लूका 5:15 - थुलुङ राई

¹⁵ मेमङा लोवो येशूकु दुथाममिम ल्‍वा खोत्‍लेथो़ आथावो हापा फोन्‍सिड्‌डा। मेम्‍मिमका छो़म सेर्पा मु़चु़मिम उनीमा सिजेम थो़प्‍डा नुङ सोमोरीलाम सेल्‍सिमु लागि मेसिन्‍डा रोम्‍डी।

लूका 5:15 Referans Kwoze

लूका 12:1

मेकोतिलोङा छो़म सेर्पा मु़चु़मिम खोम्‍सिम्‍डिमका मेर्मिम उनी त्‍वाप-त्‍वापङा देम्‍बेत्तोङा लेट्‌मिडिम बाइडा। येशूका उनी सीसिपामिमलाई ङादो र्‍वामु चो़म्‍मिडी, “गानी फरिसीमिमकु लङखामडाम चङचङया बानी वो। मे लङखाम र्‍वाक्‍मा ने मु़चु़मिमकु मिक्‍सीलामडा जो़पा लिसिक्‍पा मेर्मिमकु खारी सो़।

मर्कूस 1:45

लावो मेरामका गुमीका र्‍वाम्‍डिम होङङा मेबेसाका लस्‍तामा खोत्‍लेनुङ सो़मु चो़म्‍डु़, मा मेराम ल्‍वा खोत्‍लेथो़ फोन्‍स्‍ता। मेम्‍मिमका येशू देलबाडे ङादोम होम्‍साका मेबासाका मु़चु़का मेल्‍वाखोपबाडे कोङङा बुमु चो़म्‍मिडी। लावो मु़चु़मिम आथावो उनीमाडा खोत्‍लेलामका रोम्‍डिहोमङा बाम्‍डी।

मत्ती 9:26

ओराम ल्‍वाकु दुथाम मेसिन्‍डा खोत्‍लेथो़ फोन्‍सिड्‌डा।

मर्कूस 1:28

येशूकु दुथाम मेर्मिम ल्‍वा गालील होनो-आथो़ खोत्‍लेथो़ फोन्‍ल्‍यासिड्‍डा।

यूहन्‍ना 6:2

मेम्‍मा छो़म सेर्पा मु़चु़ येशूकु चङचङ लम्‍डी, हेङालोने गुमीका नो़पा मु़चु़लाई सबेट्‌मिडिम हेल्‍लो वो मेल्‍वाम्‍मा खारी मेर्मिमका ल्‍वाम्‍डिम बाइडा।

लूका 14:25

कोलेम छो़म सेर्पा मु़चु़मिम येशूकु चङचङ लक्‍तोङा बेम्‍डी, मा गुमीका मेर्मिमथो़ ख्‍लोसिम्‍डिमा र्‍वाम्‍डी,

मर्कूस 3:7

मेकोतिमा येशू उनीमा सीसिपामिमनुङ दिरिदिनथो़ लम्‍डी। मेकोतिलो गालीललामका सेर्पा मु़चु़मिम गुमीनुङ लम्‍डी।

१ तिमोथी 5:25

मेम्‍साकाङा जो़पा खारी वो खोत्‍लेका जो़होमका ल्‍वासिमिम दु़म, मेम्‍साका मेल्‍वासी लोवो चङडा खोत्‍लेका ल्‍वासी।

मत्ती 9:31

लावो मेर्चिप लक्‍ची, मा उनीमा दुथाम मेसिन्‍डा खोत्‍लेथो़ थो़बेट्‌ची।