लूका 6:11 - थुलुङ राई

¹¹ ओराम ल्‍वाम्‍डिमा यहूदीकु डु़म्‍ला सीपा पातु़म्‍रीमिम नुङ फरिसीमिमकाम छो़म उनी छोक्‍चो बक्‍ता, मा येशूलाई हे बिइ र्‍वाक्‍साका उनी त्‍वाप-त्‍वापडा र्‍वाबोमु चो़म्‍मिडी।

लूका 6:11 Referans Kwoze

थु़र्मा 5:33

मेर्मिमका ओराम थो़म्‍डिमा छो़म उनी छोक्‍चो बक्‍ता, मा थु़र्मामिमलाई सेन्‍मु न बेम्‍डी।

थु़र्मा 26:11

मेकोतिमा खोत्‍ले घ्रो़म्‍दीनेमडा मेर्मिमलाई याल्‍तो ख्रीष्‍टलाई डक्‍साका जेबेत्तोमी। मेर्मिमडाम आमा छो़म छोक्‍चो बक्‍तामका मिक्‍सीका ङा मेल्‍वाउमिवा, मा वाङमिम नेब्‍दीकु शहर-शहरबाडे वो लङडोमा मेर्मिमकु छो़म उनीमा थो़मतेर्साक्‍तोमी।

थु़र्मा 7:54

मेर्मिमका ओराम ल्‍वा थो़म्‍डी, मा छो़म उनी छोक्‍चो बक्‍ता, मा छोक्‍चोका उनी लि ख्रेन्‍मु चो़म्‍मिडी।

थु़र्मा 4:19

लावो पत्रुस नुङ यूहन्‍नाका मेर्मिमनुङ र्‍वाक्‍ची, “माम्‍चु़नीका र्‍वामिमिम थो़मु डिसाका गानी र्‍वानिमिम थो़मु माम्‍चु़नीकु मिक्‍सीलामडा हाङकोम जो़पा दु़म गानी इनी त्‍वाका ङा मिम्‍नी।

थु़र्मा 4:15

मेम्‍मिमका पत्रुस नुङ यूहन्‍ना मे डोक्‍पु घ्रो़म्‍दीलामका पाखाथो़ थु़र्बेट्‌मिडी, मा मेर्मिमका आरे र्‍वाक्‍पा मुलु़ बोमु चो़म्‍मिडी,

यूहन्‍ना 11:47

मेकोतिमा ङाउ डु़म्‍लाचो़मिम नुङ फरिसीमिमका डोक्‍पु-घ्रो़म्‍दीडाम मु़चु़मिमलाई येट्‌मिडिमा र्‍वाम्‍डी, “गुइ हाम बिइमिम? हेङालोने ओराम मु़चु़का हेल्‍लो वो मेल्‍वाम्‍मा यु़मखारीमिम हापा रेम्‍बेत्तोङा लेडु़।

यूहन्‍ना 7:1

ओराम चङडा, येशू गालील क्षेत्रबाडे खोत्‍लेथो़ खिर्सिम्‍डी। गुमीका यहूदिया क्षेत्रडाम वाङथो़ङा बाट्‌पा न बेम्‍डी। हेङालोने मेसिन्‍डा यहूदीमिमका गुमीलाई सेन्‍मु माल्‍तोङा लेट्‌मिडी।

लूका 4:28

ओराम ल्‍वा थो़म्‍डिमा घ्रो़म्‍दीनेमगोनो बाट्‌पा मु़चु़मिमकाम छो़म उनी छोक्‍चो बक्‍ता।

मत्ती 21:45

ङाउ डु़म्‍लाचो़मिम नुङ फरिसीमिमका येशूकु सीसि-सो़म्‍दी थो़म्‍डी, मा आकीमा दुथामङा गुमीका ओराम सो़म्‍डिम र्‍वाक्‍पा मेर्मिमका चम्‍डी।

मत्ती 16:7

मेर्मिमका उनी त्‍वाप-त्‍वापडा आरे र्‍वाबोमु चो़म्‍मिडी, “गुइ सो़बेम मेकुरिवामका गुमीका आरे र्‍वामिमिम रो ओ।”

लूका 6:10

गुमीका खोत्‍लेथो़ रेप्‍तो मेराम मु़चु़लाई र्‍वाम्‍डी, “इमा ल्‍वा हम्‍डा!” गुका उ ल्‍वा हम्‍डु़, मा मेरामकु ल्‍वा ङादोम होप्‍मामङा नु़ल्याड्‍डा।

लूका 6:12

मेमबिलि येशू सो़म्‍दी बेप्‍डा पोप्‍चङथो़ लम्‍डी, मा नेमसोसोसम्‍म माम्‍चु़नीडा सो़म्‍दी बेम्‍डी।

२ तिमोथी 3:9

लावो ओर्मिमका हेल्‍लो लोवो आरे बोमुम बुमु मेचाम्‍मी। हेङालोने यान्‍नेस नुङ याम्‍ब्रेसकाम होप्‍मामङा मेर्मिमका नेप्‍ची मान्‍थि बोमिमिम खारी खोत्‍लेका ल्‍वामी।