लूका 6:14 - थुलुङ राई

¹⁴ सिमोन, येशूका मेरामकु नङ पत्रुस बाबेट्‌मिडी, सिमोनकु ल्‍वाक अन्‍द्रियास, याकूब, यूहन्‍ना, फिलिप नुङ बारथोलोमाइ,

लूका 6:14 Referans Kwoze

थु़र्मा 1:13

मेकोतिमा मेर्मिम शहरगोनो हुम्‍डिमा मेर्मिम बाथाल्‍पा नेमडलाम बाखोपडला हुम्‍डी। मेर्मिम पत्रुस, यूहन्‍ना, याकूब, अन्‍द्रियास, फिलिप नुङ थोमा, बारथोलोमाइ नुङ मत्ती, अल्‍फयसकु तारापाचो़ याकूब, सिमोन कनानी नुङ याकूबकु तारापाचो़ यहूदा मेसिन्‍डा बाम्‍थाल्‍मिडी।

मत्ती 4:21

येशू मेलामका लक्‍तोङा बेम्‍डिलो जब्‍दियाकु तारापाचो़चिप याकूब नुङ यूहन्‍नालाई ल्‍वाम्‍डी। मेर्चिपका उची पाप जब्‍दियानुङ कुबी-बोक्‍साडला गन्‍तासिसाका उची पालुङ फिर्तोङा बेच्‍ची। येशूका मेर्चिपलाई येट्‌मिडिची,

मत्ती 4:18

गालील दिरिदिनकु फारभाल येशू लाम्‍दित्तोङा लेट्‌मिडिम बाइडा। मेम्‍लो गुमीका पत्रुस र्‍वाक्‍मा सिमोन नुङ उ ल्‍वाक अन्‍द्रियासलाई गालील दिरिदिनगोयु़ पालुङ ओप्‍तोङा लेट्‌पा ल्‍वाम्‍डिची। हेङालोने मेर्चिप ङो सेट्‌पा मु़चु़ बाच्‍ची।

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।

थु़र्मा 12:2

गुका यूहन्‍नाकु वा याकूबलाई कातु़रु़का सेन्‍बेड्‌डु़।

यूहन्‍ना 14:8

फिलिपका र्‍वाक्‍ता, “ङाचो़, गुकुलाई पाप रेम्‍बेट्‌किनी। मेकोति माला नु़।”

यूहन्‍ना 6:8

उनी सीसिपामिमगोडाम कोले सिमोन पत्रुसकु ल्‍वाक अन्‍द्रियासका र्‍वाक्‍ता,

यूहन्‍ना 6:5

येशूका खोत्‍लेथो़ रेप्‍मिडिलो छो़म सेर्पा मु़चु़ गुमीथो़ बिक्‍तोङा बेपा ल्‍वाम्‍डी। मेम्‍मा फिलिपलाई र्‍वाम्‍डी, “ओर्मिमकाम लागि पोमु सो़बेम बालामका गुइ भ्रेइमिम?”

यूहन्‍ना 1:45

फिलिपका नथानेललाई डार्डु़मा र्‍वाक्‍ता, “मोशाकु डु़म्‍लाडा नुङ माम्‍चु़नीलाम-जेपामिमका कोले मु़चु़कु दुथाम र्‍वाम्‍डिम मेराम मु़चु़लाई गुकु डार्तोको। गुमी नासरतडाम योसेफकु तारापाचो़ येशू।”

लूका 5:10

मेम्‍साका ङा जब्‍दियाकु तारापाचो़ याकूब नुङ यूहन्‍ना वो ङाङाया दु़म्‍ची। मेर्चिप सिमोन पत्रुसनुङ कोयोङा ङो सेट्‌पा मु़चु़चिप बाच्‍ची। येशूका सिमोनलाई र्‍वाम्‍डी, “मेङिसा, आथाडा आनो गाना ङो मेएँ मु़चु़मिमलाई आमाडा रेट्‌पा दु़म्‍ना।”

लूका 5:8

ओराम ल्‍वास्‍तु़मा सिमोन पत्रुसका येशूकु खेल चु़म्‍डु़मा र्‍वाक्‍ता, “ए ङाचो़, गो ने छु़लचो़ सो़। मेम्‍मिमका आमा फार्डा मेबानी।”

मर्कूस 14:33

मेकोतिमा गुमीका पत्रुस, याकूब नुङ यूहन्‍नामिमलाई गुमीनुङ लम्‍डी। मेकोतिलो येशू उनी गो मेभ्रसिट्‌पा नुङ न ख्‍याक्‍ल्‍याक्‍पा बाम्‍डी।

मर्कूस 9:2

मेरामकु रुलेम चङडा येशूका पत्रुस, याकूब नुङ यूहन्‍नालाई लम्‍डिमा कोङ येप्‍पा पोप्‍चङडला लम्‍डी। मेडला येशू नुङ सुले उनी सीसिपामिमडाम वाङमी सु़ वो मेबामिवा, मा मेर्मिमका रेप्‍मिडी होङङा येशूकु ङाली ख्‍लोसिड्‍डा।

मर्कूस 5:37

मेकोतिमा येशूका पत्रुस, याकूब नुङ उमा ल्‍वाक यूहन्‍नाडाम वाङमी सु़ वो गुमीनुङ लमु मेग्‍वाक्‍मिवा।

मर्कूस 1:29

येशू नुङ उनी सीसिपामिम मे घ्रो़म्‍दीनेमलामका लुम्‍डी मेडे सिमोन नुङ अन्‍द्रियासकु नेमडा लम्‍डी। मेकोतिलो याकूब नुङ यूहन्‍नाचिप वो गुमीनुङ ङा बाच्‍ची।

मर्कूस 1:19

किचो़ होनोक्‍थो़ रोम्‍थिम्‍डिलो येशूका जब्‍दियाकु चो़चिप याकूबनुङ यूहन्‍नाका कुबी-बोक्‍साडला उची पालुङ फिर्तोङा बेपा ल्‍वाम्‍डी।

मत्ती 10:3

फिलिप नुङ बारथोलोमाइ, थोमा नुङ कर फक्‍पा मत्ती, अल्‍फयसकु तारापाचो़ याकूब, थेदियस,

मत्ती 10:2

मे को-न (१२) थु़र्मामिम ओर्मिमङा सो़: पत्रुस र्‍वाक्‍मा सिमोन ङादो, मेरामकु तारापा ल्‍वाक अन्‍द्रियास, जब्‍दियाकु तारापाचो़ याकूब नुङ याकूबकु ल्‍वाक यूहन्‍ना,

मर्कूस 3:16

गुमीका थुट्‌मिडिम को-न थु़र्मामिम ओर्मिमङा: सिमोन, मेरामकु नङ गुमीका पत्रुस जु़ल्‍मिडी,

लूका 6:13

नेम सोङ्‌डाम चङडा गुमीका उनी सीसिपामिमलाई उनीमाडा येट्‌मिडिमा मेर्मिमगोडाम को-न (१२) सीसिपामिमलाई छेट्‌मिडी, मा गुमीका मेर्मिमलाई थु़र्मा र्‍वाक्‍पा नङ बाबेट्‌मिडी। मेर्मिम:

लूका 6:15

मत्ती, थोमा, अल्‍फयसकु तारापाचो़ याकूब नुङ सिमोन, मेरामलाई रोमीमिमकु कोर्थो़लाम बक्‍पा दलगोडाम र्‍वाम्‍थाल्‍मिडी।