लूका 5:5 - थुलुङ राई

⁵ लावो सिमोनका र्‍वाक्‍ता, “ङाचो़, गुकु नेमसोसोसम्‍म छो़म छो़त्तोकोमा पालुङ ओप्‍तोको लोवो कोले वो ङो सेन्‍मु मेचाप्‍कुवा। मेम ङा लोवो गानी र्‍वानिमिम होम्‍साका गो पालुङ ओपु।”

लूका 5:5 Referans Kwoze

यूहन्‍ना 2:5

उनी मामका ख्‍लो़पा मु़चु़मिमलाई र्‍वाक्‍ता, “गुमीका गानीलाई र्‍वामिमिम होङङा बेनी।”

यूहन्‍ना 15:14

गो गानीलाई हाम र्‍वाङ्‌डोम बु, मेराम होङ्‍ङा बोनी माला गानी आमा ङोप्‍सो़मिम।

यूहन्‍ना 21:3

सिमोन पत्रुसका मेर्मिमनुङ र्‍वाक्‍ता, “गो ने ङो सेड्‌डा लक्‍तोङा बेउ।” मेर्मिमका र्‍वाम्‍डी, “गुकु वो गानानुङङा लकु।” मेर्मिम लम्‍डिमा कुबी-बोक्‍साडला हुम्‍डी, लावो मेराम सिन्‍था मेर्मिमका कोले वो ङो मेचु़म्‍मिवा।

लूका 8:24

मेकोतिमा मेर्मिम येशूकु फार्डा लम्‍डिमा आरे र्‍वाक्‍तो गुमीलाई फक्‍मिडी, “ङाचो़, ङाचो़, गुकु ने कुगोयु़ प्‍लु़म्‍सिमु खाम्‍कु।” येशू बम्‍डिमा मे ब्‍लोजु़ नुङ मेर्मिमलाई र्‍वाप्‍डा हुपा कुकु बाबारिमलाई हेप्‍मिडी। ब्‍लोजु़ फोन्‍मु डिड्‌डु़मा पपया दु़स्‍ता।

लूका 17:13

मेर्मिमका डोक्‍पु लो़लामका र्‍वाम्‍डी, “ए येशू ङाचो़, गुकुडला न-थो़म रेम्‍बेनी।”

लूका 9:33

मेकोतिमा मे नले मु़चु़चिप गुमीनुङ ब्‍र्‍वासिक्‍चिमा लमु खाप्‍चिलो पत्रुसका येशूनुङ र्‍वाक्‍ता, “ङाचो़, गुकु आसिन्‍डा बुमु छो़म जो़पा दु़म। गुकु सुले बाखोप बनेबोकु, कोले इनीमा लागि, कोले मोशाकाम लागि, मा कोले एलियाकाम लागि।” लावो गुका र्‍वाक्‍ताम ल्‍वा उ त्‍वाका ङा मेचवा।

लूका 9:49

मेकोतिमा यूहन्‍नाका र्‍वाक्‍ता, “ङाचो़, कोले मु़चु़का इनीमा नङडा मुनाङपेलमिम कोल्‍तोङा लेड्‌डु़म गुकु डार्तोको। लावो गुकु मेराम मु़चु़लाई मेम बोमु मेग्‍वाक्‍कुवा। हेङालोने मेराम मु़चु़ गुइनुङ लाम्‍दिपामिमगोडाम मेएँ।”

लूका 8:45

येशूका हिलाबेम्‍डी, “गोलाई सु़का लु़प्‍ङिडी?” खोत्‍ले मु़चु़मिमका गुकु ने मेएँ र्‍वाम्‍डी, मा पत्रुसका र्‍वाक्‍ता, “ङाचो़, गानीलाई ने सेर्पा मु़चु़मिमका उत्तोङा लेनी।”