लूका 5:1 - थुलुङ राई

¹ कोलेम येशू गनेसरेत दिरिदिनकु सो़पडा येम्‍तासिट्‌मिडिम बाइडा। मेकोतिलो छो़म सेर्पा मु़चु़मिम माम्‍चु़नीकु सिजेम थो़मु लागि उनीमा होनोलाम आथो़लाम क्‍र्‍वाङ-क्‍र्‍वाङ उन्‍बेत्तो लेट्‌मिडिम बाइडा।

लूका 5:1 Referans Kwoze

मर्कूस 3:9

मे सेर्पा मु़चु़मिमका गुमीलाई मेचिम्मिनु़ र्‍वाक्‍साका उनीमा सीसिपामिमलाई कोले कुबी-बोक्‍सा रेन्‍बेट्‌मिडी।

मत्ती 14:34

येशू नुङ उनी सीसिपामिम दिरिदिन होम्‍बुनो रोम्‍थिम्‍डिमा गनेसरेत इलाकाडा रोम्‍फाम्‍डी।

मर्कूस 6:53

येशू नुङ उनीमा सीसिपामिम दिरिदिन होम्‍बुनो लुम्‍डिमा गनेसरेत देलडा रोम्‍फाम्‍डी। मेकोतिमा मेर्मिमका कुबी-बोक्‍सा पाखानो ख्‍लुम्‍डी मा बट्‌मिडी।

मत्ती 11:12

कु-रु़दु़म ग्‍वाक्‍पा यूहन्‍ना बाइडालो आथाम ओम्‍लोसम्‍म पाह्री-किब्‍दी छो़मका बर्तोङा लेडु़, मा छो़म माल्‍तोङा लेट्‍पामिम ओरामगोनो हुत्तो लेन्‍मी।

लूका 12:1

मेकोतिलोङा छो़म सेर्पा मु़चु़मिम खोम्‍सिम्‍डिमका मेर्मिम उनी त्‍वाप-त्‍वापङा देम्‍बेत्तोङा लेट्‌मिडिम बाइडा। येशूका उनी सीसिपामिमलाई ङादो र्‍वामु चो़म्‍मिडी, “गानी फरिसीमिमकु लङखामडाम चङचङया बानी वो। मे लङखाम र्‍वाक्‍मा ने मु़चु़मिमकु मिक्‍सीलामडा जो़पा लिसिक्‍पा मेर्मिमकु खारी सो़।

मर्कूस 5:24

मेम्‍मिमका येशू मेनुङ लम्‍डी। मेकोतिलो छो़म सेर्पा मु़चु़मिम वो उनी होनोलाम आथो़लाम क्‍र्‍वाङ-क्‍र्‍वाङ उन्‍बेत्तो गुमीनुङ लम्‍डी।

लूका 8:45

येशूका हिलाबेम्‍डी, “गोलाई सु़का लु़प्‍ङिडी?” खोत्‍ले मु़चु़मिमका गुकु ने मेएँ र्‍वाम्‍डी, मा पत्रुसका र्‍वाक्‍ता, “ङाचो़, गानीलाई ने सेर्पा मु़चु़मिमका उत्तोङा लेनी।”

मर्कूस 4:1

आथावो येशूका दिरिदिन फार्डा सीमु चो़म्मिडी। मेसिन्‍डा छो़म सेर्पा मु़चु़मिम खोम्‍सिम्‍डिमका गुमी मे दिरिदिनडाम कुबी-बोक्‍साडला हुम्‍डिमा सीमु चो़म्मिडी। लावो मे सेर्पा मु़चु़मिम ने दिरिदिन फारबाडेङा बाम्‍डी।

लूका 5:2

गुमीका दिरिदिनकु फार्डा नले कुबी-बोक्‍सा ल्‍वाम्‍डी। लावो पालुङचो़मिम कुबी-बोक्‍सालामका पाखा लुम्‍डिमा उनी पालुङ सो़ल्‍त्तोङा लेट्‌मिडी।

लूका 8:22

कोलेम येशू उनी सीसिपामिमनुङ कुबी-बोक्‍साडला हुम्‍डी, मा उनी सीसिपामिमलाई र्‍वाम्‍डी, “दो, गुइ दिरिदिनकु होनोहोम्‍बुनो लक्‍सी।” मेकोतिमा मेर्मिम लाम्‍दिमु चो़म्‍मिडी।

लूका 8:23

मेर्मिम कुबी-बोक्‍साडला हुम्‍डिमा लक्‍तोङा बेम्‍डिलो येशू अम्‍चेट्‌मिडी। मेकोतिलोङा मे दिरिदिनडा छो़म डोक्‍पु ब्‍लोजु़ फुड्‌डु़। मेम्‍मिमका कुबी-बोक्‍सा र्‍वाप्‍डा कुगोयु़ प्‍लु़म्‍सिमु खाप्‍डु़म बाइडा, मा मेर्मिम सिमुङा खाप्‍मिडिम बाइडा।

लूका 8:33

मुनाङपेलमिम मेराम मु़चु़लामका लुम्‍डिमा ब्‍वामिमगोनो हुम्‍डी। मेकोतिमा मे सेर्पा ब्‍वामिम भ्‍र्‍वालाम सिसिरका झार्मिडिमा दिरिदिनगोयु़ झुम्‍डी, मा सिम्‍डी।

यूहन्‍ना 1:40

यूहन्‍नाका र्‍वाक्‍ताम थो़पा, मा येशूकु चङचङ लाम्‍दिपाचिपगोडाम कोले ने सिमोन पत्रुसकु ल्‍वाक अन्‍द्रियास बाइडा।

यूहन्‍ना 6:1

मेरामकु किचो़ चङडा, येशू गालील दिरिदिनकु होम्‍बुनो (मेरामलाई तिबेरियास दिरिदिन वो र्‍वामी) लम्‍डी।

हिब्रू 13:7

गानीलाई माम्‍चु़नीकु सिजेम थो़बेट्‌पा मण्‍डलीडाम ङाउमिमलाई मिम्‍नी। मेर्मिमका हाम बेम्‍थाल्‍मिडी मा हेसाका सिम्‍डी मेराम इनीमा नगोडा जु़ल्‍नी। मेर्मिमका थो़र लु़म्‍डिम होम्‍साका गानी वो थो़रलु़नी।