुङ र्‍वाम्‍डी, “मेसिपा त्‍वारो़म ग्‍वाक्‍पा सो़बेम गोङा सो़। उहेम मु़चु़ आमाडा रो मेराम मु़चु़ हेल्‍लो वो क्रु़म मेसि, मा गोडला थो़रलु़पा मु़चु़ हेल्‍लो वो कोरा मेसि।

मत्ती 5:6

माम्‍चु़नीकु जो़पा खारीकाम लागि क्रु़म-कोरा सिपामिम जिनुङमा सो़, हेङालोने माम्‍चु़नीका मेर्मिमकु गो तिम्‍सिबेट्‌मी।

याकूब 1:12

उ न-छाम्‍सिमिम थारीका इम्‍साका बाट्‌पा मु़चु़ङा जिनुङमा दु़म सो़। हेङालोने उ न-छाम्‍सिमु थारी हेप्‍डु़मिम चङडा माम्‍चु़नीका रिखाम बेपामिमलाई गुमीका ङादो ग्‍वानिनी र्‍वाम्‍डिम मुकुट मेरामका ल्‍वासु़, मेराम मुकुट र्‍वाक्‍मा हेल्‍लो वो मेसिपा त्‍वारो़म सो़।

लूका 1:53

गुमीका क्रु़मसिपामिमलाई जो़पा-भ्रपा पोमु-डुमु खोहोम ग्‍वाम्‍डिम बु, मा खाप्‍चीचो़मिमलाई होप्‍तोङा थु़र्मीडिम बु।

मत्ती 5:4

न-गोडा ख्रापामिम जिनुङमा सो़, हेङालोने माम्‍चु़नीका मेर्मिमकु न-भ्रसिबेन्मी।

रेम्‍बेट्‌मिडिम ल्‍वा 7:16

मेर्मिम आथा ने हाम्‍सी वो क्रु़म मेसिमी, कोरा मेसिमी। नेम्‍सुङका मेर्मिमलाई मेचायु़मी मा मेख्‍याकु़मी।

लूका 6:25

ओम्‍लो गानी खोहोम पोमु ल्‍वापामिमलाई हाउरेमा! हेङालोने गानी दिफु क्रु़मसिपा दु़म्‍नी। ओम्‍लो रिपामिम ने हाउरेमा! दिफु गानी इनी नडा मेभ्रन्‍सिनिमा ख्राम्‍नी।

१ कोरिन्थी 4:11

ओम्‍लो वो गुकु क्रु़म-कोरा सिपा बुकु, आकी ये-सेम मिबु। गुकु याल्‍ला सो़सिन्‍कु, नेम-किम मान्‍थिम बुकु।

यूहन्‍ना 4:10

येशूका मेराम मेसेमलाई र्‍वाम्‍डी, “गाना माम्‍चु़नीकु राप्‍लावा नुङ गानानुङ कु डुमु बिपा मु़चु़ सु़ र्‍वाक्‍साका छेनावाम माला ने गाना गुनुङ बिनावा। मेम्‍मा गुका गानालाई त्‍वारो़म ग्‍वाक्‍पा कु ग्‍वाक्‍नावा।”

रेम्‍बेट्‌मिडिम ल्‍वा 21:3

मेम्‍मा साखाम थो़पा गन्‍खोपलामका आरे र्‍वाक्‍पा डोक्‍पु लो़लाम गो थो़उतो, “रेप्‍नी, माम्‍चु़नीकु बाखोप मु़चु़मिमनुङ बु, मा गुमी मेर्मिमनुङ बुमी। मेर्मिम उनीमा मु़चु़मिम दु़म्‍मी मा माम्‍चु़नी उनी त्‍वापङा मेर्मिमकु माम्‍चु़नी दु़म्‍साका मेर्मिमनुङ दु़म्‍मी।

२ कोरिन्‍थी 12:10

मेम्‍मिमका मेचाप्‍सीमिमडा, डसिसिमिमडा, दु़खामिमडा, थो़मतेर्सीमिमडा, इम्‍मु मेझापा ल्‍वामिमडा ख्रीष्‍टकाम लागि गो गेर्सी द्‌वाङु। हेङालोने मेचापा दु़म्‍ङुलो गो सो नुङमा दु़म्‍ङु।

२ कोरिन्‍थी 11:27

गो छो़म मेझापा नुङ घ्रु़म्‍पा खारी बेउतो मा हापा खेप मेअम्‍ङुवा। गो क्रु़म कोडा सिङडो मा हापा खेपङा पोमुडुमु मान्‍थिम दु़म्‍ङोडो। ये-सेम मान्‍थिम दु़म्‍ङोडो मा जुका क्रो़न्‍ङिडी।

२ कोरिन्‍थी 6:10

न-गोडा दु़खा बु लोवो हेल्‍लो लोवो भ्रसिक्‍पा बुकु। गुकु हाम वो मेबाट्‌पा लोवो हापा मु़चु़लाई खाप्‍चीचो़ दु़म्‍बेट्‌पा बुकु। हाम वो मेबाट्‌पा लोवो खोत्‍लेम थोक बाट्‌पा बुकु।

यूहन्‍ना 11:35

येशू ख्राप्‍मिडी।

लूका 6:20

मेकोतिमा गुमीका उनी सीसिपामिमथो़ रेप्‍तो र्‍वाम्‍डी: “इनी हाम वो मेबाट्‌पा मु़चु़नी गानी आलाकाम सो़, हेङालोने माम्‍चु़नीकु किब्‍दी इनीमा ङा सो़।

लूका 6:22

मिनीचो़डला थो़र लु़न्‍निमका मु़चु़मिमका मेद्‌वानिमी, सामालामका ख्‍लुनिमी, मा रिन्‍सानिमी, मेम्‍मा मेजो़पा मिम्‍मिमा गानीलाई डक्‍साका जेमी माला गानी आलाकाम सो़।