लूका 5:33 - थुलुङ राई

³³ कोलेम मेर्मिमका येशूलाई र्‍वाम्‍डी, “कु-रु़दु़म ग्‍वाक्‍पा यूहन्‍नाकु सीसिपामिमका हेल्‍लो लोवो सो़म्‍दी बोमी, मा उपास बुमी। फरिसीमिमकु सीसिपामिमका वो मेमङा बोमी। लावो इनीमा सीसिपामिमका ने हेङा पोमी डुमी कोङङा।”

लूका 5:33 Referans Kwoze

लूका 20:47

मेर्मिमका अर्दोमेकु खाप्‍ची लु-फेले बोमिमा पोम्‍सामी, माम्‍चु़नीकु लाम्‍दीडा लाम्दिपा लिम्‍सिमु लागि छो़म दु़पा सो़म्‍दी बोमी। माम्‍चु़नीका मेर्मिमलाई छो़म इम्‍मु मेझापा देन्‍दे ग्‍वामी।”

लूका 18:12

गो हप्‍ताका नक खेप उपास बुङु। गो रउमिम खउलुङ खोत्‍लेकाम दशांश वो ग्‍वानिनी।’

थु़र्मा 9:11

ङाचो़का हननियानुङ र्‍वाम्‍डी, “बका, मा ‘सीधा’ र्‍वाक्‍मा लाम्‍दीथो़ लक्‍सा। मेसिन्‍डा यहूदाकु नेमडा टार्सस शहरलाम रोक्‍पा शाऊललाई माला। मेसिन्‍डा गुका सो़म्‍दी बु़होम बु।

यूहन्‍ना 3:25

मेकोतिलोङा सेपा दु़म्‍मु सो़ल्‍सिक्‍पा डु़म्‍लाकु दुथाम यूहन्‍नाकु सीसिपामिम नुङ कोङनिम यहूदीमिम खाल्‍बेम्‍डी।

यूहन्‍ना 1:35

उ दिकाम यूहन्‍ना नले सीसिपाचिपनुङ आथावो मेराम खोमडाङा येम्‍तासिड्‌डाम बाइडा।

लूका 11:1

कोलेम येशूका कोले खोमडा सो़म्‍दी बेत्तोङा लेट्‌मिडी। गुमीका सो़म्‍दी बोमु दु़म्‍मिडी, मा उनी सीसिपामिमगोडाम कोलेका गुमीनुङ र्‍वाक्‍ता, “ङाचो़, यूहन्‍नाका उ सीसिपामिमलाई सीड्‌डु़मिम होम्‍साकाङा गुकुलाई वो सो़म्‍दी बोमु सीकिनी।”

मर्कूस 12:40

मेर्मिमका उमा वोचु़ अर्दोमेकु नेम पोम्‍सामी, मा वो धु़पा-धु़पा सो़म्‍दी बेपा लिम्‍सिमी। आरेप्‍माम मु़चु़मिमका ङा छो़म मेजो़पा देन्‍दे ल्‍वामी।”

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

लूका 2:37

मा अर्दोमे दु़स्‍तामा लेत-ब्‍ल (८४) थ रोक्‍थिड्‌डाम बाइडा। गुका हेल्‍लो वो सो़रनेम मेडिथालु़वा, मा उपास बासाका नुङ सो़म्‍दी बेसाका नेम्‍फु सिन्‍था माम्‍चु़नीकु सो़रलोले बु़थाल्‍लु़।

लूका 5:32

माम्‍चु़नीकु न-गो होप्‍माम लिसिक्‍पा मु़चु़लाई गो येड्‌डा योङडोम मेएँ, लावो माम्‍चु़नीकु न-गो होप्‍माम मेबाट्‌पा छु़लचो़मिमकु न ख्‍लोसिनु़ र्‍वाक्‍साका योङडोम सो़।”

लूका 5:34

येशूका मेर्मिमलाई आरे र्‍वाम्‍डी, “लालीकुन्‍दाकाम थारीका लारेपा मेर्मिमनुङ बुमिमसम्‍म हाम जन्‍तीमिमलाई उपास बुबेन्‍मु चाम्‍नी?