लूका 6:18 - थुलुङ राई

¹⁸ मेर्मिम येशूकु सिजेम थो़प्‍डा नुङ सोमोरीलाम समु लागि मेसिन्‍डा रोम्‍डिम बाइडा। मुनाङपेलका दु़खा ग्‍वाक्‍पा मु़चु़मिमलाम मुनाङपेल लुम्‍डिमा लम्‍डी।

लूका 6:18 Referans Kwoze

थु़र्मा 5:16

यरूशलेमकु होनोलाम-आथो़लामबाडेम शहरलामका वो हापा मु़चु़मिमका नो़पामिम नुङ मुनाङपेलका दु़खा ग्‍वाक्‍पामिम मेसिन्‍डा रेन्‍थाल्‍मिडी, मा मेर्मिम खोत्‍लेङा सम्‍थाल्‍मिडी।

मत्ती 17:15

“ङाचो़, आमा तारापाचो़डला न-थो़म रेम्‍बेनी, हेङालोने मेरामलाई धामुलामका बेड्‌डु़म बु, मा छो़म दु़खा ल्‍वास्‍तु़म बु। याङलो गु मुगोडा हु, याङलो कुगोडा हु।

मत्ती 15:22

मेराम क्षेत्रडाम कोले कनानी वाङसामा मेसेम येशूकाडा रोक्‍तामा येत्तो आरे र्‍वाक्‍ताम-र्‍वाक्‍तामङा बु़डु़, “ङाचो़, दाऊदकु तारापाचो़, गोडला न-थो़म रेम्‍बेनी, आमा जाउमोचो़ मुनाङका हुप्‍डु़मा छो़म दु़खा ग्‍वाक्‍तु़म बु।”

लूका 6:17

येशू उनी थु़र्मामिमनुङ पोप्‍चङडलामका धाली धेब्‍दे बाययु़ योम्‍डी। मेसिन्‍डा बाङमिम सेर्पा उनी सीसिपामिम नुङ खोत्‍ले यहूदिया नुङ यरूशलेम शहरलामका, मा दिरिदिनकु सो़पडाम टुरोस नुङ सीदोन शहरलामका रोक्‍पा सेर्पा मु़चु़मिम बाम्‍डी।

लूका 6:19

मे सेर्पा मु़चु़मिमका येशूलाई लु़म्‍मु माल्‍मिडी, हेङालोने खोत्‍लेलाई सबेट्‌पा यु़म गुमीलामका लुक्‍तोङा लेड्‌डु़।