लूका 5:20 - थुलुङ राई

²⁰ येशूका मेर्मिमकु थो़र ल्‍वाम्‍डिमा मे नो़पा मु़चु़लाई र्‍वाम्‍डी, “ए छारी, इमा छु़ल हेम्‍सिड्‌डा।”

लूका 5:20 Referans Kwoze

थु़र्मा 14:9

पावलका जो़पा-सेला दो़स्‍तु़म मेरामका थो़स्‍तु़होम बाइडा। पावलका मेरामलाई रेप्‍डु़म-रेप्‍डु़म ङा बु़डु़, मा सपा मेरामकु थो़र ल्‍वास्‍तु़।

मत्ती 9:2

उ ल्‍वा-खेल सोक्‍पामा उ प्‍लानडा झार्ल्‍याक्‍पा कोले मु़चु़लाई मु़चु़मिमका कुर्मिडिमा येशूकाडा रेट्‌मिडी। मे मु़चु़मिमका गुमीडला थो़र बेम्‍डिम ल्‍वाम्‍डिमा येशूका उ ल्‍वा-खेल सोक्‍पा मु़चु़लाई र्‍वाम्‍डी, “छारी, गेर्सा, इमा छु़लमिम हेम्‍सिम्‍डिम बु।”

लूका 7:48

मेकोतिमा येशूका मेराम मेसेमलाई र्‍वाम्‍डी, “इमा छु़लमिम हेम्‍सिम्‍डिम बु।”

कलस्‍सी 3:13

इम्‍सी बेबेनी मा कोङनिमका कोङनिमडला सु़म्‍बुर्मा किसु़लो छु़ल हेम्‍बेबेनी। ङाचो़का इनीमा छु़ल हेम्‍साट्‌निम होङङा छु़ल हेम्‍बेबेनी।

यूहन्‍ना 2:25

मु़चु़ आच्‍छाङा हेप्‍माम दु़म्‍मी र्‍वाक्‍साका सु़का वो गुमीनुङ सो़मुम बुमु बासिक्‍पा मेबायावा। हेङालोने मु़चु़मिमकु न हेप्‍माम बु र्‍वाक्‍साका गुमीका चम्‍डिम बाइडा।

मर्कूस 2:5

मेर्मिम थो़र लु़म्‍डिम येशूका ल्‍वाम्‍डिमका मे ल्‍वा-खेल सोक्‍पा मु़चु़लाई र्‍वाम्‍डी, “ए छारी! इमा छु़लमिम हेम्‍सिमु दु़म्‍स्‍तु़म बु।”

याकूब 2:18

कोङनिमका आरे र्‍वामु चाप्‍सु़, “कोङनिमनुङ थो़र बु, वाङमिमका ने जो़पा खारीमिम बु़डु़म बु।” लावो गो र्‍वाङु, “कोङनिम मु़चु़नुङ खारी मान्‍थिम थो़र हेसाका दु़म गोनुङ रेम्‍बे। गो बेउतोम जो़पा खारीलामका आमा थो़र गानालाई रेम्‍बेनी।”

२ कोरिन्‍थी 2:10

गानी कोङनिमलाई पाचो ग्‍वानी माला गो वो मेरामलाई पाचो ग्‍वाक्‍पु। कोङनिम मु़चु़लाई कोङनिम ल्‍वाडा गो पाचो ग्‍वाक्‍तोम बु माला येशू ख्रीष्‍टकु ङादोडा इनीमा लागिङा पाचो ग्‍वाक्‍पु।

थु़र्मा 11:23

बारनाबास एन्‍टिओखिया शहरडा रोक्‍फाड्‌डालो मेसिन्‍डाम मु़चु़मिमलाई माम्‍चु़नीका उनी दिदाम ग्‍वाम्‍डिम ल्‍वास्‍तु़मा गु गेर्सी द्‌वाक्‍ता। गुका मेर्मिम खोत्‍लेलाई माम्‍चु़नीडा न-गोलामका ङा थो़रलु़मुमबुमु उनी सो हन्‍बेसाड्‌डु़मी।

यूहन्‍ना 5:14

चङडा येशूका मेरामलाई सो़रनेमगोडा डार्मिडिमा र्‍वाम्‍डी, “रेप्‍डा, गाना सन्‍नाम बु। आथाडा आनो गाना छु़ल मेबे, मा गानाडला मेजो़पा मेरोनु़।”

मत्ती 9:5

ओराम मु़चु़लाई हे र्‍वामु झापा दु़म, ‘इमा छु़लमिम हेम्‍स्‍ताम बु’ डे ‘बकामा लाम्‍दिया’ डे?