लूका 4:42 - थुलुङ राई

⁴² उ दिकाम नेम सोसोका सु़का वो मेल्‍वापा बायडा येशू लुम्‍डिमा लम्‍डी। सेर्पा मु़चु़मिमका गुमीलाई माल्‍तो लम्‍डी। गुमीलाई डार्मिडिम चङडा मेर्मिमका आरे र्‍वाक्‍साका गुमीलाई मेसिन्‍डा ङा झेन्‍मु माल्‍मिडी, “गुकुलाई डिट्जो़ल्‍किनिमा मेलक्‍नी।”

लूका 4:42 Referans Kwoze

लूका 6:12

मेमबिलि येशू सो़म्‍दी बेप्‍डा पोप्‍चङथो़ लम्‍डी, मा नेमसोसोसम्‍म माम्‍चु़नीडा सो़म्‍दी बेम्‍डी।

यूहन्‍ना 4:34

येशूका मेर्मिमलाई र्‍वाम्‍डी, “गोलाई थु़र्पाकु न होङङा बोमु नुङ उनी खारी बोम्‍सोमुङा आमा पोमु-डुमु सो़।

यूहन्‍ना 6:24

मे सेर्पा मु़चु़का मेसिन्‍डा येशू वो मेल्‍वामिवा मा उनी सीसिपामिम वो मेल्‍वामिवामा कुबी-बोक्‍साडला हुसाका येशूलाई माल्‍तो कफर्नहुम शहरथो़ लम्‍डी।

यूहन्‍ना 4:40

मेम्‍मिमका सामरीमिम येशूकाडा रोम्‍डिलो येशूलाई मेर्मिमनुङङा बुमु र्‍वाम्‍डिम-र्‍वाम्‍डिमङा बेम्‍डी। मेम्‍मा गुमी मेसिन्‍डा नलेम बाम्‍डी।

लूका 24:29

लावो मेर्चिपका गुमीलाई “गुचुकुनुङङा बुइ हेङालोने दुङमा र्‍यामु खाप्‍डु़म बु” र्‍वाक्‍चिम-र्‍वाक्‍चिमङा बेच्‍ची। मेकोतिमा गुमी मेर्चिपनुङङा बुमु लागि नेमगोनो हुम्‍डी।

मर्कूस 1:45

लावो मेरामका गुमीका र्‍वाम्‍डिम होङङा मेबेसाका लस्‍तामा खोत्‍लेनुङ सो़मु चो़म्‍डु़, मा मेराम ल्‍वा खोत्‍लेथो़ फोन्‍स्‍ता। मेम्‍मिमका येशू देलबाडे ङादोम होम्‍साका मेबासाका मु़चु़का मेल्‍वाखोपबाडे कोङङा बुमु चो़म्‍मिडी। लावो मु़चु़मिम आथावो उनीमाडा खोत्‍लेलामका रोम्‍डिहोमङा बाम्‍डी।