लूका 6:19 - थुलुङ राई

¹⁹ मे सेर्पा मु़चु़मिमका येशूलाई लु़म्‍मु माल्‍मिडी, हेङालोने खोत्‍लेलाई सबेट्‌पा यु़म गुमीलामका लुक्‍तोङा लेड्‌डु़।

लूका 6:19 Referans Kwoze

मत्ती 14:36

मेर्मिमका उनी हुम-येकु जु़जु़कोङङा लोवो लु़म्‍मु ग्‍वाक्‍की र्‍वाम्‍डिम-र्‍वाम्‍डिमङा बेम्‍डी। मेम्‍मा सु़-सु़का लु़प्‍मिडी, मेर्मिम खोत्‍ले सम्‍डी।

मर्कूस 3:10

हेङालोने येशूका छो़म सेर्पामिमलाई सबेट्‌मिडिमका खोत्‍ले नो़पामिमका गुमीलाई लु़म्‍मु र्‍वाक्‍साका क्‍र्‍वाम्‍सिम्‍डिम बाम्‍डी।

मर्कूस 6:56

मेम्‍मा गुमी शहर, देलगुथाबाडे बा-बान्‍थो़ लम्‍डी, मु़चु़मिमका नो़पामिम मेनो-मेनो ङा, बजारबाडे वो जु़ल्‍मिडी। मेकोतिमा किचो़ उनी हुम-ये कोङङा लावो लु़म्‍मु ल्‍वाकुनु़ र्‍वाक्‍तो मेर्मिमका गुमीनुङ र्‍वाम्‍डिम-र्‍वाम्‍डिमङा बेम्‍डिम बाम्‍डी, मा मे उनीमा हुम-ये लु़पामिम खोत्‍लेङा सम्‍डी।

मर्कूस 5:30

मेकोतिलोङा येशूका उनीमा यु़म गुमीलामका लुक्‍पा लु़लेट्‌मिडिमका मे सेर्पा मु़चु़मिमथो़ ख्‍लोम्‍सीम्‍डिमा र्‍वाम्‍डी, “गोलाई सु़का लु़प्‍ङिडी?”

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

मर्कूस 8:22

मेकोतिमा येशूनुङ उनी सीसिपामिम बेथसेदा देलडा रोम्‍फाम्‍डी। मु़चु़मिमका मेसिन्‍डा मिक्‍सीका मेल्‍वापा कोले मु़चु़ उनीमाडा रेट्‌मिडी, मा मेरामलाई लु़प्‍नी र्‍वाम्‍डिम-र्‍वाम्‍डिमङा बेम्‍डी।

थु़र्मा 19:12

कोङ-कोङका ने पावलका लु़प्‍डु़म रुमाल नुङ थ्‍वाक्‍पुरी ङा वो लम्‍डिमा नो़पामिमडला जु़ल्‍मिडिलो मेर्मिम सम्‍थाल्‍मिडी, मा मुनाङपेलमिम वो मेर्मिमलाम लुम्‍डिमा लम्‍डी।

लूका 5:17

कोलेम येशूका मु़चु़मिमलाई सीत्तोङा लेट्‌मिडिम बाइडा। गालील नुङ यहूदियाडाम खोत्‍ले देलडाम मा यरूशलेमलामका रोक्‍पा फरिसीमिम नुङ यहूदीकु डु़म्‍ला सीपा पातु़म्‍रीमिम मेसिन्‍डा रोम्‍डिमा गन्‍तासिट्‌मिडिम बाइडा। मेकोतिलो नो़पामिम सबेट्‌पा यु़म माम्‍चु़नीका येशूलाई ग्‍वाम्‍डिम बाइडा।

लूका 6:18

मेर्मिम येशूकु सिजेम थो़प्‍डा नुङ सोमोरीलाम समु लागि मेसिन्‍डा रोम्‍डिम बाइडा। मुनाङपेलका दु़खा ग्‍वाक्‍पा मु़चु़मिमलाम मुनाङपेल लुम्‍डिमा लम्‍डी।