लूका 5:32 - थुलुङ राई

³² माम्‍चु़नीकु न-गो होप्‍माम लिसिक्‍पा मु़चु़लाई गो येड्‌डा योङडोम मेएँ, लावो माम्‍चु़नीकु न-गो होप्‍माम मेबाट्‌पा छु़लचो़मिमकु न ख्‍लोसिनु़ र्‍वाक्‍साका योङडोम सो़।”

लूका 5:32 Referans Kwoze

लूका 19:10

हेङालोने दाम्‍पा मु़चु़मिमलाई माल्‍मु नुङ सेल्‍मु लागि मिनीचो़ योक्‍ताम सो़।”

लूका 15:10

गो गानीलाई र्‍वाङु, आरेसाका उ त्‍वाकु छु़ल न-गोलामका मिम्‍सिक्‍साका माम्‍चु़नीडा ख्‍लोसिक्‍पा कोले छु़लचो़काम लागि पाह्रीला माम्‍चु़नी नुङ पाह्रीचो़मिम गेर्सिद्‌वामी।”

लूका 15:7

गो गानीलाई र्‍वाङु, मेम्‍साकाङा उनी छु़ल न-गोलामका मिम्‍सिमुमा माम्‍चु़नीडा ख्‍लोम्‍सिमु मेबासिक्‍पा माम्‍चु़नीकु मिक्‍सीलामडा जो़पा मिम्‍सिक्‍पा गु-गुले (९९) मु़चु़मिमडाम वो उ त्‍वाकु छु़ल न-गोलामका मिम्‍सिक्‍साका माम्‍चु़नीडा ख्‍लोसिक्‍पा कोले छु़लचो़काम लागि पाह्रीला खोत्‍ले छो़म गेर्सिट्‌मी।

थु़र्मा 3:19

मेम्‍मिमका इनीमा छु़ल न-गोलामका मिम्‍सिट्‌निमा ख्‍लोन्‍सिट्‌नी, मा इनीमा छु़ल हेम्‍सिनु़। मेकोतिमा इनीमा गेर्सिमु थारी माम्‍चु़नीलाम रोनु़,

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

थु़र्मा 17:30

ङादोम थारीबिलि गुइ माम्‍चु़नीलाई मेचक्‍साका मेथेसाका बिइडिम ल्‍वाडा माम्‍चु़नीका न मेसोक्‍मिवा। लावो गुमीका आथा ने खोत्‍लेथो़ बाट्‌पा खोत्‍ले मु़चु़मिमलाई उनी छु़लमिमलामका ख्‍लोसिमिनु़ र्‍वाम्‍डिम बु।

२ पत्रुस 3:9

ङाचो़का याचे जेम्‍डिमडा गुमी छु़मी र्‍वाक्‍पा याङ-याङकु थेसिथेसी होङङा ङाचो़ मेछु़मी। सु़ वो पुयु़मेलुमिनु़, लावो खोत्‍लेका मेजो़पा खारी बोमु डिन्‍मिनु़मा गुमीडा ख्‍लोम्‍सिमिनु़ र्‍वाक्‍साका गुमीका गानीलाई इम्‍साका लम्‍थामी।

थु़र्मा 2:38

पत्रुसका मेर्मिमनुङ र्‍वाक्‍ता, “इनी छु़लमिम इनी नगोलामका ङा मिम्‍सिट्‌निमा ख्‍लोन्‍सिट्‌नी, मा इनी छु़ल हेम्‍मु येशू ख्रीष्‍टकु नङडा गानी खोत्‍लेका कु-रु़दु़म रनी। मेकोतिमा गानी राप्लावा ल्‍वानी, मेराम ने माम्‍चु़नी-पेल सो़।

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।

थु़र्मा 3:26

खोत्‍ले इनी मेजो़पा खारीलामका ख्‍लोक्‍साका जि ग्‍वामुलाई माम्‍चु़नीका उनी त्‍वाकु डु़ल्‍चो़ थुट्‌मिडिमा ङादो इनीमाडा ङा थु़र्मिडी।”

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

थु़र्मा 5:31

इस्राएलीमिमकु छु़ल उनी न-गोलाम मिम्‍सिक्‍साका ख्‍लोसिबेन्‍मु लागि मा उनी छु़ल हेम्‍सामुमि र्‍वाक्‍साका माम्‍चु़नीका गुमीलाई कोम्‍डिमा उनी जो़प ल्‍वालाम जु़ल्‍साका हप नुङ सेल्‍पा दु़म्‍बेट्‌मिडी।

मर्कूस 15:10

हेङालोने ङाउ डु़म्‍लाचो़मिमका उनी नो़ मेनु़यामका ङा येशूलाई उ ल्‍वाडा ग्‍वाम्‍डिम र्‍वाक्‍पा ल्‍वा पिलातसका चडु़म बाइडा।

मर्कूस 15:7

रिबुसी किट्‌मिडिम थारीका मु़चु़ सेट्‌पा रिबुसीचो़मिम चम्‍डिमा जु़ल्‍मिडिम बाइडा। मेर्मिमगोडाम बारब्‍बा नङकाम कोले मु़चु़ वो मेगोडा बाइडा।

मत्ती 9:13

‘हादी-बारा सासेन्‍मु मेएँ, न-थो़म रेम्‍बेबेनी र्‍वाक्‍पा गो न बेउ।’ र्‍वाक्‍साका माम्‍चु़नीकु सिजेमका र्‍वामु मालु़मिम ल्‍वा लक्‍निमा थेसिथेट्‌नी। माम्‍चु़नीकु मिक्‍सीलामडा जो़पा बुङु र्‍वाक्‍साका मिम्‍सिक्‍पा मु़चु़मिमलाई मेएँ, छु़लचो़ र्‍वाक्‍साका मिम्‍सिक्‍पा मु़चु़मिमलाई येड्‌डा गो योङडोम सो़।”

मर्कूस 2:17

आरे र्‍वाक्‍पा थो़म्डिमका येशूका मेर्मिमनुङ र्‍वाम्‍डी, “मेनो़पालाई डाक्‍टर मेबासी, लावो नो़पाका मोकु़, जो़पा-नगोनुङमालाई मेएँ छु़लचो़लाई येड्‍डा गो योङडोम।”

लूका 5:31

लावो येशूका मेर्मिमलाई र्‍वाम्‍डी, “मेनो़पा मु़चु़लाई डाक्‍टर मेबासी लावो नो़पालाई चाहेदु़म।

लूका 5:33

कोलेम मेर्मिमका येशूलाई र्‍वाम्‍डी, “कु-रु़दु़म ग्‍वाक्‍पा यूहन्‍नाकु सीसिपामिमका हेल्‍लो लोवो सो़म्‍दी बोमी, मा उपास बुमी। फरिसीमिमकु सीसिपामिमका वो मेमङा बोमी। लावो इनीमा सीसिपामिमका ने हेङा पोमी डुमी कोङङा।”