लूका 4:36 - थुलुङ राई

³⁶ खोत्‍ले मु़चु़मिम ङाङाया दु़म्‍मिडिमा आरे र्‍वाबोमु चु़म्‍मिडी, “ओरामका जेमिम ने हेप्‍माम साखाम नुङ यु़मनुङ रेछा! मुनाङपेलमिमका वो ओरामका र्‍वामिमिम थो़मिमा स्‍वामी रेछा।”

लूका 4:36 Referans Kwoze

लूका 4:32

येशूकु सीसिडा मेर्मिम ङाङाया दु़म्‍मिडी, हेङालोने उनीमा सिजेम साखामनुङमा बाइडा।

१ पत्रुस 3:22

ख्रीष्‍ट पाह्रीला लम्‍डी मा माम्‍चु़नीका खोत्‍ले पाह्रीचो़मिम, साखाम नुङ यु़म बाट्‌पा धामुलाम पेलमिमलाई येशू ख्रीष्‍टकु साखामगोडा बेसाका गुमीलाई उनीमा जो़प ल्‍वालाम गन्‍बेट्‌मिडिम बु।

मर्कूस 7:37

ओराम ल्‍वाम्‍डिमा मु़चु़मिम छो़म ङाङाया दु़म्‍मिडी। मेकोतिमा र्‍वाम्‍डी, “गुमीका बेम्‍डिम खोत्‍ले जो़पा नु़पा ङा बु। गुमीका ने मेथो़पालाई थो़पा, मा मेजेपालाई जेमुचापा बनेबोमी रेछा।”

मर्कूस 1:27

मेसिन्‍डाम खोत्‍ले मु़चु़मिमका मेराम ल्‍वाम्‍डिमा ङाङाया दु़म्‍मिडी, मा उनी त्‍वाप-त्‍वापडाङा, “हाम डे आरेप्‍माम? ओराम ने आच्‍छाङाकाम लाले सीसि डे रेछा! मा ओरामका ने उ मुलु़गोनोम होम्‍साकाङा मुनाङपेलमिमलाई वो भुरु़मी रेछा! मा मेर्मिमका वो ओरामका र्‍वामिम थो़मी रेछा!” र्‍वाबेम्‍डी।

मत्ती 9:33

येशूका मुनाङ कोल्‍मिडिमा मे मु़चु़ जेमु चो़म्‍डु़। मेकोतिमा सेर्पा मु़चु़ ङाङाया दु़म्‍तो र्‍वाम्‍डी, “इस्राएलडा आरेप्माम ने हेल्‍लो वो दु़स्‍ताम मेबायावा।”

लूका 2:18

ओराम ल्‍वा थो़पामिम खोत्‍ले ङाङाया दु़म्‍मिडी।