लूका 4:44 - थुलुङ राई

⁴⁴ मेकोतिमा गुमीका यहूदियाडाम घ्रो़म्‍दीनेममिमबाडे वो जो़पा-सेला थो़बेट्‌मिडी।

लूका 4:44 Referans Kwoze

मत्ती 4:23

येशूका घ्रो़म्‍दीनेममिमबाडे सीत्तो नुङ माम्‍चु़नीकाम किब्‍दीकु दुथाम जो़पा-सेला थो़बेत्तो, मा खोत्‍ले खालकाम सोमोरी नुङ नो़पा मु़चु़मिमलाई सबेत्तो गालीलडाम खोत्‍लेथो़ खिर्सिम्‍डी।

मर्कूस 1:39

मेकोतिमा येशू घ्रो़म्‍दीनेमबाडे जो़पा-सेला थो़बेत्तो नुङ मुनाङपेलमिम ख्‍लुक्‍तो खोत्‍ले गालीलङा खिर्सिम्‍डी।

लूका 4:15

गुमीका मेर्मिमकु घ्रो़म्‍दीनेमबाडे मु़चु़मिमलाई सीमु चो़म्‍मिडी, मा खोत्‍लेका उनीमा नङ कोम्‍डी।

लूका 5:1

कोलेम येशू गनेसरेत दिरिदिनकु सो़पडा येम्‍तासिट्‌मिडिम बाइडा। मेकोतिलो छो़म सेर्पा मु़चु़मिम माम्‍चु़नीकु सिजेम थो़मु लागि उनीमा होनोलाम आथो़लाम क्‍र्‍वाङ-क्‍र्‍वाङ उन्‍बेत्तो लेट्‌मिडिम बाइडा।