लूका 4:43 - थुलुङ राई

⁴³ लावो गुमीका मेर्मिमनुङ र्‍वाम्‍डी, “गो माम्‍चु़नीकु किब्‍दीकु दुथाममिम जो़पा-सेला वाङमिम शहरडा वो थो़बेन्‍मुमि बासी, हेङालोने ओराम ल्‍वा थो़बेन्‍मु लागि ङा माम्‍चु़नीका गोलाई थु़र्ङिडिमिम सो़।”

लूका 4:43 Referans Kwoze

२ तिमोथी 4:2

जो़पा-सेला थो़बेडामी, हाङकोलो लोवो जो़पा-सेला थो़बेन्‍मुडा न सोका, मु़चु़मिमलाई लु़म्‍ला बेडामी, भुरामी, उनीमा सो हन्‍बेसाडामी, मा इम्‍सिक्‍साका बुमुडा नुङ सीमुडा चङचङया बाया।

यूहन्‍ना 9:4

गोलाई थु़र्पाकु खारीमिम नेप्‍सुङ बुलोङा गुइ बोमु बासी। सिन्‍था दु़म्‍मा सु़का वो खारी बोमु मेचाप्‍सु़।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

यूहन्‍ना 20:21

येशूका आथावो र्‍वाम्‍डी, “न-गो भ्रसीनु़। पापका गोलाई थु़र्ङिडिमिम होम्‍साकाङा गो गानीलाई वो थु़र्निनी।”

मत्ती 4:23

येशूका घ्रो़म्‍दीनेममिमबाडे सीत्तो नुङ माम्‍चु़नीकाम किब्‍दीकु दुथाम जो़पा-सेला थो़बेत्तो, मा खोत्‍ले खालकाम सोमोरी नुङ नो़पा मु़चु़मिमलाई सबेत्तो गालीलडाम खोत्‍लेथो़ खिर्सिम्‍डी।

मर्कूस 1:35

येशू नेमसोसोका, सिन्‍थाङा बम्‍डिमा मेल्‍वाखोपडा लम्‍डिमा मेसिङा सो़म्‍दी बोमु चो़म्‍मिडी।