लूका 5:17 - थुलुङ राई

¹⁷ कोलेम येशूका मु़चु़मिमलाई सीत्तोङा लेट्‌मिडिम बाइडा। गालील नुङ यहूदियाडाम खोत्‍ले देलडाम मा यरूशलेमलामका रोक्‍पा फरिसीमिम नुङ यहूदीकु डु़म्‍ला सीपा पातु़म्‍रीमिम मेसिन्‍डा रोम्‍डिमा गन्‍तासिट्‌मिडिम बाइडा। मेकोतिलो नो़पामिम सबेट्‌पा यु़म माम्‍चु़नीका येशूलाई ग्‍वाम्‍डिम बाइडा।

लूका 5:17 Referans Kwoze

लूका 6:19

मे सेर्पा मु़चु़मिमका येशूलाई लु़म्‍मु माल्‍मिडी, हेङालोने खोत्‍लेलाई सबेट्‌पा यु़म गुमीलामका लुक्‍तोङा लेड्‌डु़।

लूका 8:46

लावो येशूका र्‍वाम्‍डी, “कोङनिमका गोलाई लु़प्‍ङिडिमङा बु, हेङालोने सबेट्‌पा आमा यु़म लुक्‍तामा लस्‍ताम गो लु़लेत्तोम बु।”

थु़र्मा 19:11

पावललामका माम्‍चु़नीका छो़म डोक्‍पु यु़मखारी बेम्‍डी,

मत्ती 11:5

मिक्‍सीका मेल्‍वापामिमका मिक्‍सीका ल्‍वाम्‍डिम, मा खेल सोक्‍पामिम लाम्‍दिम्‍डिम बु। जोन बेट्‌पामिम सम्‍डिम बु। नोफ्‍लाका मेथो़पामिमका थो़मी, सिपा मु़चु़मिम सिमुलाम बम्‍गेम्‍डिम बु, मा उनी हाम वो मेबाट्‌पामिमका माम्‍चु़नीकु जो़पा-सेला थो़त्तोङा लेन्‍मी।

थु़र्मा 4:30

नो़पामिम सबेन्‍मुलाई इनी ल्‍वा हम्‍नी, मा इनी नङका साट्‌मा नुङ इनी डु़ल्‍चो़ येशूकु नङडा छेखोपमिम नुङ यु़मखारीमिम रेम्‍बेनी।”

मर्कूस 7:1

कोलेम यरूशलेमलामका योक्‍पा फरिसीमिम नुङ यहूदीमिमकु डु़म्‍ला सीपा पातु़म्‍रीमिम येशूकु होनोलाम-आथो़लाम खोम्‍सिम्‍डी।

मर्कूस 5:30

मेकोतिलोङा येशूका उनीमा यु़म गुमीलामका लुक्‍पा लु़लेट्‌मिडिमका मे सेर्पा मु़चु़मिमथो़ ख्‍लोम्‍सीम्‍डिमा र्‍वाम्‍डी, “गोलाई सु़का लु़प्‍ङिडी?”

मत्ती 15:1

येरूशलेमलाम कोङनिम फरिसीमिम नुङ यहूदीकु डु़म्‍ला सीपा पातु़म्‍रीमिम येशूकाडा रोम्‍डिमा र्‍वाम्‍डी,

यूहन्‍ना 3:21

लावो उहेमका माम्‍चु़नीका र्‍वामिमिम होङङा बु़, मेराम ओलडा रो, मा माम्‍चु़नीलाम गुका मेराम खारी बु़डु़म र्‍वाक्‍साका जो़होमका दो़।”

लूका 2:46

सुलेम चङडा मेर्चिपका येशूलाई सो़रनेमडा यहूदीमिमकु डु़म्‍ला सीपा मु़चु़मिमकु थेतेडा गन्‍तासिट्‌मिडिमा मेर्मिमकु ल्‍वा थो़त्तो मेर्मिमनुङ हिलाहिसी बेत्तोङा लेट्‌मिडिम माम नुङ पापका डार्ची।

लूका 15:2

मेम्‍मिमका यहूदीमिमकु डु़म्‍ला सीपा पातु़म्‍रीमिम नुङ फरिसीमिमका आरे र्‍वाक्‍तो सु़म्‍बुर्मा किन्‍मु चो़म्‍मिडी, “ओराम मु़चु़ ने छु़लचो़मिमनुङ बु, मा मेर्मिमनुङङा पु़-डुङु़ वो।”

लूका 7:30

लावो फरिसी नुङ मोशाकु डु़म्‍ला छो़म थेट्‌पा मु़चु़मिमका ने माम्‍चु़नीका मेर्मिमडला बेम्‍डिम न मेद्‌वाक्‍मिवा। हेङालोने यूहन्‍नालामका कु-रु़दु़म रम्‍डिम मेबायावा।

लूका 5:30

लावो फरिसीमिम नुङ यहूदीमिमकु डु़म्‍ला सीपा पातु़म्‍रीमिमका येशूकु सीसिपामिमकु कोर्थो़लाम आरे र्‍वाक्‍तो छो़म सु़म्‍बुर्मा किन्‍मु चो़म्‍मिडी, “कर फक्‍पामिम मा वाङमिम छु़लचो़मिमनुङ गानी हेङा कोदेप पोनी डुनिमिम?”

लूका 5:21

लावो येशूका आरे र्‍वाम्‍डिम थो़म्‍डिमा मे यहूदीकु डु़म्‍ला सीपा पातु़म्‍रीमिम नुङ फरिसीमिमका उनी नड्‍डा आरे र्‍वाक्‍पा मिम्‍मु चो़म्‍मिडी, “माम्‍चु़नीलाई डक्‍साका जेपा ओराम मु़चु़का उ त्‍वापलाई सु़ र्‍वाक्‍पा मिम्‍सी? माम्‍चु़नीका कोङङा छु़ल हेम्‍मु ने चाम्‍मी।”

मर्कूस 16:18

मेर्मिमका ब्‍लो जेन्‍मी, मा ङे ङा पोमी-डुमी लावो मेर्मिम हाम वो मेदु़म्‍मी। मेर्मिमका नो़पामिमडला उनी ल्‍वा जु़ल्‍मी, मा नो़पामिम वो सम्‍ल्‍याट्‌मी।”

मर्कूस 3:22

यरूशलेमलामका योक्‍पा यहूदीमिमकु डु़म्‍ला सीपा पातु़म्‍रीमिमका र्‍वाम्‍डी, “मेरामनुङ बालजिबुल मुनाङ बु, मा गुका मुनाङकु ङाउकाङा मु़चु़मिमकु गोलामका मुनाङमिम ख्‍लुकु़मी।”

मर्कूस 1:45

लावो मेरामका गुमीका र्‍वाम्‍डिम होङङा मेबेसाका लस्‍तामा खोत्‍लेनुङ सो़मु चो़म्‍डु़, मा मेराम ल्‍वा खोत्‍लेथो़ फोन्‍स्‍ता। मेम्‍मिमका येशू देलबाडे ङादोम होम्‍साका मेबासाका मु़चु़का मेल्‍वाखोपबाडे कोङङा बुमु चो़म्‍मिडी। लावो मु़चु़मिम आथावो उनीमाडा खोत्‍लेलामका रोम्‍डिहोमङा बाम्‍डी।

यूहन्‍ना 3:10

येशूका गुलाई र्‍वाम्‍डी, “गाना ने यहूदीमिमकु डोक्‍पु सीपा मु़चु़, मा ओराम ल्‍वा आथावो थेसिमेथेनामिम?

थु़र्मा 5:34

लावो यहूदीमिमकु डु़म्‍ला सीपा नुङ मु़चु़मिमका डोक्‍पु मिम्‍थाल्‍मिडिम गमलिएल र्‍वाक्‍मा फरिसीका डोक्‍पु घ्रो़म्‍दीडा येम्‍स्‍तामा थु़र्मामिमलाई घरिकोङ पाखानो थु़र्नी बु़डु़मी।