लूका 6:12 - थुलुङ राई

¹² मेमबिलि येशू सो़म्‍दी बेप्‍डा पोप्‍चङथो़ लम्‍डी, मा नेमसोसोसम्‍म माम्‍चु़नीडा सो़म्‍दी बेम्‍डी।

लूका 6:12 Referans Kwoze

हिब्रू 5:7

येशू सु़म्‍दिडा बाम्‍डिलो ख्राप्‍तो येत्तो प्‍ल आल्‍साका त्‍वाप सिमुलाम सेल्‍मु चापा माम्‍चु़नी नुङ छो़म र्‍वाम्‍डी मा सो़म्‍दी बेम्‍डी। मेम्‍मा माम्‍चु़नीका उनीमा सो़म्‍दी थो़म्‍डी, हेङालोने येशू याक्‍के दु़म्‍साका माम्‍चु़नीलाई डोक्‍पु मिम्‍मिडिम बाइडा।

मर्कूस 6:46

मे सेर्पा मु़चु़मिमनुङ ब्‍र्‍वाम्‍सिम्‍डिमा गुमी पोप्‍चङडला सो़म्‍दी बेप्‍डा लम्‍डी।

मर्कूस 1:35

येशू नेमसोसोका, सिन्‍थाङा बम्‍डिमा मेल्‍वाखोपडा लम्‍डिमा मेसिङा सो़म्‍दी बोमु चो़म्‍मिडी।

कलस्‍सी 4:2

चङचङया बासाका नुङ माम्‍चु़नीडला आला-तोमानुङमा दु़म्‍साका सो़म्‍दी बेनिमङा बानी।

मत्ती 6:6

लावो गानी सो़म्‍दी बोनिलो नेमकु गोनोम बाखोपनो हुनी। लाम्‍चोको चनिमा सु़का वो ल्‍वामु मेचाप्‍मिमिम माम्‍चु़नी इनी पापलाई सो़म्‍दीडा देप्‍नी। मेम्‍मा मेल्‍वाहोमका बोनिमिम खारी ल्‍वापा माम्‍चु़नी इनी पापका गानीलाई पुरस्‍कार ग्‍वानी।

मत्ती 5:1

कोलाम सेर्पा मु़चु़ खोम्‍सिक्‍पा येशूका ल्‍वाम्‍डिमा पोप्‍चङडला लक्‍साका गन्‍मिडी। मेसिन्‍डा उनी सीसिपामिम वो रोम्‍डी।

मर्कूस 3:13

मेसिन्‍डाममा येशू पोप्‍चङडला लम्‍डी, मा गुमीका न बेम्‍डिम मु़चु़मिमलाई येट्‌मिडी, मा मेर्मिम वो उनीमाडा रोम्‍डी।

लूका 5:16

लावो गुमी ने सु़का वो मेल्‍वाखोपडा लम्‍डिमा सो़म्‍दी बेम्‍थाल्‍मिडी।

लूका 6:11

ओराम ल्‍वाम्‍डिमा यहूदीकु डु़म्‍ला सीपा पातु़म्‍रीमिम नुङ फरिसीमिमकाम छो़म उनी छोक्‍चो बक्‍ता, मा येशूलाई हे बिइ र्‍वाक्‍साका उनी त्‍वाप-त्‍वापडा र्‍वाबोमु चो़म्‍मिडी।

लूका 6:17

येशू उनी थु़र्मामिमनुङ पोप्‍चङडलामका धाली धेब्‍दे बाययु़ योम्‍डी। मेसिन्‍डा बाङमिम सेर्पा उनी सीसिपामिम नुङ खोत्‍ले यहूदिया नुङ यरूशलेम शहरलामका, मा दिरिदिनकु सो़पडाम टुरोस नुङ सीदोन शहरलामका रोक्‍पा सेर्पा मु़चु़मिम बाम्‍डी।

लूका 9:18

कोलेम येशू उनी त्‍वापङा सो़म्‍दी बेत्तोङा लेट्‌मिडी। गुमीनुङ उनी सीसिपामिम कोङङा बाम्‍डी, मा गुमीका मेर्मिमनुङ हिलाबेम्‍डी, “मु़चु़मिमका गोलाई सु़ र्‍वामी?”

लूका 9:28

येशूका आरे र्‍वाम्‍डिम र्‍वाप्‍डा लेतलेम (८) नेम को-को चङडा पत्रुस, यूहन्‍ना मा याकूबलाई उनी त्‍वापनुङ कोयोङा सो़म्‍दी बेप्‍डा पोप्‍चङडला लम्‍डी।

लूका 9:29

येशूका सो़म्‍दी बेम्‍डिम बाम्‍डिलो उनी ङाली ख्‍लोस्‍तामा उनीमा ये ब्‍ल्‍याक्‍ची ओप्‍डु़म होप्‍माम बुबुया दु़स्‍ता।

यूहन्‍ना 6:3

मेम्‍मा येशू पोप्‍चङडला लम्‍डी, मा उनी सीसिपामिमनुङ मेसिन्‍डा गन्‍मिडी।