6 मेकोतिमा मेर्मिमका पालुङ ओप्मिडी मा छो़म ङो सेट्मिडी, मा मेर्मिमकु पालुङ र्वाप्डा आ़स्ता।
मेम्मिमका आमा द्वादीबुङ वा-ल्वाकनी, थो़रलु़इमिम दु़म्निम बानी मा यु़मनुङमा दु़म्नी। हेल्लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्दु़ल्वा बोनिमिम हाम ना हाम मेदु़म र्वाक्पा गानी चनी।
जो़पा खारी बोमुडा हेल्लो वो मेघ्रु़म्सी। हेङालोने गुइ जो़पा खारी बिइहोम बुइ माला रोक्पा थारीका माम्चु़नीका जि ग्वाक्सामी।
लावो मेर्चिपकु सिजेम थो़पामिमगोडा हापाका ङा थो़र लु़म्डी, मा मे थो़रलु़पा मु़चु़मिम ङो धु़मसङ (५,०००) कोति दु़म्मिडी।
उहेम-उहेमका पत्रुसकु सिजेम उनी नडा रम्डी, मेर्मिमका कु-रु़दु़म रम्डी, मा मेनेम सु धु़मसङ (३,०००) कोति मु़चु़मिम मेर्मिमनुङ काम्सिम्डी।
मेर्मिमका कोङमी कुबी-बोक्साडा बाट्पा उनी ङोप्सो़मिमलाई वो उनी ल्वाका येट्मिडिमा ख्लो़ला सो़सिम्डी, मा मेर्मिम बिम्डिमा ङो थाट्मिडिलो नले ङा कुबी-बोक्सा ङोका देम्स्तामका र्वाप्डा कुगोयु़ हुङडा।