लूका 4:41 - थुलुङ राई

⁴¹ हापा मु़चु़मिमलामका मुनाङपेल आरेसाका येत्तो लुम्‍डी, “गानी माम्‍चु़नीकु तारापाचो़ सो़।” लावो येशूका मे मुनाङपेलमिमलाई को सि वो जेमु मेग्‍वाक्‍मिवा, हेङालोने मेर्मिमका गुमी ख्रीष्‍ट र्‍वाक्‍साका छेट्‌मिडिम बाइडा।

लूका 4:41 Referans Kwoze

मर्कूस 1:34

वाङ-वाङमी सोमोरीनुङमा छो़म सेर्पा मु़चु़मिमलाई येशूका सबेट्‌मिडी। मेकोतिमा छो़म सेर्पा मुनाङपेलमिम वो ख्‍लुम्‍डिमी। लावो येशूका मे मुनाङपेलमिमलाई जेमुङा मेग्‍वाक्‍मिवा, हेङालोने मेर्मिमका येशू सु़ र्‍वाक्‍साका छेट्‌मिडिम बाइडा।

याकूब 2:19

माम्‍चु़नी कोले कोङङा बुमी र्‍वाक्‍साका गानी थो़र लु़नी, मेराम जो़पाङा सो़। मुनाङपेलमिमका वो मेराम थो़रलु़मी, मा उनी ङिमुका रुडु़मी।

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

मर्कूस 3:11

हाङकोलो मुनाङपेलमिमका गुमीलाई ल्‍वाम्‍डी मेकोतिलोङा, “गानी माम्‍चु़नीकु चो़” र्‍वाक्‍तो येत्तोङा उनी ङादोडा झार्थाल्‍मिडी।

मत्ती 4:3

मेकोतिमा न छाम्‍पा शैतान उनीमाडा रोक्‍तामा र्‍वाक्‍ता, “गानी माम्‍चु़नीकु तारापाचो़ माला ओर्मिम लुङ सो़बेम दु़म्‍सा बेनी।”

मत्ती 26:63

लावो येशू वायवाय बाम्‍डी। डोक्‍पु ङाउ डु़म्‍लाचो़का गुमीलाई र्‍वाक्‍ता, “गो गानालाई र्‍वाङु, गाना माम्‍चु़नीकु चो़ ख्रीष्‍ट माला हेल्‍लो लोवो बाट्‌पाम बाट्‌पा माम्‍चु़नीकु नङडा कसम पेसाका गुकुनुङ सो़या।”

मत्ती 8:29

मेर्चिपका डोक्‍पु लो़लामका आरे र्‍वाक्‍तो येमु चो़म्‍ची, “माम्‍चु़नीकु तारापाचो़, गानी गुचुकुलाई हाम बोमु माल्‍चिकिनिमिम? हाम माम्‍चु़नीका मुलु़ बेम्‍डिम थारीडाम वो ङादोङा गानी गुचुकुलाई दु़खा ग्‍वाप्‍डा रोक्‍निम?”

मर्कूस 1:25

येशूका मेरामलाई भुर्मिडी मा र्‍वाम्‍डी, “वाय बाया, मा मेरामलामका लुक्‍ल्‍याडा।”

मत्ती 8:4

मेकोतिमा येशूका मेराम मु़चु़लाई र्‍वाम्‍डी, “ओरामकु दुथाममिम ल्‍वा गाना सु़नुङ वो मेसो़या वो। लावो डु़म्‍लाचो़काडा लक्‍सा, मा गुका रेम्‍नानु़। मेम्‍मा जोन बेटपा मु़चु़ सलो सासेन्‍मु बासी र्‍वाक्‍साका मोशाकु डु़म्‍लाका र्‍वाक्‍ताम होङङा बे। आरे बेसाका गाना सन्‍नाम बु र्‍वाक्‍पा खोत्‍लेका चमिनु़।”

मत्ती 8:16

नेम्‍था दु़स्‍तालो मु़चु़मिमका मुनाङका हुपा हापा मु़चु़लाई येशूकाडा रेट्‌मिडी। मेम्‍मा गुमी जेम्‍डिमा मे मुनाङमिमलाई कोल्‍मिडी, मा नो़पा मु़चु़मिम खोत्‍लेलाई सबेट्‌मिडी।

मर्कूस 1:32

मेनेम नेम्‍था नेप्‍सुङ गाम्‍डालो मेसिन्‍डा खोत्‍ले नो़पामिम नुङ मुनाङपेलका हुपामिमलाई मु़चु़मिमका येशूकाडा रेट्‌मिडी।

लूका 4:39

गुमी उमा फार्डा लम्‍डिमा मे डार्चु़मोलाई डिन्‍बेट्‌मिडी, मा मे डार्चु़मोका डिट्‌ल्‍याट्‌डु़। मेकोतिमा गु बक्‍तामा उनीमा चापे-डुपे बु़साड्‌डु़मी।