लूका 5:24 - थुलुङ राई

²⁴ लावो मिनीचो़नुङ सुबुडाम मु़चु़कु छु़ल हेप्‍साक्‍पा साखाम बु र्‍वाक्‍साका गो गानीलाई रेम्‍बेनिनी।” मेकोतिमा येशूका मेराम ल्‍वा-खेल सोक्‍पा मु़चु़लाई र्‍वाम्‍डी, “गो गानालाई र्‍वाङु बका, मा इ प्‍लान फकामा नेम लक्‍सा।”

लूका 5:24 Referans Kwoze

रेम्‍बेट्‌मिडिम ल्‍वा 1:13

मा मे धिप्‍री चाखोपमिम गोडा “मिनीचो़” होप्‍माम कोले बाम्‍डी। गुमीका उनीमा खेलफारसम्‍म ताम्‍सिक्‍पा हुम-ये फम्‍तासिम्‍डी, मा सो़नाकु फिता उनीमा धक्‍चीधाली बन्‍थाम्‍डी।

थु़र्मा 14:10

मेम्‍मा डोक्‍पु लो़लामका र्‍वाक्‍ता, “इ खेलका येम्‍सा।” मेकोतिमा मेराम हुबक्‍तामा लाम्‍दिमु चो़म्‍डु़।

थु़र्मा 9:40

मेर्मिम खोत्‍लेलाई पाखानो ख्‍लुक्‍तु़मिमा पत्रुसका क्रचु़खुम बु़डु़, मा सो़म्‍दी बु़डु़। मेकोतिमा मे सिपा रो़मथो़ ख्‍लोसिड्‌डामा र्‍वाक्‍ता, “तबीता, बका!” मा तबीताका उ मिक्‍सी ह्‌वाक्‍तु़। मेम्‍मा मेरामका पत्रुसलाई ल्‍वास्‍तु़मा बक्‍तामा गन्‍डा।

थु़र्मा 9:34

पत्रुसका मेरामनुङ र्‍वाक्‍ता, “ए एनियास, येशू ख्रीष्‍टका गानालाई सबेनामी। बका, मा इमा प्‍लान फका।” मेकोतिलोङा मेराम हुबक्‍ता।

थु़र्मा 5:31

इस्राएलीमिमकु छु़ल उनी न-गोलाम मिम्‍सिक्‍साका ख्‍लोसिबेन्‍मु लागि मा उनी छु़ल हेम्‍सामुमि र्‍वाक्‍साका माम्‍चु़नीका गुमीलाई कोम्‍डिमा उनी जो़प ल्‍वालाम जु़ल्‍साका हप नुङ सेल्‍पा दु़म्‍बेट्‌मिडी।

यूहन्‍ना 17:2

हेङालोने गानी गुलाई ग्‍वाक्‍निम खोत्‍ले मु़चु़लाई मेसिपा त्‍वारो़म ग्‍वाक्‍नु़मी र्‍वाक्‍साका खोत्‍ले मु़चु़डला गुलाई साखाम ग्‍वाक्‍निम बु।

यूहन्‍ना 11:43

गुमीका आरे र्‍वामु दु़म्‍मिडिमा डोक्‍पु लो़लामका येम्‍डी, “लाजरस, पाखा लुका।”

यूहन्‍ना 5:27

मेम्‍मा मु़चु़मिमकु निया बेपा साखाम गुलाई ग्‍वाम्‍डिम बु, हेङालोने गु मिनीचो़ सो़।

यूहन्‍ना 3:13

पाह्रीलामका योक्‍पा मिनीचो़डाम वाङमिम सु़ वो पाह्रीला लस्‍ताम मिबु।

लूका 8:54

लावो गुमीका मे चो़च्‍चो़कु ल्‍वा झेट्‌मिडिमा आरे र्‍वाम्‍डी, “यु़म्‍पी, बका।”

लूका 7:14

मेकोतिमा येशूका मे सिपा मु़चु़ जु़ल्‍मा बाकस फार्डा लम्‍डिमा लु़प्‍मिडी, मा मे सिपा मु़चु़ कुर्पामिम येम्‍सिम्‍डी। गुमीका मेरामलाई र्‍वाम्‍डी, “ए छारी, गो गानालाई र्‍वाङु, बका!”

लूका 5:13

येशूका मे जोन बेट्‌पा मु़चु़थो़ ल्‍वा हम्‍मिडिमा र्‍वाम्‍डी, “गो न बेउ, गाना सनानु़” र्‍वाक्‍तो मेरामलाई लु़प्‍मिडी, मा मेरामकु जोन हेम्‍ल्‍यासिड्‌डा।

मत्ती 28:18

येशू मेर्मिमकाडा रोम्‍डिमा र्‍वाम्‍डी, “सुबु नुङ पाह्रीडला खोत्‍ले साखाम माम्‍चु़नीका गोलाई ग्‍वाङ्‌डिमिम बु।

मत्ती 26:64

येशूका मेरामलाई तुम्‍डी, “अँ, गानी र्‍वाक्‍निम होमङा सो़। लावो गो गानी खोत्‍लेलाई र्‍वाङु, दिफु मिनीचो़लाई खोत्‍लेडाम घ्‍ल्‍वापा माम्‍चु़नीकु जो़पलाम गन्‍पा, मा धामुलाम खासेडलामका योक्‍तोङा बेपा गानी ल्‍वानी।”

मत्ती 25:31

“मिनीचो़ खोत्‍ले पाह्रीचो़मिमनुङ उ यु़म-झ्‍वाक्‍सीडा यो, मा हप दु़ममा डोक्‍पु उ गन्‍खोपडा गन।

मत्ती 16:13

येशू कैसरिया फिलिप्‍पीकु इलाकाडा रोम्‍डी, मा उनी सीसिपामिमलाई हिलाबेम्‍डी, “मु़चु़मिमका मिनीचो़लाई सु़ र्‍वामी?”

मत्ती 9:6

लावो सुबुडा छु़लमिम हेप्‍साक्‍पा साखाम मिनीचो़नुङ बु र्‍वाक्‍पा गानी ओरामलामकाङा चनी।” मेकोतिमा गुमीका उ ल्‍वा-खेल सोक्‍पा मु़चु़लाई र्‍वाम्‍डी, “बका, इ प्‍लान फकामा नेम लक्‍सा।”

मत्ती 4:24

उनी खारीकु दुथाममिम ल्‍वामिम होनोवा बाट्पा सिरिया क्षेत्रडा वो थो़म्‍डी। मेम्‍मा नो़पामिम खोत्‍लेलाई मु़चु़मिमका येशूकाडा रेट्‌मिडी। मुनाङपेलका हुपा, धामुलामका बेट्‍पा, मा ल्‍वा-खेल सोक्‍पा, हेप्‍माम नो़पा सोमोरीनुङमा लोवो खोत्‍लेलाई येशूका सबेट्‌मिडी।

लूका 5:18

मु़चु़मिमका ल्‍वा-खेल सोक्‍पा कोले मु़चु़लाई उ प्‍लाननुङङा कुर्मिडिमा मेसिन्‍डा रेट्‌मिडी। मेर्मिमका गुलाई नेमगोनो येशूकु ङादोडा लमुमा आम्‍मु माल्‍मिडी।

लूका 5:23

‘इमा छु़लमिम हेम्‍स्‍तामका गाना बकामा लाम्‍दिया’ र्‍वामु मेझाम मा?